Axar.az
یوخاری
22 اوکتیابر 2018


آمریکا-چین ساواشینین ایلک نتیجه‌سی: بیرژالاردا کسکین اوجوزلاشما

آنا صحیفه پلانت
12 Punto 14 Punto 16 Punto 18 Punto

آمریکانین «داو جونس» ایندکسی دونن نیویورک فوند بیرژاسین‌دا ۳،۱۵% آبش دؤولت ایستیقراضلارینین گلیرلیلیینین آرتماسی فونوندا اوجوزلاشیب.

آخار. آذ خبر وئریر کی، «داو جونس»لا برابر آمریکا بازارینین ۵۰۰ ان بؤیوک شیرکتینی ترکیبینده بیرلشدیرن «س&پ ۵۰۰» ۳،۲۹%، ناسداق ایندکسی ایسه ۴،۰۸% گئریله‌ییب. «س&پ ۵۰۰» اوچون بو گؤستریجی فورالدان، ناسداق اوچون ایسه یانواردان بو یانا قئیده رکورد ایتکی اولوب.

بونونلا بیرژادا اکثر تکنولوگییا شیرکتلرینین سهملری ده اوجوزلاشیب. ان بؤیوک ایتکی تویتر (۸،۴۷%)، «نتفلیکس» (۸،۳۸%)، «اپل» (۴،۶۳%)، «اینتل» (۳،۷۶%) شیرکتلرین‌ده قیده آلینیب.

«رؤیتر» آگنتلیینه آچیقلاما وئرن «دووبللین» فوندونون رهبری جفری قوندلاخ اوجوزلاشمایا اساس سببلردن بیرینین آمریکا دؤولت ایستیقراضلارینین گلیرلیینین آرتماسینین اولدوغونو بیلدیریب:

«آمریکانین فوند بازاری فایز درجه‌لرینین قفیل آرتماسینا رئاکسییا گؤسترمه‌یه باشلاییب و گله‌جک‌ده بو تندنسییا داوام ائد‌جک. اگر گله‌جکده فایز درجه‌لرینین آرتیم سرعتی ناراحات وئریجی مقاما چاتسا، بو تندنسییا داواملی‌لیغینی ایتیرمه‌یه‌جک».

بعضی مطبوعات اورقانلاری آمریکا بازارینا هم ده چینله یارانان تیجارت محاربه‌سینین تأثیر ائتدیینی بیلدیریب. چینله تیجارت ساواشی باره‌ده مؤوقعیین‌دن ال چکمه‌یه‌ن آمریکا پرزیدنتی دونالد ترامپ «دوو جونس» ایندکسینین اوجوزلاشماسیندان درحال سونرا وئردیی آچیقلامادا بوتون گوناهی فئس-این اوزرینه آتیب. او، فس-این آرتیق دلی اولدوغونو و حددن آرتیق سرت مونتار سیاست یوروتدویونو بیلدیریب.

ان ماراقلی مقام ایسه آمریکا فوند بازارینداکی اوجوزلاشمانین آسییا فوند بازارلارینی دا سیلکه‌له‌مه‌سی اولوب. بئله کی، چین فوند بازارلاریندا سون آیلارین ان بؤیوک چؤکوشو یاشانیب. هونگ کونقون «هانق سنق» ایندکسی ۳،۷۳%، «شانخای» ایندکسی ۳،۷۵%، «شنزن کومپوزیت» ایندکسی ایسه ۴،۸۷% دیر ایتیریب.

آسییانین ان بؤیوک تلکومونیکاسییا شیرکتلریندن بیری اولان «تنجنت»این سهملرینین دیری ۴% اوجوزلاشیب. بو سیرادا سمارتفونلار اوچون لینزا ایستحصال ائد‌ن «ساننی اوپتیکال تکنولوژی» (۵،۸%)، «قرئیت وول موتور» آوتومبیل شیرکتی ده (۵،۶%) یئر آلیب.

چینله برابر تایوانین «تایکس» (۵،۷۲%)، یاپونییانین «نیکی» ایندکسی (۳،۸۹%) ده دیر ایتیریب.

تاریخ
2018.10.11 / 16:08
مولف
Axar.az
شرح لر
دیگر خبرلر

مرکئل بلوکو داغیلیر: ناظر ایستعفا ایله هده‌له‌دی

تورکییه‌ده دهشت: آنا اوشاقلارینین بوغازینی کس‌دی

ار-ریادین بیاناتی کیفایت ائتمیر – آبش-دان قاشیق‌چی آچیقلاماسی

دهشت‌لی قطار قزاسی: ۱۰۰-دن چوخ سرنیشین

بریتانییادان آمریکایا دستک: موقاویله‌دن چیخیر

آمریکا محتشم سلاحلارینی ایستیفاده‌یه وئردی

قاشیق‌چی جینایتین‌ده شوک ادعا: دیندیریلمه زامانی...

گورجوستان کیشیلری قیریلیر: ایلک اونلوق

آمریکادان میثلی گؤرولممیش لوترئیا: اینانیلماز مبلغ

ترامپ ولیعهدی مدافعه ائتدی: او گوجلودور...

خبر خطّی
 
Axar.az'da reklam Bağla
Reklam
Bize yazin Bağla