Axar.az
یوخاری
11 دکابر 2017


ترامپین تاریخی حساباتی: آمریکا ایرانلا ساواشا باشلاییر؟

آنا صحیفه پلانت
12 Punto 14 Punto 16 Punto 18 Punto

اوکتیابرین ۵-ده آمریکا پرزیدنتی دونالد ترامپ بیر قروپ آمریکالی حربچی ایله گؤروشوب داها سونرا اونلارین عائله عضولری ایله بیرلیکده شکیل چکدیرن زامان ژورنالیستلره «فیرتینادان اوولکی ساکیتلیین شاهیدیسینیز» دئیه ایفاده ایشلدیب. ژورنالیستلرین «بونون آنلامی ندیر» سوالینا ایسه ترامپ ساده‌جه «گؤرجکسینیز» جوابینی وئرمکله کیفایتلنیب.

بس ترامپین دئدیی «فیرتینادان اولکی ساکیتلیک» ایفاده‌سی نه دئمکدیر؟

اولا بو ایفادنین حربی‌چیلرله گؤروش زامانی ایشلدیلمه‌سی داها بؤیوک اؤنم داشیییر. حتی یاخین گله‌جکده بیر محاربه‌نین ده اولا بیلجیی آنلامینا گله بیلر.

ترامپین بو ایفاده‌سینی ۳ نقطه نظردن ایضاح ائتمک اولار.

بیرینجی‌سی، ترامپ دایم دقتی اؤزونه جلب ائتمک ایستدییندن بئله بیر ایفادنی ایشلتمیش اولا بیلر. قید ائدک کی، ترامپ ۱۰ ایلدن چوخ بیر تلویزییا کانالیندا شوومن و آپاریجی کیمی چالیشیب. بو سببدن دایم گوندمده قالماغی و سؤزلرله اوینایاراق سنساسییا یاراتماغی یاخشی باجاریر.

ایکینجی، بو ایفادنی ایشلدرکن ترامپ شیمالی کورئیایا هوجوم پلانینی نظرده توتا بیلر.

اوچونجو احتیمال ایسه ترامپین ایرانا قارشی توتدوغو مؤقعده جدی دییشیکلیین اولماسی احتیمالیدیر. بئله کی، صاباح ترامپ «آلتی‌لیق» اؤلکه‌لری ایله ایران آراسیندا نووه سازیشی باره‌ده معروضه ایله چیخیش ائد‌جک. ترامپ کنگرسه تقدیم ائدجیی حساباتدا ایرانین نووه سازیشینه صادق اولوب-اولماماسی حاقدا معلومات وئرمکله برابر، ایرانلا باغلی موناسیبتلرین گلجیی باره‌ده قراری و مسئولیتی کونگرسمئنلرین اوزرینه آتمیش اولاجاق.

اصلینده ترامپ بو سازیشین تام علیهینه اولسا دا، موقاویله‌یه ایمضا آتان متفیقلرینین مؤوقعیینی نظره آلاراق، همین سازیشی بیرباشا لغو ائده بیلمیر. هم ده ماگاته-نین (آتم انرژیسی تشکیلاتین) ایندییه قدر ایرانین سازیشه عمل ائتدیینی متمادی اولاراق تصدیقله‌مه‌سی ده ترامپ اوچون هئچ بیر ایمکان یاراتمیر.

ایران و آمریکا موناسیبتلرینی گرگینلشدیرجک و فیرتینا یاراداجاق سیاسی داورانیشلاردان بیری ترامپین «ایرانین نووه سازیشینه عمل ائتمه‌مه‌سی» ایفاده‌سینی اؤز معروضه‌سینده آچیق ایشلتمه‌سی اولاجاق. لاکین آمریکا پرزیدنتینین بو ایفادنی ایشلتمک احتیمالی چوخ آزدیر.

دیگر طرفدن ایسه ترامپ اؤز معروضه‌سینده ایرانین نووه سازیشینین اجراسینا عمل ائتدیی باره‌ده دقیق فیکیر بیلدیرمه‌دن رسمی تهرانی بیر سیرا مسئله‌لرده شفافلیغا عمل ائتمه‌مکده اتهام ائتمه‌سی اولا بیلر. اصلینده ماگاته رهبری یوکیو آمانو سنتیابرین ۲۴-ده ایرانین اتم فعالیتی ایله باغلی مسئله‌یه مناسیبت بیلدیررکه‌ن «اونون تمثیل ائتدیی تشکیلات ایرانین بو موقاویله‌یه عمل ائتدیینی یوخلاماق‌دا عاجیزلیک چکیر» دئمیشدی. ترامپ محض بو سیتاتدان ایستیفاده ائد‌رک ایرانا قارشی بیر سیرا اتهاملار ایر‌لی سوره بیلر.

نووه راضیلاشماسینین «ت» پروتوکولونا اساساً ایران نووه پارتلاییشلارینین کومپوتئر واسطه‌سی ایله اوخشار شرایطینین یارادیلماسی و یوخلانیلماسی پروگراملاریندان محروم ائدیلیب. اما بو پارتلاییشلارین ایراندا کومپوتئر واسطه‌سی ایله آپاریلیب-آپاریلماماسی پروقراملارینین اولماسی باره‌ده ماگاته (اتم انرژیسی تشکیلاتی) هئچ بیر یوخلانیش آپارا بیلمیر. بئله مقاملار ترامپا ایرانین سازیشه تام ایجرا ائتمه‌مه‌سی باره‌ده فیکیر سؤیله‌مه‌سینه زمین یارادا بیلر.

