Axar.az
یوخاری
18 نویابر 2018


آمریکا کوچه‌لرینده آذربایجان بایراغی... - ویدئو

آنا صحیفه توپلوم
12 Punto 14 Punto 16 Punto 18 Punto

آمریکانین کالیفورنییا ایشتاتینین مونتئرئی شهرینده آذربایجانین دؤولت بایراغینین ۱۰۰ ایللیی قید ائدیلیب.

کولت. آذ خبر وئریر کی، آذربایجانین لوس-آنجلس‌ده‌کی باش کونسوللوغونون تشببوسو ایله مونتئرئی شهرینین مرکزینده یئرلشن آلوارادو کوچه‌سی اولدن آخیرادک چوخلو سایدا آذربایجان بایراقلاری ایله بزدیلیب.

بوندان باشقا، نویابرین ۹-او مونتئرئی‌ده «آذربایجانین دؤولت بایراغی گونو» اعلان ائدیلیب. بونونلا باغلی شهر مئری کلاید روبرسون (جلید روبئرسون) طرفیندن مووافیق بیاننامه ایمضالانیب.

آذربایجانین لوس-آنجلس‌ده‌کی باش کونسوللوغونا گؤندریلن بیاننامه‌ده آذربایجانین ۲۸ مای ۱۹۱۸-جی ایل تاریخین‌ده موستقیللیینی اعلان ائد‌رک، موسلمان دونیاسیندا ایلک دونیوی و دموکراتیک رسپوبلیکا یاراتدیغی، همین رسپوبلیکانین قیسا مدتده بؤیوک سایدا موترققی اصلاحاتلارا ایمضا آتدیغی، موسلمان دونیاسیندا ایلک دفعه قادینلارا سسوئرمه حقوقو وئردیی وورغولانیب. همچینین بو رسپوبلیکانین آمیکا و دیگر دموکراتیک دؤولتلر طرفین‌دن تانیندیغی قید اولونوب.

سندده ۱۹۱۸-جی ایلین ۹ نویابر تاریخین‌ده گؤی، قیرمیزی و یاشیل رنگلریندن عبارت اوچرنگ‌لی بایراغین آذربایجانین دؤولت بایراغی کیمی قبول ائدیلدیی، ۱۹۹۱-جی ایلده یئنی‌دن موستقیللیینی الده ائتدیکدن سونرا ایسه همین بایراغین آذربایجان رسپوبلیکاسینین دؤولت بایراغی اعلان ائدیلدیی وورغولانیب.

بیاننامه‌ده قید اولونوب کی، آذربایجان آمریکانین متفیقی و ایستراتژی طرفداشی اولاراق قالماقدادیر و بین الخالق سوییه‌ده موسلمان، خریستیان و یهودیلرین بیرگه سوله و هارمونییا شرایطینده یاشادیغی اوغورلو اؤلکه مودلی کیمی تانینیر.

بون‌دان باشقا، مونتئرئی شهرینین ۲۰۱۱-جی ایلده آذربایجانین لنکران شهری ایله قارداشلاشدیغی قید اولونوب.

بیاننامه‌نین سونوندا مئر K. Roberson شهر شوراسی و شهر اهالی‌سی آدیندان ۹ نویابر ۲۰۱۸-جی ایل تاریخینی مونتئرئی شهرین‌ده «آذربایجانین دؤولت بایراغی گونو» اعلان ائدیب و بوتون شهر ساکینلرینی بو بایرامی قید ائتمه‌یه چاغیریب.

تاریخ
2018.11.06 / 15:02
مولف
Axar.az
شرح لر
دیگر خبرلر

سیزی اینجی‌دنلر بیر گون عینی‌سینی یاشاییر - کایناتین سیرلی قانونو

ایران‌دا یول قزاسی: ۷ نفر اؤلدو

اورمییه‌لی میللت وکیلی «گولمانخانا» آدینین دییشدیریلمه‌سینه اعتراض ائتدی

تورکییه‌ده ناظرلیک نمازین واختینی دییشدیردی

دونیا بیرژالارین‌دا نفتین قیمتی

دوشمن مؤقعلریمیزی آتشه توتدو

آذربایجان‌لی شاعرین آتاسی تبریزده ساخلانیل‌دی – ویدئو

آذربایجان‌لی فعال جعفر روستمیراد محکمه‌یه چاغیریلیب

بو گون میللی دیرچلیش گونودور

شانلیورفادا قاراباغ پارکی آچیلدی - فوتو

خبر خطّی
 
Axar.az'da reklam Bağla
Reklam
Bize yazin Bağla