آمریکانین واشینگتن گولف آنالیتیک مرکزینین پروفسسورو دوکتور تئودور کاراسیک دونیا سیاستینده باش وئره‌ن سون گرگینلیکله باغلی آخار. آذ-این سواللارینی جوابلاندیریب.

– آمریکا، فرانسا و بریتانییانین سورییایا ائندیردیی سون هاوا ضربه‌سینی نئجه دیرلندیریرسینیز؟

– اسدین کیمیوی سلاح‌دان – کلور و سارین گازین‌دان ایستیفاده ائتمه‌سینه جواب اولاراق قارشیلاشدیغی اوچطرفلی هاوا هوجومو گله‌جکده باش وئره‌جک حادثه‌لر اوچون اولدوقجا گوجلو، پوتنسیال بیر سیگنال اولدو. امینلیکله دئیه بیلرم کی، بو جزا عملیاتی هله بیتمه‌ییب.

یئرده‌کی دییشکن وضعیت – ایشید-این مغلوبیتی بئله معین سهو آددیملارا گتیریب چیخارا بیلر. البته، کیمیوی و زهرلی سلاحلارین ایستیفاده‌سینه سون قویولماسا، بو، سورییایا داها چوخ هاوا ضربه‌لری و دهشت گتیره‌جک.

– روسییا فدراسییاسی تطبیق اولونان سون سانکسییالار، اؤتن گونکی هاوا ضربه‌لرین‌دن سونرا کؤشه‌یه سیخیشدیریلمیش کیمی گؤرونور. بو حاقدا نه دوشونورسوز؟

– روسییا فدراسییاسی اوچون کونفلیکتلی و ریتوریک یول هله قاباقدادیر. چونکی راکتلر و هاوا مدافعه سیستملری آراسینداکی تکنولوژی اویغونلاشمانین الده اولونماسی سورییادا وطنداش محاربه‌سی کیمی هله ده غیری-مومکوندور.

– بیر نئچه گون اؤنجه حسن روحانی و ولادیمیر پوتینله بیرگه گؤروش کئچیرن تورکییه پرزیدئنتی رجب طایییب اردوغان سورییایا ضربه‌نی «دوزگون آددیم» کیمی قیمتلندیردی. اردوغانین بو آچیقلاماسیندا هر هانسی پارادوکس وارمی؟

– اردوغان هر شئیی اولدوقجا دقتله حسابلایان بیر جاناواردیر. درحال علاوه ائدیم کی، جاناواری (قورد) تورکلر کیمی مثبت آنلامدا دئییرم. بوتون باش وئره‌نلرین فونوندا تورکییه‌نین مؤوقعیی ساده‌دیر – ترامپا اوز توتاراق تورکییه اؤزو اوچون غربه یاخین اولان بیر قاپی آچیر. ایرانلا باغلی ایسه ساده‌جه اونو دئیه بیلره‌م کی، ایران دؤولتی ایسرایلین هدف تاختاسیندادیر.