Axar.az
یوخاری
19 یانوار 2018


هاوکینگدن اس او اس: یرین سونو چاتیر، آی و مارسا…

آنا صحیفه پلانت
12 Punto 14 Punto 16 Punto 18 Punto

اینسانلیق ۳۰ ایلده‌ن سونرا یئری ترک ائتمه‌یه باشلامالیدیر.

آخار. آذ خبر وئریر کی، بونو نوروژده کئچیریلن «ایستارموسس» فستیوالیندا چیخیشی زامانی بریتانییالی آستروفیزیک ایستیون هاوکینگ سؤیله‌ییب. اونون سؤزلرینه گؤره، اگر اینسانلار یئری ترک ائتمه‌سه‌لر، او زامان ایقلیم دییشیکلیگی و اهالینین چوخلوغوندان محو اولاجاقلار.

هاوکینگ اینسانلاری تعجیلی اولاراق مارس و آیدا کولونییالار یاراتماغا، ائلجه ده مختلیف جانلیلارین بورا داشینماسی پروسسینی باشلاتماغا چاغیریب:

«اینسانلیغین محوی ساده‌جه آن مسئله‌سیدیر. تهدیدلر حددن آرتیق جدیدیر و چوخدور. اینسانلارین یئری ترک ائتمه‌سی گرکدیینه اینانیرام. یئر بیزیم اوچون آرتیق چوخ دارلاشیر، رسورسلاریمیز ایسه چوخ بؤیوک تمپله توکنیر. بیز اؤز پلانتیمیزه ایقلیم دییشیکلیگی، تمپراتور آرتماسی، چوخ سایدا جانلیلارین محوی فورماسیندا دهشتلی هدیه وئرمیشیک. تاریخیمیزده بنزر بحرانلار یارانان کیمی بیز عادتا هاراسا کؤچوردوک. ۱۴۹۲-جی ایلده بونو یئنی دونیا آچماقلا کلمب ائتدی. ایندی آرتیق هئچ بیر یئنی دونیا یوخدور. بیزه آرتیق یئر یوخدور و باشقا دونیالارا احتیاجیمیز وار.

زامانلا یئر آسترویدله توقوشاجاق و بو، فلاکت اولاجاق. بو، علمی فانتاستیکا دئییل. بونو بیزه فیزیکا قانونلاری ضمانت آلتیندا دئییر. کوسموسدا مسکونلاشما اینسانلیغین تاریخینی دییشه‌جک. او معینلشدیرجک کی، بیزیم هانسیسا گلجییمیز اولاجاق، یا یوخ. هارا گئتمییمیزدن آسیلی اولمایاراق، بیز یئنی اکوسیستم و سیویلیزاسییا یاراتمالی اولاجاغیق. بیز بیر نئچه مین اینسانی، حیوانی، بیتکینی، حشراتی دیگر پلانتلره کؤچورمک باره‌سینده فیکیرلشملی اولاجاغیق.

ایلک مستملکه‌لرین یارادیلماسی اوچون آی و مارس اوغورلو یئرلردیر. آیدا بئله بازانی ۳۰ ایله، مارسدا ایسه ۵۰ ایله حاضرلاماق اولار. بیز همچینین گونش سیستمینی ترک ائدیب، یاخین اولدوز سیستمی اولان آلفا چنتاورایا گئتملیگیک. عالیملرین فیکرینجه، محض بورادا اینسانلار اوچون فایدالی پروکسیما ب پلانتی وار. بیز یئنی کوسمیک دؤوره قدم قویوروق. آرتیق یئنی ائرا ارفسیندییک. باشقا پلانتلرین اینسانلار طرفیندن مستملکه‌یه چئوریلمه‌سی علمی فانتاستیکا یوخ، علمی فاکت اولا بیلر.

اینسان ایرقی آیری نؤع کیمی ایکی میلیون ایلدیر مؤوجوددور. سیویلیزاسییا تخمیناً ۱۰ مین ایل اول یارانیب و اینکیشاف تمپلری گئتدیکجه آرتیر. اگر اینسانلیق داها بیر میلیون ایل یاشاماق ایستییرسه، او، هئچ کیمین اولمادیغی یئرلره یوللانمالیدیر. من خوش شیلره اومید ائدیرم».

تاریخ
2017.09.12 / 13:48
مولف
Axar.az
شرح لر
دیگر خبرلر

لاوروودان خبردارلیق: ترورچولار بونو اؤیره نیبلر...

روسییا آچیقلادی: اوکراینا هوجوما حاضیرلاشیر...

تورکییه‌نین کشفیات رهبری موسکوادا: دیققتچکن دئتال...

آمریکانین کمکینه احتیاجیمیز یوخدور - پاکیستان

فرانسادا محبوس قیامی: پولیس عملیات کئچیریر

پوتیندن امر: تهلوکه‌سیزلیک خیدمتی قونشو اؤلکه‌لر حاقدا سند حاضرلادی

روسییا بیزی محو ائدر - دیپلومات

سورییادان شوک آچیقلاما: تورکییه‌نی درحال ووراجاغیق

سااکاشویلینین پارتییاسی یئنه سس ایتیریر – سورغو

پوتین بو اؤلکه‌لری آوراسییا اتفاقینا دعوت ائتدی

خبر خطّی
 
  
  
  
  
Axar.az'da reklam Bağla
Reklam
Bize yazin Bağla