Axar.az
یوخاری
21 اییول 2018


بو گون میللی مطبوعات گونودور - ۱۴۲ ایل اؤنجه...

آنا صحیفه توپلوم
12 Punto 14 Punto 16 Punto 18 Punto

بو گون آذربایجاندا میللی مطبوعاتین یارانماسی گونودور.

آخار. آذ خبر وئریر کی، ۱۴۲ ایل اؤنجه - ۱۸۷۵-جی ایل ایولون ۲۲-ده دؤورونون معاریفچیلیک حرکاتینین گؤرکملی نماینده‌لریندن اولان حسن بی زردابینین "اکینچی" قزئتینی نشره باشلاماسی ایله آذربایجان میللی مطبوعاتینین اساسی قویولوب.

"اکین‌چی" آذربایجان دیلینده اصل میللی دموکراتیک و خالق مطبوعاتینین ایلک تمل داشینی قویدو، جمعی ۵۶ نمره‌سی چیخان قزت میلتین آیناسی اولدو، آذربایجان ژورنالیستیکاسینین بایراقدارینا چئوریلدی.

سونراکی ایللرده گؤرکملی ضیالیلار طرفیندن نشر ائدیلن "ضیا"، "کشکول"، "شرقی-روس"، "ارشاد"، "ملا نصرالدین" کیمی قزئت و ژورناللار "اکین‌چی"نین عنعنه‌لرینی داوام ائتدیردی. بو مطبوعات اورقانلارینین اساس هدفی جهالته، حاقسیزلیغا قارشی مباریزه، معاریفلندیرمه ایدی. زنگین و شرفلی یوللا آددیملایان آذربایجان مطبوعاتی بیر نئچه مرحله‌دن کئچدی. آذربایجان خالق جمهوریتی دؤورونده آزاد مطبوعاتین، ائلجه ده حادثه‌لره یئنی باخیشین تملی قویولدو. نؤوبتی مرحله ایسه آذربایجان خالق جمهوریتینین بولشویکلر طرفیندن ایشغالیندان سونراکی دؤورو احاطه ائدیر. ۱۴۲ یاشلی مطبوعاتین ۷۰ ایلی بو کمونیست دیکاتوراسی دؤورو ایله باغلی‌دیر. همین دؤورده آذربایجان مطبوعاتی مؤوجود پروبلملری داها چوخ سطیرالتی معنادا یازیردی. چونکی مطبوعات سویتلر بیرلییینین یوروتدویو سیاستین، ایدئولوگییانین روپورو ایدی. همین دؤورده فرقلی دوشونمک، یازماق یاساقلانمیشدی.

۱۹۸۰-جی ایللرین ۲-جی یاریسیندان باشلایاراق آذربایجان مطبوعاتی یئنی اینکیشاف مرحله‌سینه قدم قویدو. بو مرحله هم ده آذربایجان دؤلتچیلیگی، دموکراتیک دؤولت قوروجولوغو دؤورودور. بو یئنی اینکیشاف دؤورونون تملینی قویان اولو اؤندر حیدر علیئو هر زامان مطبوعاتین جمعیته تأثیر گوجونو یوکسک قیمتلندیریب، مطبوعات و سؤز آزادلیغی، کوتلوی اینفورماسییا واسطه‌لرینین مادی-تکنیکی بازاسینین محکملندیریلمه‌سی ایستیقامتینده آردیجیل تدبیرلر حیاتا کئچیریب. مستقیللیک دؤورونده آذربایجان مطبوعاتی ایله باغلی ایلک فرمانی دا حیدر علیئو ایمضالاییب.

عمومیلیکده، اولو اؤندر مطبوعاتین پروبلملرینین حلی ایله باغلی ۱۰-دان چوخ سرانجام و فرمان ایمضالاییب. ۱۹۹۹-جو ایلده "کوتلوی اینفورماسییا واسطه‌لری حاقیندا" بین الخالق طلبلره جاواب وئرن قانون قبول ائدیلیب. حیدر علیئوین ۱۹۹۸-جی ایل ۶ آوگوست تاریخلی سرانجامی ایله آذربایجاندا سنزورا لغو اولونوب.

اؤلکه‌ده سؤز و مطبوعات آزادلیغینا، مطبوعاتلارا ان یوکسک سوییه‌ده دقت و قایغی وار. پرزیدنت ایلهام علیئوین ۳۱ ایول ۲۰۰۸-جی ایل تاریخلی سرانجامی ایله "آذربایجان رسپوبلیکاسیندا کیو-لرین اینکیشافینا دؤولت دستیی کونسپسییاسینین" تصدیق ائدیلمه‌سی، بیر ایل سونرا، ۳ آپرئل ۲۰۰۹-جو ایل تاریخین‌ده پرزیدنت یانیندا کوتلوی اینفورماسییا واسطه‌لرینین اینکیشافینا دؤولت دستیی فوندونون یارادیلماسی آزاد مئدیانی اینکیشاف ائتدیرمک، مطبوعاتین مادی-تئکنیکی بازاسینی محکه‌ملندیرمک، ژورنالیستلرین سوسیال-اقتصادی وضعیتینین یاخشیلاشدیریلماسی مقصدیله آتیلان مهم آددیملار ایدی.

تاریخ
2017.07.22 / 09:38
مولف
Axar.az
شرح لر
دیگر خبرلر

موسکوادا خزرله باغلی سنسییا: پروتوکول ایمضالاندی

تانکچیلاریمیز موسکوایا گئتدی

آذربایجان بایراغینی اؤپن گنج حبس ائدیلدی

آذربایجان‌لیلاردان ایران تحصیل ناظرینه قارشی کمپین

ایتالییا پرزیدنتین‌دن قاراباغ آچیقلاماسی: یئنی یوللار…

گونئی آذربایجان‌لیلار ایشیقسیز قالیب، ارمنیلر ایسه…

اردبیل‌ده ایشسیزلیگی آرادان قالدیرماق اوچون وسایت آیریلمیر - میللت وکیللری

آکسییا: «سئوگی-مسئولیت‌دیر» - فوتو

تهران‌دا آذربایجان قیامی: کوچه و پروسپکتلرده…- فوتو

دوشمن تخریبات تؤرتمک ایستدی، ایتکی وئردی - فوتو

خبر خطّی
 
Axar.az'da reklam Bağla
Reklam
Bize yazin Bağla