Axar.az
یوخاری
15 نویابر 2018


پاشینیان‌دان شوک سؤزلر: تورپاقلاری قایتارماغا حاضیریق...

آنا صحیفه پلانت
12 Punto 14 Punto 16 Punto 18 Punto

ارمنیستان‌دا ۲۰۱۸-جی ایلین بستسلرینه چئوریلن نیکول پاشینیانین «یئرین عکس طرفی» بیوگرافیک رومانیندا آذربایجانلا باغلی مقاملارا توخونولوب.

آخار. آذ خبر وئریر کی، «پاندوکت» ژورنالی رومانین اؤلکه‌میزه عایید اولان حیصه‌سینه یئر وئریب.

"روماندا نیکول پاشینیانین «صولح نامینه تورپاقلاری قایتارماغا حاضیریق» فیکرینه یئر وئریلیب.

ارمنیستان‌دا اوفوق یوخدور، ارمنیستان‌دا دوزه‌نلیکلر یوخدور، ارمنیستان‌دا نظرلرینی دیکه بیلمزسن، ارمنیستان‌دا باخیشینیز سیزه یئترلی گلیر، چونکی هانسی طرفه باخسانیز بیر شئیلر گؤرجکسینیز. ارمنیستان‌دا سرحدسیز گؤره بیلمک اوچون یالنیز بیر ایستیقامت وار – یوخاری، سمایا باخماق، آنجاق بو سونسوزلوق سیزه گئرچک گلمه‌یه‌جک، چونکی سن بو سرحدسیزلیک ایستیقامتینده گئده بیلمزسه‌ن، اونون هارا قدر اوزاندیغینی یوخلایا بیلمزسه‌ن. سرحدسیزلیک حسی اونون تخمیناً هارادا بیتدیینی اؤیرندیینیز زامان گئرچکلییه چئوریلیر.

و من آغدامی خاطیرلادیم. منیم اوشاقلارین داغیلمیش ائولرین آراسیندا قاچیشیردیلار. من ایسه آروادیملا بیرلیکده بیر تپه‌نین اوزرین‌ده دایانیب شرقه باخیردیم. بو غیری-عادی بیر حس ایدی: صاحبی و مدافعه‌چی‌سی ارمنی دؤیوشچوسو اولان بیر یئرده دایانمیشیق و بو تورپاق – دوزه‌نلیکدیر، اصل دوزه‌نلیک و بو یئردن هر طرف سرحدسیز گؤرونور. بیز شرقه باخیریق و منیم باخیشیم پامیر داغلاریندا دایانیر. من بورادا منیمله بیر قاندان اولان سویداشلاریمین آراسیندا دایانیرام، بورادا ارمنی قانونلاری حؤکم سورور، بو دوزه‌نلیکدیر و منیم باخیشلاریم پامیر داغلاریندا دایانیر. و من بو محاربه‌ده ایشتیراک ائتمدییم اوچون اوتانیرام. بیز آروادیملا تامامیله عینی شئی باره‌ده دوشونوروک، آنجاق بونو دیله گتیرمه‌یه جسارت ائتمیریک. سون‌دا او داها جسارتلی اولور و فیکرینی سسلندیریر:

- بو تورپاقلاری آذربایجانا نئجه وئرمک اولار؟

بیز اؤز قزئتیمیزده سرت خط طرفدارلارینی تنقید ائدیریک، شنبه-بازار گونلری ایسه اؤزوموز دئییریک کی، دوشمه‌نه بیر قاریش تورپاق دا اولماز. بو ندیر؟ یالان؟ داها چوخ قلبین عقللا قارشی‌دورماسیدیر. اورک ایستییر، آرزولاییر کی، دوزه‌نلیکلر اونون اولسون، پامیر منیم باخیشلاریم آلتیندا ازیلسین. عقل ایسه بئله دئییر: پارچالارا گؤره بوتؤوو تهلوکه‌یه آتماق اولماز، ان آزی بیان ائتمک، برکدن بیان ائتمک لازیمدیر کی، بو ساحه‌لر بیزه لازیم دئییل، بیز بو تورپاقلاری صولح نامینه قایتارماغا حاضیریق. و بیز قاییدیریق: دوزنلیک سونا چاتیر، دئمه‌لی ارمنیستان باشلاییر.

هر سحر ساعت ۷-ده قیرمیزی آوتوبوس ایجئوان بازارینین قارشی‌سیندان قازاخا گئدیردی. بازار گونلرینده بیز آتاملا قازاخداکی سو آنبارینا بالیق توتماق اوچون گئدیردیک. باخ بورادا سووئت ارمنیستانی باشا چاتیر و سووئت آذربایجانی باشلاییر. من هله‌ده طبیعتین اینسانلارین چکدیی سرحدلره نئجه اویغونلاشدیغینی باشا دوشه بیلمیرم. نئجه اولا بیلر کی، سرحدین بو طرفین‌ده باشقا، دیگر طرفین‌ده ایسه باشقا طبیعت اولسون؟ آخی سرحدلری اینسانلار تعیین ائدیر، طبیعت ایسه سرحدلری تانیمیر؟ داها سونرا کند ساکینلری ایله صحبتدن سونرا باشا دوشوره‌م کی، طبیعت سرحدلره دئییل، بیز طبیعته اویغونلاشمیشیق: کیم بیزی تهدید ائتدیسه، بیز درحال بو داغلارا سیغیندیق»، - کند آهیللاری دئییر. و بونو ساکیت شکیل‌ده، چوخ ساکیت، ائله بیل بئله ده اولمالییمیش کیمی ائدیرلر. فاکتیکی اولاراق بو ارمنیستان – وطن دئییل، گیزله‌نمک، سیغینماق اوچون بیر یئردیر. اونا گؤره ده بورادا اینسانلار گیزلنیرمیش کیمی یاشاییرلار، ائولرده ایسه باشقا شئیلر دانیشیرلار.

بس آغدام؟ آغداملا باغلی بو نئجه باش وئردی؟ بو سوالیما جواب اولدوقجا آیدین و باشادوشولندیر: ارمنیستان‌دا اینسانلار ائولریندن چیخدیلار، هانسی کی، اونلار نئچه ایل اوله قدر گیزله‌نیردی و بودور، اونلارین باخیشی دییشدی.

۱ مارت‌دا سحر من آزادلیق میدانین‌دان قاچدیم. آزادلیق میدانی منه آغدام کیمی گؤروندو. باقرامیان پروسپئکتینده دوزه‌نلیک قورتاریر و داغا قالخماق باشلاییر. کیمسه بیزی هده‌له‌دی و یئنی‌دن قاچیریق، داغلارا قاچیریق.

بورادا پروبلئم ارمنیلرده و تورکلرده دئییل، الله کؤمک اولسون. پروبلئم حقوق‌دا، قانونسوزلوغون کوبود گوجو قارشی‌سیندا گئری چکیلمه‌ده‌دیر پروبلم، سیرتیقلیق‌دیر، قالخماق‌دادیر پروبلئم، پروبلئم اؤلدورمه‌یه حاضر اولماق و اؤلدورولموش اولماقدادیر.

۱ مارتدا بیز قاییتدیق و آیاغا قالخدیق. نه قدر مومکون‌دورسه، قالخدیق، قالخا بیلجییمیزی ثبوت ائتمک اوچون قالخدیق. قالخا بیلجیینی ثبوت ائتمک اوچون ۱ مارت‌دا ارمنی خالقی قاچمادی. او، ثبوت ائتدی و ائوینه قاییتدی.

چوخ شئیی ثبوت ائده بیلردی، اما قارشی‌سیندا دایانان دوشمن اولماسا دا، یاد ایدی. یاد اولسا دا قارداش ایدی. ۱ مارت‌دا بیزه قارشی چیخان یاد دئییلدی، اونو بیزی اؤلدورمه‌یه مجبور ائد‌ن دوشونجه ایدی. ۱ مارت‌دا دوشمن گیزلی ایدی، بو دوشمن بیزدن ایدی و بیز بو دوشمه‌نه غالیب گلدیک.

من ایندی اوخویورام و تعجبلنیرم: آمئریکا بیزی یؤنلندیریردی، آوروپا بیزی یؤنلندیریردی، بیزی ماسونلار یؤنلندیریردی، سوروس... اوخویورام... و الیم‌ده‌کی ایستکانی دیوارا توللاییرام.

سنین آمریکانا دا، آوروپانا دا، بوتؤولوکده و آیریلیقدا هر بیر اؤلکه‌نه ده، روسییانا دا، ماسونلوغونا و سوروسونا دا... بیزی یؤنلندیره بیله‌جک او خوشبخت کیم‌دیر؟.."

تاریخ
2018.11.08 / 23:16
مولف
Axar.az
شرح لر
دیگر خبرلر

"آمریکا ضعیفلییر، محاربه‌ده روسییا و چین غالیب گله‌جک"

یمن عملیاتی دایاندیریلیر: سعودییه‌دن تعلیمات

پوتین مایک پنسله «آیاقوستو» گؤروشدو

آمریکا: روسییایا قارشی اژداها قانونلاری حاضیرلاییریق

۱۳ اؤلکه روسییادان اس-۴۰۰ ایستییر – آمریکا کشفیاتی

آمریکانین نفت سیاستی ایشه دوشدو: ایران چؤکدورولور

مدنی فعال ایبراهیم نوری حبسخانانین ۷-جی کورپوسونا کؤچورولوب

آذربایجان‌لی فعال محمد خاکپور محکمه‌یه چاغیریلیب

آمریکا تورکییه‌نی ایتیره‌ بیلر - روسییالی اکسپرت

تورکییه ایدلیب‌ده بؤیوک فلاکتین قارشی‌سینی آلدی - برگر

خبر خطّی
 
Axar.az'da reklam Bağla
Reklam
Bize yazin Bağla