Axar.az
یوخاری
16 اوکتیابر 2018


حبس ائدیلن آذربایجانلینین صحتی پیسلشدی

آنا صحیفه توپلوم
12 Punto 14 Punto 16 Punto 18 Punto

ایونون ۱۱-دن آجلیق آکسییاسینا باشلایان اردبیللی میللی-مدنی فعال حبیب ساسانیانین صحتی پیسلشیب.

آخار. آذ خبر وئریر کی، آجلیق آکسییاسینین ۱۰-جو گونونده صحتی آغیرلاشان ساسانیان یوکسک قان تضییقی و بؤیرک خسته لییندن اذیت چکیر. اونون شهر خسته خاناسیندا معالیجه اولونماسینا اجازه وئریلمیر.

وکیلی پروسسه قاتیلمادیغی اوچون حبیب ساسانیان اوچونجو دفعه تبریز اینقیلاب محکمه‌سینده کئچیریلن محکمه ایجلاسینا قاتیلماقدان ایمتینا ائدیب، نتیجه‌ده پروسس ایولون ۱۲-نه تاخیره سالینیب.

ایران کشفیات و اطلاعات ناظرلیگی فعالی تهدید ائد‌رک، آجلیق آکسییاسی ایله باغلی خبرین مطبوعاتا چیخاجاغی حالدا اونون عائله عضولری اوچون تهلوکه‌لی اولاجاغینی بیلدیریب.

حبیب ساسانیان ۲۰۱۶-جی ایل مایین ۱۵-ده مهدی جوادزاده، حمید سقفی، بابک آوند، ایسمایل افخمی و یونس رحیمی آدلی ۵ آذربایجانلی فعاللا بیرلیکده اردبیلده یاخالانیب. فعالین موقتی ساخلانما مدتی ۱۴-جو آیی‌دیر کی، تبریزین اینقیلاب محکمه‌سی طرفیندن اوزادیلیر.

فعاللار «اؤلکه تهلوکسیزلیینی پوزماق مقصدی ایله قانونسوز قروپ یاراتماق» اتهامی ایله محاکیمه اولونور، لاکین محبوسلار ایر‌لی سورولن اتهامی رد ائدیر.

اؤتن هفته‌لرده تبریزین اینقیلاب محکمه‌سی ساسانیانین موقتی اولاراق آزادلیغا بوراخیلماسینین قارشی‌سینی آلماق مقصدی ایله اونون باره‌سینده بیر میلیارد تومنلیک ملکی گیروو قراری چیخاریب. فعالین عائله‌سی ایسه آغیر مبلغده گیرووو تعمین ائتمک ایمکانینا مالیک اولمادیغینی دئییب.

۴۴ یاشلی فعال بوندان اؤنجه ده آذربایجان تورک میللتینین میللی حقوقلاری اوغروندا آپاردیغی دینج مباریزه‌یه گؤره دفعه‌لرله تهلوکسیزلیک قوه‌لری طرفیندن ساخلانیلیب و مختلیف تضییقلره معروض قالیب.

ساسانیان ائولیدیر، اونون ۱۱ و ۱۵ یاشلی ایکی اؤولادی وار.

تاریخ
2017.06.22 / 16:58
مولف
Axar.az
شرح لر
دیگر خبرلر

سرکیسیان شوشایا گلدی

ایران‌دا آکسییا: معلملر درس دئمک‌دن ایمتینا ائتدی – فوتو

جمعیت بیلسین کی، بونلار قرآن‌دا یوخدور - میلتع وکیلی

جبهه‌ده سون دوروم - ناظیرلیک آچیقلادی

ارمنیلر جبهه‌ده تخریبات تؤرتدی

زرتشت ایبراهیم پیغمبردیر – عالیم‌دن سنساسیون ادعا

۳۰ یاشلی اردبیللی گنج یوخسوللوغا دؤزه بیلمدی و…

تورکییه آمریکانین بهانه‌سینی کسیر؟ - محکمه باشلادی

اورمییه گنجلری ایستادیون‌دا سسلندیلر: نه موتلو... - ویدئو

دوشمن مؤقعلریمیزی آتشه توت‌دو

خبر خطّی
 
Axar.az'da reklam Bağla
Reklam
Bize yazin Bağla