Axar.az
یوخاری
20 نویابر 2017


۷ یاشلی قیزین دهشت‌لی قتلی – تفرعات

آنا صحیفه توپلوم
12 Punto 14 Punto 16 Punto 18 Punto

ایونون ۱۸-ده موغانین پارس آبادیندا ایتکین دوشن آتنا آصلانی آدلی ۷ یاشلی قیز اوشاغینین جسدی ایولون ۱۰-دا پلیس طرفیندن ساخلانیلان شبهلی شخصین آوتومبیلینی پارک ائتدیی یئرده بیر پلاستیک بوشکانین ایچینده تاپیلیب.

آخار. آذ خبر وئریر کی، آتنانین آتاسی اوزون ایللردیر پارس آبادین پزشکییان خیابانیندا سیار ساتیجی ایشلییر. آتنا آتاسینین یانینا گلدیی زامان بعضا اونون تانیشی اولان بیر رنگ ماغازاسینا گئدیب، اورادا اللرین یویوب و سو ایچرمیش. آزیاسلی قیز ایونون ۱۸-ده آتاسی بیلمدن اللرینی یوماق اوچون همین ماغازایا گئدیب، لاکین بو دفعه گؤزلمدیی مقاملا اوزلشیب.

آتنانین آتاسی اونون ائوه گئتدیینی، آناسی ایسه آتاسینین یانیندا اولدوغونو ظن ائدیب، لاکین آتا آخشام ائوه قاییداره‌ن آتنانین یوخا چیخدیغی معلوم اولوب. بوندان سونرا آزیاشلینین عائله‌سی اونون یوخا چیخماسی ایله باغلی پلیسه خبر وئریب.

بو باره‌ده پارس آبادین پروکورورو (دادستان) عبدالله طباطبایی دانیشارکن حادثه‌دن سونرا تهلوکسیزلیک کامرالارینین قیدلرینی یوخلادیغینی دئییب:

«آتنانین آتاسینین ایشلدیی یئرده بیر نئچه کامرا وار. کامرالار یوخلانیلدی و معلوم اولدو کی، آزیاشلی قیزین تصویری آتاسیندان آیریلدیقدان سونرا کامرالارین بیرینه دوشوب. لاکین بیرینجی کامرادان بیر نئچه مترلیک‌ده یئرلشن دیگر کامرادا آتنایا عایید هئچ بیر تصویر مشاهده اولونماییب. مأمورلار بوندان سونرا آتنانین سو ایچمک اوچون واخت آشیری گئتدیی رنگ ماغازاسیندان شبهه لنیبلر و بونونلا دا ماغازانین صاحبی آزیاشلینین یوخا چیخدیغیندان ۵ گون سونرا یاخالانیب».

اونون سؤزلرینه گؤره، ۷ یاشلی قیز ائله ایتکین دوشدویو گون قتله یئتیریلیب:

«جینایتکار اؤنجه گناهسیز اولدوغونو ادعا ائدیب. همین گونلرده اونون ماغازاسی و ائوینده ایکی دفعه آختاریش آپاریلیب. مأمورلار هئچ بیر شوبهه‌لی ایزه راست گلمدیکلرینی بیلدیریبلر. سونرا ماغازا صاحبینین یاشادیغی یئرده گاراژی اولمادیغینی و یاخین بیر پارکینگده آوتومبیلینی پارک ائتدیینی اؤیرندیک. ایولون ۱۰-دا مأمورلار پارکینگه گئدیب و اورادا بیر پلاستیک بوشکا ایله راستلاشیبلار. بوشکانین ایچی تورپاقلا دولو اولوب. تورپاق تمیزلندیکدن سونرا پلاستیک کیسه‌نین ایچینده جانسیز جسد تاپیلیب. بوندان سونراکی آراشدیرمالار گؤستردی کی، آتنا ائله یوخا چیخدیغی گون قتله یئتیریلیب.

شهر اهالی‌سی متهیمین بئله چیرکین عملیندن حددتلنه‌رک اونون ماغازسینا هجوم ائدیب، اوردا اولان بوتون ماللاری چیخاریب کوچه‌ده یاندیریب و ماغازانی داغیدیب. شهرین کوچه‌لرینی باغلایاراق یئتکیلیلردن جینایتکارین تئز بیر زاماندا شدتلی شکیلده جزالانماسینی طلب ائدیبلر».

