Axar.az
یوخاری
19 اوکتیابر 2017


بعضا یالان چوخ گؤزلدیر - ویدئو

آنا صحیفه پلانت
12 Punto 14 Punto 16 Punto 18 Punto

اوشاق ایدیم، بیرینجی الله آلداتدی منی.

آتامی آپاردی.

یالان دانیشماق آسان گلمسین سیزه. جم ییلماز دئمیش، کیمینسه یالان دانیشدیغینی بیلیریکسه، کیمینسه یالانینی توتوروقسا، او، یالانچی دئییل. جدی مسئله‌دی.

یاخشی یالان اولاندا بیلرکدن اینانیرام. ائله گؤزل یالانلار اولور، آدامین حیفی گلیر. مثلاً، تا اوشاقلیقدان اوزوسته یاتماقدان خوشوم گلیر. ائله راحتدی کی! گل، آتام دئییردی، اوزوسته یاتماق گوناهدی، آرخانی اللها چئویرمک اولماز. ایندی ده اوزوسته مورگوله‌یه‌ن کیمی سؤزلری دوشور یادیما، تئزجه چئوریلیرم. سونرا ائله او خاطره‌یه باش قویوب یوخولاییرام. دئیرسن، مین ایلین یورغونلوغو وار جانیمدا، بوتون حجیره‌لریم یاتیر. او قدر شیرین یالاندی کی...

یورغان هاواسیدی. بیر-ایکی شیرین یالان دئییم، مورگولیین.

خلیل رضا اولوتورکون مشهور آزادلیق نغمه‌سی کی وار، هامینین ازبردن بیلدیی.

آزادلیغی ایستمیرم ذره-ذره، قرام-قرام،

قولومداکی زنجیرلری قیرام گرک، قیرام، قیرام...

گنجه‌ده تدبیر تشکیل اولونوب. شاعر چیخیب یوزلرله اینسانین قاباغینا. آلیب الینه پافوسو، باشلاییب هامان بو شعیره. دئدیکجه جوشوب، گئتدیکجه ترانسا گیریب، وطن سئوگیسی گوج گلیب، الینی آتیب سینه‌سینه، جیریب کؤینیینی.

زالدا دا قیز-قادین، شاعری دؤوره‌له‌ییب چیخاریبلار چؤله. زال آیاق اوسته، تخمیناً یاریم ساعت ال چالیب. باکی‌دان گئدن شاعرلر هامی ایشینی بیتیریب؛ شاعرلر شعیر دئییب، موغننیلر اوخویوب. وعده چاتیب، باکییا قاییتماق واختیدی. خلیل رضا اوتوروب قاباقدا. ماشین یولا دوشر-دوشمز، او بیری شاعره دئییب کی، آرخادا کؤینک قویموشام، اونو وئر.

شاعر باکی‌دان تدبیرلی گلیب. اولدن قوردوغو سنارینی مهارتله اویناییب.

اما نئجه شیریندی، دئییلمی؟

***

مثلاً، هامی بیلیر کی، هیمنین سؤزلری احمد جاوادیندی. من ده ائله بیلیردیم. گل، بیر آراشدیرما اوخودوم. معلوم اولور کی، اصلینده هیمنین سؤزلری احمد جاوادین یوخ، او ایللر مطبوعات‌دا «جمو بی» تخللصو ایله یازان جمو جبراییلبی‌لییه عاییددیر.

آراشدیرمادا قید اولونور کی، ۱۹۱۹-جو ایلده "ایران" متبعه سینده "میللی نغمه‌لر" آدلی بیر کیتابچا بوراخیلیب. بورادا او دؤورون هم تورکییه‌لی، هم آذربایجان شاعرلرینین وطنپرورلیک مؤوضوعسون‌دا یازدیغی تخمیناً ۹۹ شعیر توپلانیب. اونلاردان بیری ده ایندیکی هیمنیمیزین متنی‌دیر. بو شعیرین آشاغی حیصه‌سین‌ده ایندیکی کیمی احمد جواد آدی یوخ، جمو بی ایمضاسی وار.

جمو جبراییلبیلینین اؤزو او دؤورون چوخ تانینمیش قلم صاحبی ایدی. ادبیاتلا، ترجمه مسئله‌لریله، پدوگوژی فعالیتله مشغول اولوردو. حتی او دؤورون مطبوعاتینا نظر سالاندا اونون بیر نئچه پیئسینین صحنه‌یه قویولدوغو حاقدا دا معلوماتلارا راست گلیریک. اما جمو بی ایمضاسی ایله تکجه جبراییللی یازمیردی. او واخت جمو بی حاجینسکی ده واردی.

