Axar.az
یوخاری
19 نویابر 2017


چادراسیز قادینی سؤیمک اولارمی؟

آنا صحیفه یازارلار
12 Punto 14 Punto 16 Punto 18 Punto

شریف آغایارین شهریار دل گئرانی ایله کافه ده یاشادیقلاری باره‌ده ایستاتوس یازماسی چوخلارینین حیددتینه سبب اولدو. چوخ گومان کی، شریف آغایار بو حدیانلارا دؤزمدییندن سونرادان مؤوضوعنو گئنیشلندیریب بیر یازی دا یازدی – چادرالی قادینا سؤیوش.

شریف یازیدا بئله سوال وئریر:

«بو آداملار نیه اعتراض ائدیرلر؟ قادینین چادراسینا، دلینین سؤیوشونه، شهریارین نجیب حرکتینه، منیم بونو یازماغیما، یا نیه؟ »

حقیقتا بو آداملار نیه اعتراض ائدیرلر؟

فیکریمی بؤلوشممیشدن قاباق ایستییرم بیر مسئلهپ نی قید ائدیم. بیر نئچه ایله اول تورک یازیچی تونا کیرمیتچی «سئریاللاردا نیه توربانلی قادینلار اوینامیر؟» آدلی یازی یازمیشدی. او یازیدان سونرا مسئله تورک مطبوعاتیندا گوندمه گلمیش، تورکییه‌نین مشهور کؤشه یازارلاریندان بیری ائرطغرول اؤزکؤک ده بو مسئله‌ده قلمینی ترپتمیشدی. اؤزکؤکون همین یازیسی منیم ده قافامدا بعضی سواللار یاراتمیشدی.

کؤشه یازاری «ایللر بویو توربان بیزه نئجه تقدیم اولوندو؟ اینانجین، دوروستلویون، اخلاقین تیمثالی کیمی. اویسا هر کسین چوخ یاخشی بیلدیی بیر سیرر واردی: باشا توربان کئچیریلنده اینسانین کاراکترینده‌کی «اینسانی شئیلر» ده دییشیلمیر» – دئیندن سونرا اوخوجویا بعضی سواللار عنوانلامیشدی کی، همین سواللار منی ده چاشدیرمیشدی:

«سئریاللاردا تجاوزه اوغرامیش توربانلی قادین گؤرمه‌یه حاضیرسیزمی؟

سئریاللاردا ارینی آلدادان توربانلی قادین سیر ائتمه‌یه حاضیرسیزمی؟

سئریاللاردا سئودیی آداملا اؤپوشن توربانلی قادین سیر ائتمه‌یه حاضیرسیزمی؟

سئریاللاردا جینایت تؤردن، اوغورلوق ائد‌ن، دوستونا کلک گلن، گلینینی آرخادان بیچاقلایان توربانلی قادین سئیر ائتمه‌یه حاضیرسیزمی؟»

اؤزکؤکون ایللر اول وئردیی سوال بیزیم جمعیتده ایندی ده آکتوالدیر. یا زلزله‌دن، یا ولوله‌دن دوشونجه‌میزده چادرالی، باش اؤرتولو قادین هر زامان پاکلیق، عفت تیمثالی ساییلیب. گونده‌لیک حیاتیمیزدا بو کلیشه لری هارداسا قیرمیشیق، آنجاق بو شئیلر آلت شعوروموزدا اؤزونه محکه‌م یئر ائدیب دئیه هله ده اوندان یاخا قورتارا بیلمیریک.

چوخ دا اوزاغا گئتمیک، گویا بیزیم سئریاللاردا دا سئوگیلیسی ایله اؤپوشن حجاب‌لی قادین، ارینه خیانت ائد‌ن حجابلی قادین گؤستریلرمی؟ یوخ. چونکی، دئدییم کیمی، دوشونجه‌میزده حجابلی قادینلار «مقدس مریم»ا تایدیر: حجاب گئیینمین، چادرایا بورونمین قادینین اخلاقسیزی اولا بیلر، آنجاق حجاب گئیه‌نین یوخ.

من بیلمیرم، پسیخی پوزغونلوغو اولان همین آدام کوچه‌ده سؤیوش سؤیدویو زامان اوردان چادرالی قادیندان اول عادی گئییملی (توتالیم دیزدن یوخاری یوبکادا، چینی آچیق کؤینکده) بیر قادین کئچیبمی؟ و همن قادین کئچن زامان شهریار نه ائدیب؟ و یا چادرالی قادینین یئرینه عادی گئییملی قادین کئچسیدی شهریار یئنه عینی حرکتی ائدردیمی؟

البته، بوردا محاکیمه اولونان شهریار دئییل، اونون اخلاقینین دوروستلویونه، دوشونجه‌سینین خوشمراملیلیغینا دا شبهم یوخدور.

ساده‌جه...

او احوالاتداکی قادین چادراسیز اولسایدی ایندی شرح یازیب اؤزونو «هلاک» ائد‌نلر اوندا همن ایستاتوسا هئچ لایک دا قویمازدیلار.

ایستاتوسا اعتراض ائد‌نلری هیددتلندیرن محض «چادرا» مسئله‌سی، مؤلفین شعورآلتی اولاراق چادرالی قادینلارین عفت‌لی اولماسینا ایشاره وورماسی سبب اولوب. یعنی کی، آنجاق چادرالینین سؤیوش ائشیتمه‌سینین قارشی‌سی آلینمالی. چونکی اونلار عفتلیدیرلر...

بو دوشونجه ایسه اؤزوموزدن آسیلی اولمادان آلت شعوروموزا قازیلیب.

و مسئله‌یه منجه بو نقطه‌دن باخمالی، بلکه او زامان تفکوروموزو «چادرا»لاردان آزاد ائده بیلک. اؤزو ده تکجه بو مسئله‌ده یوخ، بوتون مسئله‌لرده.

تاریخ
2017.07.03 / 14:52
مولف
میرمهدی آغاوغلو
شرح لر
دیگر خبرلر

هئچ اینانا بیلمیردیم کی، او دا اؤلجک

«عیسی نین سون شامی» – ایبراهیم رشیدی

تورکلرین منلیک حیسینی یوخ ائد‌ن سیاست

دونیا بئله ایداره اولونور – قیزیل پلان

«پالتار»، «پالاز»، «پالان» سؤزلری نئجه یاراندی

محمد فضولییه قیسقاندیغیم قادین...

حبسخانادان بیر بؤلوم - ساسانیان

ساری گلین: بیر ماهنینین سیرری… - آراشدیرما

بیزیم عائله‌نی او روس یازیچیسی محو ائتدی

ارینی گیزلیجه معالیجه ائد‌ن قادینلار

خبر خطّی
 
  
  
  
  
Axar.az'da reklam Bağla
Reklam
Bize yazin Bağla