ایشید-دن قاچان نیزار آدلی قادین ترورچو تشکیلاتین قاچیرتدیغی ۴۷۵ قادینین سکس کؤله‌سی اولاراق ایستیفاده ائدیلدیینی، ۱۵ یاشلی بیر قیزین تجاوز ائدیلرکن قاناخمادان اؤلدویونو دئییب.

آخار. آذ خبر وئریر کی، سورییادا بیر ایشید حبسخاناسیندا گؤزتچی کیمی چالیشان نیزار حبسخاناداکی اسیر قادینلارین دفعه‌لرله زورلاندیغینی بیلدیریب. قادینلارین همین حبسخانادا دهشتلی ظلملر چکدیینی دئین ترورچو ساغ قالانلارین بیر قیسمینین ایشید-چیلرله ائولندیریلدیینی، بیر قیسمینین ایسه اعدام ائدیلدیینی قید ائدیب.

نیزار بیلدیریب کی، او، شاهیدی اولدوغو دهشتلردن سونرا گئجه‌لر قورخولو یوخولار گؤرور، بونا گؤره ده عائله‌سی ایله بیرلیک‌ده سورییادان تورکییه‌یه قاچیب.