Axar.az
یوخاری


آمریکا و تورکییه اوز-اوزه: توققوشما ریسکی بونا گؤره آرتیر...

آنا صحیفه پلانت
12 Punto 14 Punto 16 Punto 18 Punto

آمریکا و تورکییه‌نین سورییادا توققوشما احتیمالی گئتدیکجه آرتیر.

بو سؤزلری آخار. آذ-آ آچیقلاماسیندا پولیتولوق ایلقار ولی‌زاده دئییب. اکسپرت بیلدیریب کی، تورکییه‌نین عفرین‌ده آپاردیغی عملیاتلارین میقیاسی آرتدیقجا آمریکا حربچیلری طرفیندن دستکلنن پ ی د قروپلاشمالارینین بؤلگه‌ده فعاللیغی دا آرتیر:

«بو اونو گؤستریر کی، آمریکا هر وجهله رگیوندا تورکییه‌نین فعالیتینی محدودلاشدیرماغا چالیشیر. آنجاق تورکییه پ ی د-نین الی ایله اونا قارشی حاضرلانان اویوندان خبرداردیر و بونا رغما عملیاتلاری دایاندیرماق نیتینده دئییل. ماراقلیدیر، آرتیق تورکییه رسمیلری بیان ائدیبلر کی، آمریکا رسمیلری ایله بو باره‌ده دانیشیقلار آپارماق نیتینده دئییللر. ماهیت آچیقلانماسا، بو بیانات اونو دوشونمه‌یه ایمکان وئریر کی، آمریکا تورکییه‌یه عملیاتلارین حجمینی آزالتماق و بیر سیرا دیگر تکلیفلر ائدیب. تکلیفلر داها چوخ پ ی د-نین منافعلرینه اویغون اولدوغو اوچون تورکییه آمریکا ایله دیالوگا گئتمه‌یه‌جک. دیگر طرفدن، تورکییه‌نین مقصدی بؤلگه‌ده تهلوکه‌سیزلیک زولاغی یاراتماقدیر. ایش اوراسیندادیر کی، بو زولاغین اراضی‌سینده بیر نئچه آمریکا حربی بازاسی یئرلشیر. بو بازالارین تالعیی ایسه سوال آلتیندادیر. تورکییه دفعه‌لرله آمریکادان همین بازالاری اراضی‌دن ییغیشدیرماغی طلب ائدیب. آمریکا ایسه جاری حربی پلانلاریندا دییشیکلیک ائتمک فیکرینده دئییل. بو فوندا سورییادا بیرباشا توققوشما احتیمالی یوکسکدیر».

اکسپرت قید ائدیب کی، آمریکا حاضردا پ ی د-نین الی ایله بؤلگه‌ده محکه‌مله‌نمه‌یه چالیشیر:

«بونا گؤره ده آمریکا پ ی د-نین سورییادا توتدوغو مؤقعلردن گئری چکیلمه‌سینه ایمکان وئرمیر. آنجاق ایسته‌نیلن حالدا تورکییه عملیاتلاری دایاندیرمایاجاق. تورکییه‌نین هدفی تکجه عفرین دئییل، عینی زاماندا، مئنبیج و دیگر بؤلگه‌لردیر. بئله وضعیت‌ده ایسه غیری-معین‌لیک آرتیر. وضعیتدن یگانه چیخیش یولو آمریکا و تورکییه آراسیندا بیرباشا دیالوگون تعمین اولونماسی‌دیر. بو، هله کی موشاهیده اولونمور. نه قدر کی، طرفلر اورتاق مخره‌جه گلمه‌ییبلر، بیرباشا توققوشمالار قاچیلمازدیر. بو دا زنجیرواری رئاکسییالارا گتیریب چیخاراجاق».

قید ائدک کی، آمریکا دؤولت کاتیبی تیلرسون ۱۵ فورال‌دا تورکییه‌یه سفر ائد‌جک.

تاریخ
2018.02.14 / 11:52
مولف
آیتاج آراز
شرح لر
دیگر خبرلر

بارزانی ان بؤیوک قازانجینی آچیقلادی: ۵۶ ایل اول...

آنکارا ۱۵ دقیقه‌ده سئله تسلیم اولدو - فوتو

پوتینله گؤروش موناسیبتلره یئنی تکان وئره‌جک - ماکرون

تورکییه آمئریکانین حمله‌سینه جاواب وئردی

پوتینله گؤروش موناسیبتلره یئنی تکان وئره‌جک - ماکرون

آنکارا ۱۵ دقیقه‌ده سئله تسلیم اولدو - فوتو

ایران آوروپادان طلب ائتدی: یئترلی دئییل!

آوروپا ایرانلا بیرگه ایشچی قروپ یاراتدی – نفت تیجارتی

حاجییئوین اعتراضینا زاخارووانین اخلاقینا اویغون – جاوابی

موسکوادان باکییا «تصادفی گؤروش» جاوابینین – مقصدی

خبر خطّی
 
Axar.az'da reklam Bağla
Reklam
Bize yazin Bağla