Axar.az
یوخاری
19 اوکتیابر 2018


آذربایجاندا سئل فلاکتی: ۴۹ اؤلو، ۱۵۰ میلیارد زیان

آنا صحیفه پلانت
12 Punto 14 Punto 16 Punto 18 Punto

۱۴ آپرل داشقینلاریندا ۹۰ کنده جدی زیان دییب، اونلاردان ۷۰-نین گازی، سویو و ایشیغی آرتیق برپا اولونوب.

آخار. آذ خبر وئریر کی، بو بارده شرقی آذربایجان والیسی ایسمایل جببارزاده معلومات وئریب. چینار کندینده حادثه‌ده هلاک اولانلارین دفن مراسیمینده ایشتیراک ائد‌ن والی تکجه بو کندده ۲۰ نفرین هلاک اولدوغونو قید ائدیب.

والینین سؤزلرینه گؤره، چینار کندینده ۱۲ ائو تمامیله داغیلیب، ۱۸ ائو ایسه جدی زیان دییب.

سئل و داشقین نتیجه‌سینده شرقی آذربایجان ویلایتینین عجبشیر و آذرشهر شهرلرینده ۴۲ نفر حیاتینی ایتیریب. بوندان باشقا، هشترودون آتاشبی یاشاییش منطقه‌سینده ده بیر نفری سئل آپاریب.

سئل قربی آذربایجان و دیگر ویلایتلرده ده جدی فسادلار تؤردیب. غربی آذربایجاندا بیر نفر، ساققیز و بانا شهرلرینده ایسه ۵ نفر داشقین نتیجه‌سین‌ده هلاک اولوب.

والی سیل و داشقینلاردا دیمیش زیانین، ایلکین حسابلامالارا گؤره، ۱۵۰ میلیارد تومان اولدوغونو بیلدیریب.

ویلایتلر اوزره عالی شورانین آذربایجانلی نماینده‌سی بهنام مفضفینین وئردیی معلوماتا اساساً، شرقی آذربایجان‌دا ۱۰۵ عائله ائوسیز قالیب. حاضردا اونلار چادیرلاردا مسکونلاشدیریلیب. اونون سؤزلرینه گؤره، ایکی کند تمامیله داغیلیب. بهنام مفضفی تبریزده ده داشقینلار نتیجه‌سین‌ده ۵ ائوین تمامیله داغیلدیغینی آچیقلاییب.

«سل و داشقینلارین یاراتدیغی فسادلارا گؤره بیر چوخ اکین ساحه‌لری یارارسیز وضعیته دوشوب. بو تورپاقلارین یئنی‌دن یارارلی حالا گلمه‌سی اوچون ۶۰ ایل واخت لازیم اولاجاق»، - بئهنام مفضفی دئییب.

سئل و داشقینلار اورمو گؤلونون سویونون سوییه‌سینین یوکسلمه‌سینه ایسه مثبت تأثیر ائدیب. گؤلون سویو بو یاغینتیلار نتیجه‌سین‌ده ۸-۹ سانتی متر یوکسلیب.

اورمو گؤلونون برپاسی اوزره یارانان قراگاهین غربی آذربایجان افیسینین رهبری فرهاد سرخوش بو باره‌ده ایسنا-یا معلومات وئره‌رک بیلدیریب:

«حاضردا گؤلون برپاسی اوچون مناسیب شرایط یارانیب. بودجه واختیندا آیریلارسا، بو ایل آپاردیغیمز فعالیتلر نتیجه‌سینده جدی نتیجه‌لر الده ائده بیلریک».

سرخوش همچینین بیلدیریب کی، شرقی و غربی آذربایجانین بوتون بندلرین‌ده (سدلرده) سو احتیاطلاری کیفایت قدر دولوب.

تاریخ
2017.04.17 / 12:14
مولف
Axar.az
شرح لر
دیگر خبرلر

تبریزده گنج سویداشیمیز اینتیهار ائتدی

قاشیق‌چی بونا گؤره اؤلدورول‌دو: ایسرایلین ایفشا ائتدیی پلان

پوتین اؤزبکیستان‌دا آتوم الکتریک ایستانسییاسینین تملینی آتدی

اردوغان آذربایجان ماهنی‌سی ایفا ائتدی – ویدئو

سرکیسیان پارتییاسینی تعجیلی توپلادی

آوروپا شوراسینداندان چیخمالی، اؤلوم حؤکمونو برپا ائتملیییک - سولوویوو

آوروپا ایران نفتینی آلماق اوچون یول آختاریر

قاشیق‌چی اولایی کنگرسله ترامپی اوز-اوزه قویدو

آمریکا اسدله ایرانا قارشی پلان حاضرلاماق ایستییر

ارمنیستان یئنی باش ناظر سئچمک اوچون توپلاشیر

خبر خطّی
 
Axar.az'da reklam Bağla
Reklam
Bize yazin Bağla