ترامپین بئله معروضه‌سی سازیشی پوزما جهدی کیمی دیرله‌نمه‌سه ده کنگرسمنلری چیخیلماز دوروما سالاجاق.

ترامپ و کنگرسمنلرین آراسیندا اولان گرگین مناسیبتی نظره آلساق، بئله بیر شرایط‌ده پرزیدنتین تصدیق ائتمدیی بیر سازیشه کنگرسمنلرین اعتیناسیز قالماسی اونلارین اعتبارینا خلل گتیره بیله‌جک عاملدیر. دیگر طرفدن کنگرس سانکسییالارین بیر قیسمینی و یا هامیسینی برپا ائدجیی تقدیرده حادثه‌لرین گئدیشی حقیقتا فیرتینایا سبب اولا بیلر.

ترامپ بئله بیر معروضه حاضرلاسا، کنگرس ایرانا قارشی یئنی سانکسییالار تطبیق ائده و حتی ایسلام انقیلابی کشیکچیلری (سپاه) آدینی ترور تشکیلاتلاری سیاهیسینا سالماغا مجبور اولا بیلر.

کنقرسده تصدیق اولونان کاتسا (آمریکا دوشمنلری ایله سانکسییالار واسطه‌سی ایله موباریزه قانونو) قانونونا اویغون اولاراق کنگرسمنلر ایرانا هانسیسا سانکسییالار تطبیق ائتمک مجبوریتینده قالاجاقلار. بو سانکسییالار آغیر و یا یونگول اولماسیندان آسیلی اولمایاراق، ایرانین اعتراضینا و حتی سازیشی لغو ائتمه‌سینه گتیریب چیخارا بیلر.

ایران رسمیلری بو احتیماللاری نظره آلاراق موختلیف هدلییجی بیاناتلارلا چیخیش ائدیرلر. حتی اوکتیابرین ۸-ده محمد علی جعفری سپاه-این ترور تشکیلاتی سیاهیسینه سالینماسی باره‌ده آمریکایا خبردارلیق ائد‌رک بیلدیرمیشدی کی، بئله اولان تقدیرده آمریکا ایرانا ۲۰۰۰ کیلومترلیک مسافه‌ده اولان بوتون بازالارینی ییغیشدیرمالی اولاجاق، عکس حالدا ایران راکتلری طرفیندن محو ائدیلجک. او، همچینین، بیلدیرمیشدی کی، بئله اولان تقدیرده سپاه سورییادا آمریکا قوه‌لرینی ایشید قوه‌لری کیمی گؤرجک و اونلارلا ترورچو کیمی داوراناجاق.

آمریکا ایرانا قارشی یئنیدن سانکسییالار تطبیق ائدجیی تقدیرده ایران اقتصادیاتی جدی چتینلیکلرله اوزلشه بیلر. بونون نتیجه‌سینده ایران سازیشی لغو ائدیب، سرعتله نوونی (اتمی) زنگینلش‌دیرمه‌یه (۲۰۱۳-۲۰۱۵-جی ایللرده اولدوغو کیمی) باشلایاجاق. دیگر طرفدن، تهران هم ده اؤز راکت تخنولوگییاسینی گئنیشلندیرمه‌یه جهد ائد‌جک. بونونلا دا حادثه‌لر طرفلرین قارشیلیقلی کسکین آددیملاری ایله داها دا گرگینلشه بیلر. موذاکیره‌لرین اولمادیغی بیر شرایط‌ده بئله گرگینلیین سونو حربی موداخیله‌یه قدر گتیریب چیخارا و نهایت، یاخین شرقده یئنی و حقیقی معنادا محو ائدیجی بیر محاربه اوجاغی آلوولانماسینا ایمکان یارادا بیلر.

علیرضا زمانی

تاریخ
2017.10.13 / 09:58
مولف
علیرضا زمانی
شرح لر
دیگر خبرلر

تورکییه و ایسرایل لیدرلرینین سؤز ساواشی باشلادی

ناظردن موخالیفت لیدرینه: سن بیتدین!

قان ایچن و چی ات یئین خالق - فوتو

بیز عراقی او زامان تبریک ائده جه ییک کی... - روسییالی سناتور

روما پاپاسیندان قودسله باغلی شیفره‌لی - آچیقلاما

روسییا چوخ دوغرو مؤقع سرگیله ییر - ایلیاسوو

ایسرایل عسگرلرینه قودسده هوجوم ائدیلدی

میلت وکیلی دن سااکاشویلینین طرفدارلارینا چاغیریش

آمئریکانین اوردو کوماندانلاری تورکییه‌یه گئدیر

ایسرایلین بو آددیمی چیرکین جینایت‌دیر - قطر

خبر خطّی
 
  
  
  
  
Axar.az'da reklam Bağla
Reklam
Bize yazin Bağla