Axar.az
یوخاری
20 نویابر 2018


اوردوموز ۱۱ مین هئکتار اراضینی ارمنی ایشغالین‌دان آزاد ائتدی – تفرعات

آنا صحیفه توپلوم
12 Punto 14 Punto 16 Punto 18 Punto

دونه‌ن ناخچیوان الاحیدده عوموم قوشون اوردونون مطبوعات خیدمتی ۲۶ ایلدیر ایشغال آلتین‌دا اولان شرور رایونونون گوننوت کندینین و بیر سیرا یوکسکلیکلرین آزاد ائدیلدیینی تصدیقله‌ین رسمی معلومات یاییب.

آخار. آذ خبر وئریر کی، اوردوموزون عکس-حمله عملیاتلاری مای آییندا گئرچکلشیب. بئله‌لیکله، اوردوموز داها الوئریشلی مؤقعلره صاحیبلنیب، خونوت داغی و آغبولاق یوکسکلیگی، قیزیلقایا داغی و مهریداغ ایشغالدان آزاد ائدیله‌رک، درلیز محلینین آرپا کندینه (ارمنیلر آدینی دییشدیره‌رک «آرئنی» قویوبلار) نظارتی برپا ائدیب.

قیزیلقایا یوکسکلیینین ان بؤیوک ایستراتئژی اهمیتی ایروان-یخقندزور-گوروس-لاچین-خانکندی آوتومبیل یولونا اوردوموزا نظارت ائتمه‌یه ایمکان وئرمه‌سیدیر.

قید ائدک کی، بوندان اؤنجه ارمنی، همچینین روسییا مدیاسین‌دا آذربایجان اوردوسونون ناخچیوان ایستیقامتینده بیر سیرا یوکسکلیگی ایشغالدان آزاد ائتدیی حاقدا معلومات تفررعاتی ایله وئریلمیشدی. «روسبالت» یازیر کی، آذربایجان ۳ ایستراتژی یوکسکلیگی اله کئچیرمه‌یه نایل اولوب و بئله‌لیکله، بیر نئچه کنده نظارتی برپا ائدیب.

ارمنی حربی اکسپرت آرکادی گریگوریان دا آذربایجان اوردوسونون بیر نئچه ایستراتژی یوکسکلیگی آلدیغینی بیلدیرمیشدی.

آذربایجانین «آددیم-آددیم» ایستراتگییاسی

روسییا مئدیاسی آذربایجان اوردوسونون «آددیم-آددیم» ایستراتگییاسین‌دان ایستیفاده ائتدیی باره‌ده معلومات دا وئریر. بیلدیریلیر کی، آذربایجان دانیشیقلارا حاضر اولدوغونو بیلدیرمکله برابر، همچینین، قارشی طرفی کونستروکتیو دانیشیقلارا گتیرمک اوچون آددیم-آددیم ایرلیلییر.

«هتق» اینترنت نشرینین باش رداکتورو باغداساریان دا آذربایجان اوردوسونون ناخچیوان ایستیقامتینده نیترال زونا بویو ایر‌لیله‌یه‌رک، بؤیوک بیر اراضینی نظارته گؤتوردویونو بیلدیرمیش، حتی فوتو دا پایلاشمیشدی.

قید ائدک کی، رسمی معلوماتا گؤره، اراضینین اعتبارلی مدافعه‌سی و تأمینات مقصدی ایله ۵۰ کم ینی یول چکیلیب، ۵۰ کم-دن آرتیق یارارسیز یوللار ایسه برپا ائدیلیب. ایستراتژی اهمیتلی آرپاچای سو دریاچاسینین تاکتیکی جهتدن اعتبارلی محافظه‌سینین تشکیلی اوچون حاکم یوکسکلیکلرده یئنی مدافعه مؤقعلری قورولوب.

تاریخ
2018.06.09 / 09:39
مولف
الشاد یاقوبلو
شرح لر
دیگر خبرلر

ایران‌لی رس‌می: "اورمییا گؤلونون برپاسی اوچون اینوئستی‌سییا زروری‌دیر"

چالدیران‌دا هئچ بیر صنایع و ایستحصال موسسه‌سی یوخدور

موغان‌لی قادینین ۸ نفرین حیاتینی قورتاریب

گنجه‌ده دهشتلی پارتلاییش: اؤلنلرین سایی آرتدی - ویدئو/۲۳+

حسن روحانینین چیخیشی زامانی «تراختور» کومانداسینا دستک وئریلدی – ویدئو

حسن روحانینین خوی شهرینه سفری زامانی ایکی آذربایجان‌لی فعال ساخلانیلیب

آذربایجان ثروتلرینی ایران شیرکتلری تالان ائدیر - آچیقلاما

ایران‌دا ۵ تبریزلی بهایی حبس ائدیلیب

دوشمن جبهه‌ده تخریبات تؤرتدی

گونئی آذربایجان‌دا اینتیهارلارین آردی-آراسی کسیلمیر

خبر خطّی
 
Axar.az'da reklam Bağla
Reklam
Bize yazin Bağla