Axar.az
یوخاری
19 نویابر 2017


دوشمنی آیاغینا گتیرن لیدر

آنا صحیفه توپلوم
12 Punto 14 Punto 16 Punto 18 Punto

۱۰ نویابر تورک دونیاسینین بؤیوک لیدری مصطفی کمال آتاتورکون دونیاسینی دییشدیی گوندور. مصطفی کمال آتاتورک اؤلومون بئله اؤلدوره بیلمدیی لیدردیر. او، ساده‌جه، دونیاسینی دییشدی. او، دونیادا اولماماسینا باخمایاراق، ۷۹ ایلدیر بو دونیاداکی میلیونلارین سوگیسینی حس ائدیر.

اونون اویودوغو آنیت قبیره هر گون یوزلرله اینسان زیارته گئدیر، تورکییه جومهوریتینه رس‌می و غیری-رسمی سفر ائد‌ن دونیاجا مشهور سیاستچیلر، علم آداملاری، صنعت‌چیلر محتشم تورک مصطفی کمال آتاتورکون مزارینی زیارت ائتمه‌دن اؤلکه‌لرینه دؤنمور. ۷۹ ایلدیر داوام ائد‌ن بو عادت بیر داها اثبات ائدیر کی، آتاتورک تاریخین یئتیشدیردیی نادیر لیدئرلردن‌دیر. بونو تک بیز دئمیریک. دونیاجا مشهور سیاست آداملاری دا سؤیلییر.

۱۹۳۸-جی ایل اینگیلتره‌نین باش ناظری اوینستون چؤرچیلل آتاتورکون اؤلومو ایله باغلی دئمیشدی: "ساواشدا تورکییه‌نی قورتاران، محاربه‌دن سونرا دا تورک اولوسونو یئنی‌دن دیریلدن آتاتورکون اؤلومو یالنیز عایید اولدوغو اؤلکه اوچون دئییل، آوروپا اوچون ده ان بؤیوک ایتکیدیر. هر طبقه‌دن اولان اینسانلارین اونون آرخاسینجا تؤکدویو گؤز یاشلاری بو بؤیوک قهرمانا و معاصر تورکییه‌نین آتاسینا لاییق بیر اوغورلامادیر".

افغانیستان کرالی امان اللاه خان دا، «او بؤیوک اینسان یالنیز تورکییه اوچون دئییل، بوتون شرق‌ده یاشایان میللتلرین ان بؤیوک اؤندری ایدی»، - دئمیش‌دی.

بیری آوروپالی، دیگری ایسه شرق‌لی اولان سیاست‌چیلرین ایکی‌سینین ده آتاتورکله باغلی دئدیکلرینه دقت ائتسک، اولو اؤندرین دونیوی بیر لیدئر اولدوغونو بیر داها آنلامیش اولاریق. دوستون دا، دوشمه‌نین ده قبول ائتدیی بؤیوک لیدئر ایدی مصطفی کمال آتاتورک. یئنه دئییرم، اؤلومون بئله اؤلدوره بیلمدیی لیدئردیر مصطفی کمال آتاتورک. ۷۹ ایلدیر داخیل‌ده‌کی و خاریج‌ده‌کی دوشمه‌نلر دورمادان اونون دوشونجه‌لری ایله ساواشیر. قوردوغو جومهوریتی «یوخ۲ ائتمه‌یه چالیشیرلار. اما بؤیوک شاعر مصطفی آسلانین فیکیرلر ایله دئسک:

بو میللتین صادقی چوخ‌دور هپ خاینیندن،

یاخیندیر، پوست یاپاریز خاینلرین گؤنوندن.

هر میللتین صاباحی بللی اولور دونوندن،

آتاتورک "خسته آدام" سانیلان خامورداندیر،

بو خامورو یوغوران الله‌دیر، یارادان‌دیر.

