بؤیوک بریتانییانین اوکسفورد اونیورسیتئتینده‌کی علم آداملاری یادپلانتلیلرین خاریجی گؤرونوشو ایله باغلی آنالوقو اولمایان بیر آراشدیرما آپاریب.

پوبلیکا. آذ خبر وئریر کی، عالیملر تکامول نظریه‌سینی یادپلانت‌لیلرین داورانیشلارینی تخمین ائتمک اوچون ایستیفاده ائدیب و اونلارین نیه بنزدیی احتیماللارینا آیدینلیق گتیریبلر.

اونلار بو گونه قدر «اجنبی، حیوانی» کیمی خاراکتریزه ائدیلن خاریجی گؤرونوشده تصوور ائدیلن یادپلائت‌لیلرین اصلینده اینسانلارا بنزدیینی و اینسان اورقانیزمینه داها یاخین اولدوقلارینی ادعا ائدیبلر.

تکامول نظریه‌سینین یادپلانت‌لیلر اوزرینده‌کی تأثیرینی آراشدیران متخصصلر یاد حیات طرزلرینین طبیعی سئچمه‌یه اوغرادیغینی و اینسان کیمی زامانلا داها گوجلو حالا گلدیی آرقومنتینی دستکلییر.

آراشدیرمانین رهبری سام لئوین اینسانلارین بو گونه قدر یادپلانت‌لیلرین سیلیکونو خاتیرلادان درییه صاحب اولدوغونو، د ان تی-لرینین اولمادیغینی و آزوتلا نفس آلدیقلارینی تصوور ائتدیینی بیلدیریب. لاکین تکامول نظریه‌سی تطبیق ائدیلن آراشدیرما بونلارین تام عکسینی اورتایا چیخاریب. او، یادپلانت‌لیلر آراسیندا ایئرارخیک بیر قورولوشون اولدوغونو دا وورغولاییب.