Axar.az
یوخاری
17 اییول 2018


اوشاق قاتلی سرکیسیان آلخانلینی نیه هدفه آلدی؟

آنا صحیفه توپلوم
12 Punto 14 Punto 16 Punto 18 Punto

ارمنیلرین طلبی جبهه خطین‌ده اولان کند و قصبه‌لرین بوشالدیلماسیدیر، بو ایسه آذربایجان اوچون یول وئریلمزدیر.

آخار. آذ خبر وئریر کی، بو سؤزلری پولیتولوگ ایلقار ولیزاده جبهه‌ده باش وئرنلرله باغلی دئییب.

«هر دفعه بئله حادثه باش وئرنده بیز گؤروروک کی، ۲۵ ایل عرضینده ارمنیلرین ایشغالچی سیاستی دییشیلمه‌ییب، ایشغالین باشیندا دوران سرکیسیان و اونون هاوادارلاری دا اؤز سیاستی ایله داوام ائدیر. خوجالی‌دا ائلدیکلری وحشیلیکلری تکرارلاییرلار. ارمنیستانین حربی سیاستی اوندان عبارتدیر کی، اونلار تک حربچیلرله یوخ، ملکی اینسانلارلا دا محاربه آپاریرلار. بونلارین اساس مقصدی ائتنیک تمیزله‌مه و آذربایجانلیلاری بو یئرلردن دیدرگین سالماقدیر».

اکسپرت بیلدیریب کی، سون حادثه کونکرت اولاراق بیر مئساژدیر:

«بیلیرسینیز کی، آذربایجان ایشغال اولونموش اراضیلرین بیر قیسمینی آزاد ائدیب، دینج حیاتی برپا ائتمه‌یه چالیشیر. ارمنیلرین اساس مقصدی آزاد اولونموش اراضیلرده دینج حیاتا امکان وئرمه‌مک و آذربایجانی قورخوتماقدیر. البته، بو عکس-تاثیر وئره‌جک. آذربایجان طرفی گئری چکیلمه‌یه‌جک. سرحد بؤلگه‌لرده یاشایان وطنداشلاریمیز اؤز یورد-یووالارینی ترک ائتمه‌مکله، آذربایجان رهبرلیینه و اوردوسونا ایمکان وئریر کی، حرب پلانی اوزره حرکت ائتسین و جبهه بؤلگه‌سینده یاشایان اهالینی ارمنی وانداللارینین هدفیندن چیخارماق اوچون تدبیر گؤرسون».

قید ائدک کی، ایولون ۴-ده ساعت ۲۰:۴۰ رادلرین‌ده ارمنیستان سلاحلی قوه‌لری طرفیندن فضولی رایونونون آلخانلی کندی ۸۲ و ۱۲۰ میللیمترلیک میناآتانلاردان و دستگاهلی قومباراآتانلاردان آتشه توتولوب. تخریباتی نتیجه‌سینده کند ساکینلری ۱۹۶۷-جی ایل تولدلو قولیئوا صاحبه ایدریس قیزی و ۲۰۱۵-جی ایل تولدلو قولیئوا زهرا النور قیزی (ننه و نوه) هلاک اولوبلار. قلپه یاراسی آلان ۱۹۶۵-جی ایل تولدلو قولیئوا سرویناز ایلتیفات قیزی خسته خانایا چاتدیریلاراق عملیاتا گؤتورولوب.

تاریخ
2017.07.06 / 11:33
مولف
Axar.az
شرح لر
دیگر خبرلر

آکسییا: «سئوگی-مسئولیت‌دیر» - فوتو

تهران‌دا آذربایجان قیامی: کوچه و پروسپکتلرده…- فوتو

دوشمن تخریبات تؤرتمک ایستدی، ایتکی وئردی - فوتو

ارمنیلردن جبهه‌ده نؤوبتی تخریبات - فوتو

آذربایجان اهالی‌سینین سایی آچیقلاندی - سون معلومات

آذربایجان اویونو بین الخالق موکافات قازاندی - فوتو

تبریزده ۴۰۰ مین اینسان تهلوکه آلتین‌دا – رشیدی

لوندون‌دان مومبایا اوچان طیاره باکییا ائندی – سبب

شهید پولیسلر دفن اولوندو - ویدئو

گنجه‌ده حاضردا وضعیت نئجه‌دیر؟ – رسمی

خبر خطّی
 
Axar.az'da reklam Bağla
Reklam
Bize yazin Bağla