Axar.az
یوخاری
17 دکابر 2018


ایران‌دا ۵۰ شهرده آکسییا باشلادی: دوکان-بازار باغلاندی - ویدئو

آنا صحیفه توپلوم
12 Punto 14 Punto 16 Punto 18 Punto

11:14

گونئی آذربایجانین بیر نئچه شهرین‌ده بازارین دورغونلوغو و آغیر اقتصادی وضعیته اعتراض اولاراق بازارلار تعطیله چیخیب.

آخار. آذ خبر وئریر کی، دارایی خیابانین‌دا یئرلشن تبریزین «بؤیوک بازار» باغلانیب. ماغازالار فعالیتینی دایاندیردیقدان سونرا دارایی خیابانینا چوخ سایدا تهلوکه‌سیزلیک قوه‌لری جلب اولونوب.

تبریزین «بؤیوک بازار»ی اعتراضلارا قوشولسا دا، ماغازالار آچیق‌دیر. عمومی‌لیکده تبریز بازاری یاری-تعطیل وضعیتده‌دیر. «بؤیوک بازار»دان باشقا تبریزین بیر نئچه منطقه‌سین‌ده ماغازالارین باغلی اولدوغو بیلدیریلیب. محمدی و امیر کبیر تیجارت مرکزلری، همچینین قیزیل بازاری دا اعتراضلارا قوشولوب.

***

ایران‌دا باش قال‌دیران اعتراض آکسییالاری اؤلکه‌نین ۵۰-دن چوخ شهرینه یاییلیب. اقتصادی دورغونلوغا اعتراض اولاراق مغازا و تیجارت مرکزلرینی باغلایان صاحیبکارلار کوتلوی تعطیله باشلاییبلار. تهران، اصفهان، شیراز، مشهد، تبریز، اورمییه، مراغه، قزوین، زنجان، کرمانشاه، سونقور، قصرشیرین، قوشاچای، بوکان، ساققیز، بانه، مریوان، گرگان، سردشت، بندر عباس، چابهار، زاهدان، خاش، بورازجان، کازرون و دیگر شهرلرده بازارلار فعالیتینی دایاندیراریب، یوز مینلرله مغازه و تیجارت اوبیکتلرینین صاحبلری تعطیله قوشولوبلار.

مغازه و تیجارت اوبیکتلرینین فعالیتینی دایاندیراراق اؤلکه اوزره گنیش تعطیللره باشلاماسی و بونون یاخین گونلرده داها گنیش ووسعت آلماسی احتیمالی، حاکمیتی، او جمله‌دن حسن روحانی حکومتینی تعجوبلندیریب.

حکومت رسمیلری اؤلکه‌نین موختلیف شهرلرین‌ده باش‌لانان کوتلوی تعطیللره هله‌لیک هر هانسی بیر رئاکسییا وئرمییبلر.

قید ائدک کی، کوتلوی تعطیللر، بیر نئچه گون اول سوسیال شبکه‌لرده اهالینی گنیش تعطیللره باشلاماغا تشویق ائد‌ن چاغیریشلارین یاییلماسیندان سونرا رئاللاشیب.

تاریخ
2018.10.09 / 12:18
مولف
آیتاج آراز
شرح لر
دیگر خبرلر

۶ آذربایجان‌لی فعال تبریز و اورمییه زیندانلارینا کؤچورولوب

آذربایجان "یالقوزاق"این سئرییالی سلاحین ایستحصالینا باشلادی

قاشقای تورکلری تبریزین سهند ایستادیونونا بوراخیلمادی

آذربایجان‌لی آکتیور آذربایجان میللی حرکاتینین بایراغینی پایلاشدی - فوتو

دوشمن جبهه‌ده تخریبات تؤرتدی

تورک اوردوسونون آذربایجان‌لی گنرالی

ایران‌دا بو قادینلارا ۷۴ شاللاق وورولاجاق - فوتو

آذربایجان‌لی فعالی ایشده‌ن اوزاقلاشدیردیلار

ایران‌دا آزیاش‌لی قیزلارین ائولیلیگی رکورد حده چاتیب

ایران‌دا اؤتن هفته عرضین‌ده ۱۰۰-دن چوخ خریستیان حبس ائدیلیب

خبر خطّی
 
Axar.az'da reklam Bağla
Reklam
Bize yazin Bağla