روسییادا قاراباغ موناقیشه‌سینین صرف رئگیونال کونتئکستده موذاکیره‌سی گؤزلنیلیر.

بو سؤزلری آخار. آذ-آ آچیقلاماسین‌دا روسییا و تورکییه پرزیدنتلرینین یاخین ایکی هفته عرضین‌ده روسییادا گؤزله‌نیلن گؤروشو ایله باغلی دانیشان پولیتولوگ ایلقار ولی‌زاده دئییب. اکسپرت اردوغان و پوتینین گؤروشونون اؤنمینی خصوصیله وورغولاییب:

«اؤتن ایلین پاییز آیلاریندا روسییا و تورکییه خاریجی ایشلر ناظیرلرینین ایکیطرفلی گؤروشونده تورکییه‌نین قاراباغ موناقیشه‌سینین تنظیمله‌نمه‌سی پروسسین‌ده ایشتیراکینا دایر آچیق موذاکیره‌لر گئتمیشدی. آنکارا موسکوانین بو تکلیفینی ماراقلا قارشیلاسا دا، بو مدت عرضینده هئچ بیر رئال حرکت باش وئرمه‌ییب. تورکییه و روسییا پرزیدنتلرینین بوندان اؤنجکی گؤروشلرینده بو مسئله ایله باغلی موذاکیره‌لرین گئتدیی استثنا دئییل. گؤرونور، سون نتیجه‌ده تورکییه‌نین پروسئسده ایشتیراکینی آیریجا موذاکیره ائتمه‌یه احتیاج دویوبلار. بو گؤروش گؤستریر کی، پرزیدنتلر قاراباغلا باغلی عمومی دانیشیقلار پروسسینده تورکییه‌نین یئری ایله کیفایتله‌نمه‌ییبلر. اصلینده، بو، مثبت حادثه‌دیر. تورکییه مینسک قروپونون عضوودور، دولاییسی ایله اولسا دا، موناقیشه‌نین ایشتیراکچیسیدیر. روسییادا قاراباغ موناقیشه‌سینین صرف رگیونال کونتکستده موذاکیره‌سی گؤزلنیلیر».

پولیتولوگ حساب ائدیر کی، هر ایکی اؤلکه‌نین رئگیوندا کیفایت قدر ماراقلاری وار:

«تورکییه روسییادا اؤز مؤوقعینی اورتایا قویاجاق کی، بو، آذربایجانین مؤوقعیی ایله تام اوست-اوسته دوشور. موسکوا ایسه اؤز مؤوقعیینی سرگیله‌مکدن چکینمه‌یه‌جک. بیلدیینیز کیمی، روسییا و تورکییه آراسیندا بیر سیرا موهوم لاییحه‌لرینین گئرچکلشمه‌سی اوچون هاوا و حاضیرکی دمیر یولو خطلری کیفایت ائتمیر. آنجاق قاراباغ موناقیشه‌سینین تنظیمله‌نمه‌سی هر ایکی اؤلکه‌یه یئنی ایمکانلار آچا بیلر. بو اوزده‌ن روسییادا قاراباغلا باغلی چوخ جدی موذاکیره‌لرین گئدجیینی استثنا ائتمیرم. تورکییه روسییادا آذربایجانین ماراقلارینی عکس ائتدیرمکله کیفایتله‌نمه‌یه‌رک، باکینین شرطلرینی ده دیقته ائد‌جک».

قید ائدک کی، روسییا پرزیدنتی ولادیمیر پوتینله تورکییه پرزیدنتی رجب طایییب اردوغانین یاخین واختلاردا داغلیق قاراباغ مسئله‌سینه گؤره بیر آرایا گلجیی گؤزلنیلیر.