Axar.az
یوخاری
21 نویابر 2018


ایرانی سانکسییالاردان خلاص ائد‌جک –۱۲ شرط

آنا صحیفه سیاست
12 Punto 14 Punto 16 Punto 18 Punto

آمریکانین بو گون ایرانا قارشی ایر‌لی سوردویو سانکسییالارین ایکینجی مرحله‌سی قوه‌یه میندی.

آخار. آذ خبر وئریر کی، آوقوست‌دا تطبیق ائدیلن سانکسییالارین ایلک مرحله‌سینده ایرانا دلار ساتیلماسی، قیمتلی متال تیجارتی ایله مشغول اولماسی، مولکی طیاره‌لرین و اونلارین دتاللارینین ایدخالی، آوتومبیل سئکتوروندا فعالیتی، خالچا و بیر سیرا قیدا محصوللاری ایخراجی قاداغان ائدیلیب. سانکسییالارین ایکینجی مرحله‌سینین ایسه ایرانین مرکزی بانکینا، مالییه قورولوشلارینا، سیغورتا شیرکتلرینه، انرژی سکتورونا تطبیقی نظرده توتولوب.

آمریکا ایرانین سانکسییالاردان آزاد اولماسی اوچون مای آیین‌دا ۱۲ شرط ایر‌لی سوروب. مسئله نین آکتواللیغینی نظره آلاراق، آمریکا دؤولت کاتیبی مایک پومپئو طرفیندن ایر‌لی سورولن شرطلری یئنی‌دن تقدیم ائدیریک:

۱. ایران بین الخالق آتوم انرگتیکاسی آگنتلیینه (ماقاته) اوولکی نووه پروگراملارینین حربی ایستیقامتلرینی تمامیله آچیقلامالی و بو فعالیتلرین‌دن بیردفعه‌لیک ال چکمه‌لیدیر؛

۲. ایران اورانین زنگینلشدیریلمه‌سینی دایاندیرمالی و بیر داها اصلا پلوتونیومدان ایستیفاده ائتمه‌مه‌لیدیر؛

۳. ایران بین الخالق آتوم انرگئتیکاسی آگنتلیینه بوتون اؤلکه‌ده‌کی موسسه‌لره مانعه‌سیز گیریش حاقی تانیمالی‌دیر؛

۴. ایران باللیستیک راکئت ایستئهسالینا سون وئرمه‌لی و نووه باش‌لیغی داشییا بیله‌جک راکت آتما فعالیتینی دایاندیرمالیدیر؛

۵. ایران اساس‌سیز اتهاملارلا حبس ائتدیی بوتون آمریکا و بو اؤلکه‌نین اورتاق، متفیق اؤلکه‌لرینین وطنداشلارینی سربست بوراخمالیدیر؛

۶. ایران حیزبوللاه، حماس و فیلیسطین ایسلامی جیهاد حرکاتی دا داخیل اولماقلا، یاخین شرق‌ده‌کی بوتون ترورچو قروپلارا دستیینی دایاندیرمالیدیر؛

۷. ایران عراق حکومتینین سوورنلیینه سایغی نوماییش ائتدیرملی و شیعه میلیسلرینین سیلاحسیزلاشدیریلماسی، بوراخیلماسی و یئنیدن اینتئقراسییاسینا ایزن وئرملیدیر؛

۸. ایران هوثیلره حربی دستیینی دایاندیرمالی و یمن‌ده صولح اوچون سیاسی فعالیت آپارمالیدیر؛

۹. ایران سورییانین هر یئرین‌ده ایران کوماندانلیغیندا اولان قوه‌لری گئری چکمه‌لیدیر؛

۱۰. ایران افغانیستان و بؤلگه‌ده‌کی طالبان و دیگر ترورچولارا وئردیی دستیی دایاندیرمالی و ال قایده‌یه سیغیناجاق وئرمکدن ایمتینا ائتمه‌لیدیر؛

۱۱. ایران سپاه-ین قودس بریگاداسینین دونیاداکی ترورچولارا و سلاحلی تشکیلاتلارا وئردیی دستیی دایاندیرمالیدیر؛

۱۲. ایران آمریکا متفیقی اولان قونشولارینا قارشی تهدیدکار داورانیشلارینا سون وئرملی، ایسرایلی یوخ ائتمک، سعودییه عربیستانی و بیرلشمیش عرب امیرلیکلرینه راکت آتماق ادعالاریندان ال چکمه‌لیدیر.

تاریخ
2018.11.05 / 14:05
مولف
Axar.az
شرح لر
دیگر خبرلر

ایلهام الیئو تورکمنیستانا گئت‌دی - فوتو

روحانی آمریکا سانکسییالاریندان دانیشدی: تأثیری یوخ دور

آمریکا بولتونو باکییا بونا گؤره گؤندرمیشدی – آمریکا رسمیسی

سانکسییالار اؤز تأثیرینی گؤسترمه‌یه باشلاییر، اما... – جهانگیری

نتانیاهو ایرانا گؤره ترامپا تشککور ائتدی

آمریکا و روسییا قارشی-قارشییا: آوروپا هر آن...

قاراباغی دانیشیقلاردان ایروان چیخاردی - لاوروو

مسئله نین جیددیتینی ایرانین دقتینه چاتدیردیق - نوروژ

آمریکانین ایرانا گذشتلری آرتیر: داها بیر یومشالما...

تمثیلچیمیز کنفرانسدا ارمنینی بئله سوسدوردو

خبر خطّی
 
Axar.az'da reklam Bağla
Reklam
Bize yazin Bağla