ایران‌دا بو گون کئچیریلن پرزیدنت سئچکیلرینده سس وئرمنین مدتی ساعت ۲۴:۰۰-آ قدر اوزادیلیب.

آخار. آذ خبر وئریر کی، بو، ساعت ۱۸:۰۰-دا بیتملی اولان سس وئرمنین ۳-جو دفعه اوزادیلماسی‌دیر. ایران داخیلی ایشلر ناظرلیگی سس وئرمنین اوزادیلماسینا سبب کیمی سئچیجیلرین یوکسک فعاللیغینی، سس وئرمه منطقه‌لری قارشیسیندا اوزون-اوزادی نؤوبه‌لری گؤستریب. همچینین سئچیجیلره مراجعت ائد‌رک، داها آز نؤبه اولان سئچکی منطقه‌لرینه مراجعت ائتمه‌لری خواهیش ائدیلیب (ایران‌دا قیدیات اولمادیغیندان، سئچیجی اؤلکه‌نین ایسته‌نیلن منطقه‌سینده سس وئره بیلر).

شهر شوراسی سئچکیلری ده بوگونه تعیین ائدیلدییندن، سئچیجیلرین منطقه‌لرده سس وئرمه مدتی آرتیر و بونا گؤره ده بؤیوک نؤوبه‌لر یارانیر.

قید ائدک کی، بو گون ایراندا کئچیریلن پرزیدنت سئچکیسینده اساساً ایکی نامیزد – حاضیرکی پرزیدنت، اصلاحات‌چیلارین دستکلدیی حسن روحانی ایله مهافیظه کارلاری دستکلدیی ایبراهیم رئیسی آراسیندا رقابت گئدیر.

ایراندا سئچکی نؤوبه‌سینه دوران سئچیجیلرین فوتولارینی تقدیم ائدیریک: