Axar.az
یوخاری
19 نویابر 2017


مشهور مدلین اؤلومونون سببی حکیم دئییل؟

آنا صحیفه ساغلیق
12 Punto 14 Punto 16 Punto 18 Punto

۲۲ یاشلی مدلی عملیات ائد‌رک اؤلومونه سبب اولان پلاستیک-جرراح سیروس قوچقانی مئدیا نماینده‌لری ایله گؤروشوب.

آخار. آذ خبر وئریر کی، ۲۲ یاش‌لی مدل لیلا اوروجلونون اؤلومونده اؤزونو بیر ضره ده گوناهکار سایمایان حکیم بو حادثه‌دن اونا قارشی «قارا پیار» کیمی ایستیفاده ائدیلدیینی بیلدیریب. حکیمی مدافعه ائد‌ن وکیل تورکر سلیمانلینین مطبوعات کنفرانسین‌دا سسلندیردیی فیکیرلر ده هئچ ده بیرمعنالی قارشیلانماییب. وکیل بیلدیریب کی، عملیات زامانی نلرسه دییشه بیلر.

سیتات: «اینسان اورقانیزمیدیر، هر شئی اولا بیلر. سیروس قوچقانی باره‌سینده موختلیف معلوماتلار یاییلدی. اونون آدی جینایت ایشینده حاللاندیریلدی. بونلار هامیسی لیلا آدلی گنج مدلین اؤلوموندن قایناقلانیب».

عملیاتی ائد‌ن حکیم سیروس قوچقانی ده اؤزونو مدافعه ائد‌رک بیلدیریب کی، بو بدبخت حادثه ایدی و بورادا اونون گوناهی اولماییب.

ماراق‌لی‌دیر، عملیات سونراسی اؤل‌ن مودئلین اؤلومونه نه سبب اولا بیلر کی؟ اگر مودئل اولدوقجا ساغلام و گومراه حال‌دا پلاستیک عملیاتا گیریب و عملیات‌دان بیر نئچه ساعت سونرا رئانیماسییایا دوشوب، اورادا دا وفات ائدیب‌سه، دئمک «گوناهکار» ازراییل‌دیر؟

ماراقی‌دیر کی، حکیمین گوناهکار اولدوغونو تکجه جمعیت دئییل، ائله واختیله س. قوچقانینین ایشلدیی هوسپیتاللاردان بیرینین دیرکتورو دا بیلدیرمیشدی. لیلا شیخلینسکایا کلینیکاسیندا چالیشان جرراح رافیق دمیرچالوو آدی چکیلن ایران‌لی همکاری حاقین‌دا ماراقلی فاکتلار آچیقلامشدی. ر. دمیرچالوو زامانیندا میلانا هوسپیتالینین دیرکتورو ایشلیرکن ایشینده وئردیی نقصانلارا گؤره سیروس قوچقانینی هوسپیتالدان قوودوغونو بیلدیرمیشدی:

«ایرانلی استئیک جرراح سیروس قوچقانینین عملیات ائتدیی ۲۲ یاش‌لی مدل دونیاسینی دییشدی. بورادا اؤلومه سبب اساساً حکیم سریشته‌سیزلیگیدیر. اولا، گنج و هم ده مدل اولان بیر قیزی عملیاتا آلارکن، اونون والیدینلری ایله مصلحتلشمه آپاریلمالی ایدی. بونو ائتمه‌ییبلر، پولا گؤره بئله ایشلر گؤرمک اولماز. من اؤزوم میلانا هوسپیتالدا دیرکتور اولارکن سیروس قوچقانی منیم ایشچیم ایدی. نئچه دفعه من اونون عملیاتینی دایاندیردیم. سؤزومون جانی بودور کی، سیروس قوچقانی ایلده آز قالا بیر نئچه نفری بو گونه قویور».

عملیات ماساسیندا اؤلن ۲۲ یاش‌لی مدلین آناسی سئوینج آلپمان دا دئییله‌نلری قبول ائتمه‌ییب و قیزینین اؤلومونده س. قوچقانینی گوناهلاندیریب. س. آلپمان بیلدیریب کی، قیزی عملیات اولونان زامان اونا معلومات وئریلمه‌لی ایدی. لاکین حکیم ۲۰۰۰ ماناتا گؤره عملیاتا احتیاجی اولمایان قزینی بیچاق آلتینا سالیب.

آنا سایتلاردان بیرینه وئردیین آچیقلامادا بیلدیریب کی، عملیاتین باش توتدوغو «ظفران هوسپیتال» کلینیکاسینینین رئانیماسییا شعبه‌سینین حکیمی ده حادثه‌ده جراحی گوناهلاندیریب.

سیتات: «رئانیماسییا حکیمی اورادا دئدی کی، بو سیروز قوچخانی ایله پرویز احمدووون گوناهیدیر».

سئوینج خانیم حکیمین گوناهسیز اولدوغونو گؤستره‌ن لیلانین اؤلومو ایله باغلی اکسپرتیزا رایی ایله راضیلاشمادیغینی بیلدیریب. آنا قیزینین اؤلومونده بیرلاواسیطه جرراه سیروس قوچخانینی گوناهکار بیلیر و حکیمین جزالاندیریلماسینی طلب ائدیر:

«بالامی گئری قایتارا بیلمه‌سم ده، اونون جزالاندیریلماسینی گؤرسم آز دا اولسا تسکینلیک تاپارام".

قد ائدک کی، ۲۲ یاش‌لی مدل لیلا اوروجلو ۲۱ ایون تاریخینده عائله‌سینه خبر وئرمه‌دن لیپوساکسییا (پی سووورما) عملیاتینا گیریب. عملیاتدان ایکی گون سونرا - ۲۵ ایون تاریخینده ایسه گنج قیز وفات ائدیب.

تاریخ
2017.11.06 / 17:15
مولف
Axar.az
شرح لر
دیگر خبرلر

بو اؤلکه اهالی‌سینین یاریسینین دیش فیرچاسی یوخدور

کؤکلمه‌مک اوچون بو قیدالاری قبول ائدین - سیاهی

اوشاقلارا آشیری دقت و قایغی اولماز - حکیم

اوشاقلاردا بوی قیسالیغی خسته‌لیک علامتی ایمیش – رای

یئتکین‌لیک دؤورون‌ده یاشانان پسیخولوژی پروبلئملر

بو اینسانلار فیخوا یئمه‌ملیدیر

کیشینین معده‌سیندن ۶۳۹ میثمار چیخدی - ویدئو

محکم اورک و سینیرلر اوچون یمیشان دمله‌مه‌سی

تی وی-یه باخماق بو قورخولو خسته‌لیگی یارادیر - دقت

گریپ‌دن قورونمانین ۵ اصولو

خبر خطّی
 
  
  
  
  
Axar.az'da reklam Bağla
Reklam
Bize yazin Bağla