Axar.az
یوخاری
16 دکابر 2017


قطر بحرانی نیه یارانیب؟ – شوک سبب

آنا صحیفه پلانت
12 Punto 14 Punto 16 Punto 18 Punto

قطرله دیگر عرب اؤلکه‌لری آراسینداکی گرگینلیین اساس سببی قطر-ایران گاز ساحه‌سی اولوب.

آخار. آذ خبر وئریر کی، بو ادعا ایله ایسرایلین «هارتص» قزئتی چیخیش ائدیب. قزئت قطرین یئنی‌دن ایرانلا بو ایستیقامتده چالیشماغا باشلاماسینین دیگر عرب اؤلکه‌لرینین اعتراضلارینا سبب اولدوغونو بیلدیریب:

«قطر دونیانین ان بؤیوک مایع گاز ایخراجاتچیلاریندان بیریدیر. بئله کی، رسمی دوحه ۲۰۰۵-جی ایلده‌ن بو یانا ایرانلا اورتاق اولدوغو گاز ساحه‌سینین اؤزونه عایید اولان شیمالی گونبز حیصه‌سینده فعالیتلرینی دایاندیریب. لاکین آپرئل آییندا قطر اؤزونه تطبیق ائتدیی بو سانکسییالاری اورتادان قالدیردی. ماراقلی مقام اودور کی، قطرین بو ایستیقامتده اساس رقیبلری آمریکا، آوسترالییا و روسییا ساییلیر. اوسته‌لیک، بؤلگه‌ده قطرله ایرانین بیرگه فعالیت آپاراجاغی دا نظره چارپیر. بونونلا تهران قطرین مایع گاز حکمرانلیغینا اورتاق اولماغی هدفلییر.

دیگر ماراقلی مقام ایسه ایرانا قارشی سانک‌سییالارین لغویندن سونرا تهرانین «توتال» آوروپا کورپوراسییالاری ایله آنلاشمالارا ایمضا آتماسییدی».

قطر-ایران گاز ساحه‌سی ندیر؟

ایران-قطر گاز ساحه‌سینه پارس یاتاغی عاییددیر. بو یاتاقلار فارس کؤرفزینین اورتاسیندا یئرلشیر. ایران طرفی پارس یاتاغینین اؤز ساحه‌سینه دوشن حیصه‌سینی جنوبی پارس، قطر طرفی ایسه شیمالی گونبز آدلاندیریر. یاتاقدا عمومیلیکده ۲۸ تریلیون کوب متر گاز و ۷ میلیارد تون نفت وار. آیری-آیریلیق‌دا ایسه شیمالی گونبزده ۱۳،۸ تریلیون کوب متر گاز و ۴،۳ میلیارد تون نفت وار. جنوبی پارسدا ایسه ۱۴،۲ تریلیون کوب متر گاز و ۲،۷ میلیارد تون نفت موجوددور.

قطر بحرانی نئجه باشلادی؟

۸ ایسلام اؤلکه‌سی قطرله علاقه‌لرینی دایاندیریب. بو اؤلکه‌لر سعودییه عربیستانی، مصر، بحرین، بیرلشمیش عرب امیرلیکلری، لیوییا، یمن، مالدیو و ماوریکیدیر. علاقه‌لرین دایاندیریلماسینا سبب کیمی قطرین ترورچولارا وئردیی دستک گؤستریلیب. خصوصاً بیرلشمیش عرب امیرلیکلری قطری مسلمان قارداشلاری ایله علاقه‌ده گناهلاندیریب.

آرتیق مسئله‌یه باشقا دؤولتلر ده رئاکسییا وئریب. قطر و سعودییه عربیستانی ایله کیفایت قدر یاخین اولان تورکییه بو مناسیبتلرین پوزولماسیندان تأسف ائتدیینی آچیقلاییب. ایران ایسه طرفلری دیالوگا چاغیریب. ان ماراقلی آچیقلامالار آمریکا و ایسرایلدن گلیب. ایسرایل مدافعه ناظری آویگدور لیبرمان طرفلر آراسیندا باش وئرن فیکیر آیریلیقلارینین تئل-اویو اوچون یئنی ایمکانلار آچدیغینی سؤیله‌ییب. آمریکا ایسه تعجیلی شکیلده فیکیر آیریلیغینین اورتادان قالدیریلماسینی طلب ائدیب.

قطر بحرانی آمریکانین یاخین شرق عملیاتلارینا دا تأثیر ائتمه‌ییب. ماراقلی مقام اودور کی، آمریکانین یاخین شرقده ان بؤیوک بازالاریندان بیر محض قطرده یئرلشیر. واشینگتن قطرده ۱۰ مینلیک اوردو ساخلاییر. آمریکالیلارلا یاناشی بؤلگه‌ده آرتیق تورکییه ده حربی بازا یارادیب.

تاریخ
2017.06.06 / 14:47
مولف
Axar.az
شرح لر
دیگر خبرلر

تورکییه یگانه اؤلکه‌دیر کی، سفیرلیگی... - ییلدیریم

سعودییه عربیستانی داها بیر قاداغانی لغو ائتدی

اردوغان: آمئریکایا ایمکان وئرمیه جه ییک

آوروپانین ان قوجامان ساکینی وفات ائتدی

بو گون یئره تهلوکه‌لی آستروید یاخینلاشیر - ناسا

سپاه-این کئچمیش کوماندانی: ایسرایلی محاصره‌یه آلمیشیق

پوتین آرتیق یورولوب، سون کونفرانسدا… - لویکو

آمئریکا ایران سیاستینی آچیقلادی: «اتفاق قوروروق»

ارمنی اوردوسونا بونو یاغ آدینا یئدیزدیردیلر – حبسلر

تاریخ‌ده ایلک: بو اؤلکه اف ام رادیودان ایمتیناع ائتدی

خبر خطّی
 
  
  
  
  
Axar.az'da reklam Bağla
Reklam
Bize yazin Bağla