یعنی تانری سئودیی میللتلره هر عصرده، چتین وضعیت‌ده اولدوغو آندا بیر لیدر گؤندریر. تورک میللتی چوخ شانسلی‌دیر کی، اونا دا مصطفی کمال آتاتورک کیمی بیر اؤندری گؤندردی. تمامیله بیتیریلمیش عثمانلینین کوللریندن بو گون دونیایا میدان اوخویا بیلن تورکییه جمهوریتینی قورموش بیر لیدئره جاهیل اینسانلار سالدیرسا دا، هئچ بیر ایشه یاراماز. بو گون بو مملکتده اونا ان چوخ سالدیرانلاری نامازا چاغیران اذان اوخونورسا، مصطفی کمال آتاتورک سایه‌سینده‌دیر. بو گون بو مملکت‌ده چوخلاری آتاسینین کیم اولدوغونو بیلیرسه، روم، اینگیلیس و باشقا دیللرده دئییل، تورک دیلین‌ده دانیشیب، تورک بایراغی آلتین‌دا دایانیب، ایستیقلال مارشینی اوخویاراق:

قورخما سؤنمز بو شفقلرده اوز‌ن آل سان‌جاق،

سؤنمه‌دن یوردومون اوستون‌ده توته‌ن ان سون اوجاق.

او منیم میللتیمین اولدوزودور پارلایاجاق،

او منیم‌دیر، او منیم میللتیمین‌دیر آنجاق، -

سؤزلرینی اوخویا بیلیریک‌سه، او بؤیوک اینسانا بورجلویوق. اللهین سئویم‌لی بن‌ده‌سی اولان بؤیوک لیدئره تانری‌دان رحمت دیلییر، روحون شاد اولسون دئییرم.

* بو گون یئنه میلیونلار ۰۹:۰۵-ده بیر آنلیق سوساجاق، حرکت ائتمه‌یه‌جکلر. چونکو او دقیقه‌ده بشرین حیرانلیقلا سئیر ائتدیی و حاقین‌دا دانیشدیغی بؤیوک لیدر جیسما آرامیزدان آیریلمیشدیر. بو گون میلیونلار آتامی حؤرمتله آناجاق - اونو سئوه‌نلر ده سئومه‌یه‌نلر ده آنیت قبیره گئدیب قارشی‌سیندا باش ایجک. مصطفی کمال آتاتورکون بؤیوکلویو بودور. دوستو دا، دوشمه‌نی قارشی‌سینا گتیریب سایگی دوروشو ائتدیره بیلر. ۷۹ ایلدیر اؤلومله بیرلیک‌ده دوشمه‌نین ساواشیب یوخ ائده بیلمدیی بؤیوک لیدئر. یولوندان دؤنمیجییمیزه ان بؤیوک خیالین اولان توران یولوندا موباریزه آپاراجاغیمیزا روحون قارشی‌سیندا سؤز وئریرم. سن منیم سجده ائتدییم لیدرسن. کوللریندن تورکو یئنیدن دیریلدن بؤیوک شخصیت قارشیندا باش اییره‌م.

تاریخ
2017.11.10 / 17:15
مولف
Axar.az
شرح لر
دیگر خبرلر

لنکراندا زلزله اولدو

میلت وکیلی یارالی کشفیاتچیمیزا باش چکدی - ویدئو

آذربایجانلیلار حج پولونو کوردلره گؤندردیلر

آذربایجان اوردوسو گوجلو ضربه ائندیره‌جک... - میناسیان

تورکلری تحقیره اعتراض ائتدیی اوچون حبس ائدیله‌ن گنج آزادلیق‌دا

ایروان چتین دورومدا: ایران دا پروسسه قوشولور

روسییانین حربی گوجو آمریکایا چاتیر – دانفورد

مراکش ایروانا اؤز اعتراض سسینی اوجالتمالیدیر – میللت وکیلی

مئتیو برایزا: «قاراباغ روسییا ایله آمریکا آراسیندا...»

میللی دیرچلیش گونو

خبر خطّی
 
  
  
  
  
Axar.az'da reklam Bağla
Reklam
Bize yazin Bağla