آزیاشلینین جسدی طببی اکسپرتیزا مرکزینه گؤندریلیب و شبهه لینین دیندیریلمسی داوام ائدیب. نهایت کی، او، آتنانی قتله یتیردیینه اعتراف ائدرکن:
«سون گونلرده آتنا و اونون قیزیللاری منی وسوسه‌یه سالمیشدی. او، حادثه گونو ماغازایا گلدی و سو ایچمک ایستدی. اونا طرف گئتدیم و پلانیمی اجرا ائتمک ایستدیم. او قیشقیرماغا باشلادی. اونا گؤره ده الیمی آغزینا توتدوم و ساخلادیم. بیراز سونرا اونون بوغولدوغونو آنلادیم. قورخویا دوشدوم و اوشاغین جسدینی بیر چانتایا قویوب و پارکینگه آپاردیم. اورادا بیر پلاستیک بوشکایا آتدیم، سونرا ایسه فورصت اولونجا باشقا بیر یئره آپاراجاغدیم. لاکین بیر نئچه گون سونرا یاخالاندیم و هر شئی ایفشا اولدو».

طببی اکسپرتیزا مرکزیندن آز یاشلی اوشاغا قارشی فیزیکی و جینسی زوراکیلیغین تطبیق ائدیلمه‌سینی تصدیقلنیب.

پروکورور (دادستان) باشقا بیر آچیقلاماسیندا قاتیلین داها بیر قتل تؤرتدیینی بیلدیریب. اونون سؤزلرینه گؤره، جینایتکار ایکی ایل اؤنجه جسدی مجیدآباد کندینده تاپیلان قادینی دا اؤلدوردویونو اعتراف ائدیب.

اردبیل پروکورورو ناصر عتباتی ایسه قاتیلین بوندان اؤنجه ده جینایت عمللری ایله مشغول اولدوغونو دئییب. او، طببی اکسپرتیزا آزیاشلینین اؤلدورولره‌ن جینسی زوراکیلیغا معروض قالدیغینی معینلشدیریب:

پارس آبادلیلاردان بیری مطبوعاتا جینایتکارین آدینین ایسمایل اولدوغونو دئییب. «اونون ۴۱ یاشی وار. او ائولی‌دیر و ۲ اوشاق آتاسی‌دیر»- دئیه پارس آبادلی شخص بیلدیریب.

همچینین بیلدیریلیر کی، اونون اوللر دفعه‌لرله محکوملوغو اولوب.

معصوم آزیاشلی اوشاق ایولون ۱۲-ده پارس آباددا دفن اولونوب. دفن مراسیمینده چوخ سایدا یئرلی اهالی ایشتیراک ائدیب.

آتنانین فاجعه‌لی شکیلده قتله یئتیریلمه‌سی گونئی آذربایجانین بوتون شهرلرین‌ده حددتله قارشیلانیب و سوسیال شبکلرده گنیش مذاکیریه چیخاریلیب. بوندان باشقا ایران رسمی دایرلری ده سوسیال شبکه‌لرده و تلویزییا وئرلیشلرینده حادثه ایله باغلی اؤز مناسیبتلرینی بیلدیریبلر. ایران پرزیدنتی، پارلامنتینین ایسپیکری، میلت وکیللری و دیگر رسمیلری بو حادثه‌نی پیسله‌یه‌رک حادثه‌نی تؤردن شخصین تئز بیر زاماندا جزالانماسینی طلب ائدیبلر.
تبریز، اورمییه، اردبیل و آذربایجانین دیگر شهرلرینده مراسیملر کئچیریلرک آتئنانین خاطره‌سینه شاملار یاندیریلیب روحونا دعالار اوخونوب.

تاریخ
2017.07.14 / 12:49
مولف
Axar.az
شرح لر
دیگر خبرلر

لنکراندا زلزله اولدو

میلت وکیلی یارالی کشفیاتچیمیزا باش چکدی - ویدئو

آذربایجانلیلار حج پولونو کوردلره گؤندردیلر

آذربایجان اوردوسو گوجلو ضربه ائندیره‌جک... - میناسیان

تورکلری تحقیره اعتراض ائتدیی اوچون حبس ائدیله‌ن گنج آزادلیق‌دا

ایروان چتین دورومدا: ایران دا پروسسه قوشولور

روسییانین حربی گوجو آمریکایا چاتیر – دانفورد

مراکش ایروانا اؤز اعتراض سسینی اوجالتمالیدیر – میللت وکیلی

مئتیو برایزا: «قاراباغ روسییا ایله آمریکا آراسیندا...»

میللی دیرچلیش گونو

خبر خطّی
 
  
  
  
  
Axar.az'da reklam Bağla
Reklam
Bize yazin Bağla