بو «جمو»لاردان بیریدی شعیرین مؤلفی. هانسیدی، بیلمیرم، اما احمد جواد دئییل.

آسیف روستملی مقاله‌سینده سوال وئریب کی، ۱۹۱۹-جو ایلده چاپ اولونان متنین سونوندا جمو بی یازیلماسینا باخمایاراق، بس نئجه اولدو کی، او احمد جاوادا عایید ائدیلدی؟ اؤلکه‌میز ایکینجی دفعه موستقیل‌لیک قازاندیقدان سونرا بو هیمنین قبول ائدیلمه‌سینی تکلیف ائد‌ن آداملار حیاتدادیر و اونلار بو سوالا جاواب وئرمه‌لیدیر. او دؤورده بو متنی میللی مجلیسه کیم تقدیم ائدیب؟ نیه احمد جاوادین آدینا باغلاییب؟ – اما بو سواللار هله ده جاوابسیز قالیب.

***

سونرا اوخودوم کی، سن دئمه، ایلک خالق یازیچیمیز ۱۹۳۰-جو ایلده اصلا ارمنی اولان آلکساندر شیروانزاده (مووسئسیان) اولوب.

***

یئنه دئییرم، بونلار یالان دئییل آ. ائله بیلرسیز، کیمیسه یالانچیلیقدا، پلاگیاتدا اتهام ائدیره‌م، اصلا. بو داهیلرین یالانلاری توتولوبسا، دئمک، یالانچی دئییللر. یا زلزله‌دن، یا ولوله‌دن، نسه اولوب. اولوب کی، بئله اولوب.

کئچن دفعه امین ثابیت اوغلونون بسته‌سی اوستونده آز قالا لینچ ائلدیلر منی.

حالبوکی من دئمدیم او، اوغورلوق ائدیب. دئدیم، موسیقینی تقدیم ائدیرم، دینلیین، اؤزونوز قرار وئرین. نه دئدیم کی؟

دونن «شوکرییه»یه قولاق آسیرام. او دا امین ثابیت اوغلونوندو.

بیردنجه قولاغیم چالدی.

بو موسیقینی هاردا اشیتمیشم؟

اولار. بلکه ده پروبلم منده‌دی. آشاغیدا هر ایکی موسیقی وار. دینلیین، اؤزونوز قرار وئرین.

شر آتمیرام، پلاگیاتلیقدا اتهام ائتمیرم، بو، عادی دینلییجی یوزومودو.

منجه، امین ثابیت اوغلو «شوکرییه نی» گؤتوروب، میللی آب-هاوادا تقدیم ائدیب.

ایندی مرادلاردان بیری دئیه‌جک، بئله حاللار مومکوندو، نوت فرقی وار-فیلان. سوال ائدیرم:

- بس من بستلنمیش بیر موسیقینین گؤزونه بیر آز عمر، بیر آز خیام قاتیب، آغلیمجا اوراسینا زیل قوشوب، بوراسینی بم ائدیب، آدیملا تیراژلایا بیلرم؟

۱) گولدن کارابؤجئک

تاریخ
2017.10.12 / 15:02
مولف
Axar.az
شرح لر
دیگر خبرلر

۲۷ ایلده‌ن سونرا بیر ایلک: سعودییه ایله عراق...

اوکراینادا قارشی‌دورما: ۱۱ نفر ساخلانیلدی

کوردوستاندان داها بیر قرار: نؤوبتی سئچکیلر...

عراق آدلی اؤلکه یوخدور - تورکییه‌لی تاریخچی

آمئریکادا سلاحلی هوجوم: اؤلن و یارالانانلار وار - یئنیلندی

آمئریکا پولیسی ۴۰ ایل سونرا ایتکین دوشه‌ن عسگری تاپدی

غزافی گئری قاییدیر: لیوییانین خلاصی...

بارزانییه یاخین اولان تلویزییادان کرکوکله باغلی چاغیریش

آمئریکادا سلاحلی هوجوم: یارالیلار وار - تعجیلی

کوردلرله دؤیوشه‌ن لیدردن آذربایجانلیلارا - مئساژ

خبر خطّی
 
Axar.az'da reklam Bağla
Reklam
Bize yazin Bağla