Axar.az
یوخاری
19 نویابر 2017


خوروز سسی اوزرلیگی نیه یاندیریر؟

آنا صحیفه یازارلار
12 Punto 14 Punto 16 Punto 18 Punto

کولت. آذ ایبراهیم رشیدی ساوالانین «خوروز سسی گونش شعله‌سیدیر» آدلی یازیسینی تقدیم ائدیر:

کندیمیزین تکجه قبیریستانلیغیندا دئییل، خرمنلرینده و هر داشی دیبینده کول-کول اوزرلیک بیتیب. قادینلار اوزاق-اوزاق تپه‌لری گزیب اوزرلیک ییغیرلار. اما کند ایچینده بیته‌ن اوزرلیکلردن بیر چؤپ بئله درمیرلر.

بو ایشین سببینی سوروشاندا دئییرلر: «خوروز سسینی ائشیدن اوزرلیک یانار، اونا گؤره داها تأثیری قالماز».
بو اینانج هارادان دوغور؟ نیه خوروز سسی اوزرلیگی یاندیریر؟

«خوروز» سؤزونون قدیم فورماسی «قوروز» هله ده بعضی یئرلرده ایشلکدیر. «قور»، «قور" - اود و آتش، «اوز»، «اوز" - ایشیق و شعله آنلامینی وئریب. یعنی خوروز - اود ایشیغی معناسیندادیر؛ طبیعی کی، اونون سسی اوزرلیگی یاندیرار و یانیب سیچرامیش اوزرلیین هئچ بیر تأثیری اولماز.
چوخ واخت قیشین اوزون گئجه‌لرینده بوغدانی، مکنی ساج اوستونده قیزاردیب قووورغا یئمیشیک؛ بو سؤزجوک همن «قور» سؤزوندن یادیگار قالیب. ایندی ده چوخ یئرلرده اودون قیغیلجیم و شراره‌سینه قور دئییلیر.

«قور/قور» قدیم تورکجه‌ده گونش معناسیندا ایشلنیب. قور اوغلو و قورقود دده‌نین آدلاریندا یئر سالمیش بو «قور» سؤزو ائله همین گونشله باغلی‌دیر. نئجه کی، خوروز سؤزونده ق حرفی خ حرفینه چئوریلیب، ائلجه ده فارسجادا یئر سالان «خورشید» و «خوراسان» کلمه‌لری ده قور (گونش) سؤزونون تؤره‌مه‌سیدیر.

نخل آغاجینین محصولونا تورکجه ده قورما و یا خورما دئییلیر؛ چونکی بو میوه ایستی ایقلیملرین گونشی آلتیندا قوورولوب، اود کیمی ایستی و انرژیلی بیر میوه اولوب.

اما اود ایشیغی، گونش ایشیغی آنلامینی داشییان بو محتشم سؤزجوک نیه بو قوشا ارمغان وئریلیب؟

خوروزون باشیندا اولان پیپیکلری شکیل باخیمیندا آلووا بنزییر؛ رنگی قیزارمیش شعله‌لری خاطیرلادیر و هر سحر گونش چیخدیغی آندا خوروزون سسی اوجالیر.

یعنی خوروز سسی گونش شعله‌سی‌دیر.

تاریخ
2017.07.03 / 17:43
مولف
Axar.az
شرح لر
دیگر خبرلر

هئچ اینانا بیلمیردیم کی، او دا اؤلجک

«عیسی نین سون شامی» – ایبراهیم رشیدی

تورکلرین منلیک حیسینی یوخ ائد‌ن سیاست

دونیا بئله ایداره اولونور – قیزیل پلان

«پالتار»، «پالاز»، «پالان» سؤزلری نئجه یاراندی

محمد فضولییه قیسقاندیغیم قادین...

حبسخانادان بیر بؤلوم - ساسانیان

ساری گلین: بیر ماهنینین سیرری… - آراشدیرما

بیزیم عائله‌نی او روس یازیچیسی محو ائتدی

ارینی گیزلیجه معالیجه ائد‌ن قادینلار

خبر خطّی
 
  
  
  
  
Axar.az'da reklam Bağla
Reklam
Bize yazin Bağla