Axar.az
یوخاری
19 نویابر 2017


روحوم‌داکی بورولغان - نرگیز

آنا صحیفه یازارلار
12 Punto 14 Punto 16 Punto 18 Punto

اونلارا باخدیق‌دا آجیییردیم، اورییم سیزیلداییردی. لاکین بو حال چوخ داوام ائتمیردی. چونکی بیلمیردیم بو خسته لیین نه دئمک اولدوغونو. اطرافیمدا هئچ کیمده یوخ ایدی بو جور علت. بعضا دوشونوردوم کی، بو خسته‌لیک، ساده‌جه، فیلملرده‌دی، یا دا معناسیز رکلام‌دی. گئرچک گلمیردی منه. چوخ واخت عادی کدرلی فیلمه باخیر کیمی ایزلییریک ندنسه گئرچکلری... گئتدیکجه بوزلاشیر قلبیمیز. تنهالاشیریق، بوزومتول اولور روحوموز...

اینسان ساغلام اولدوقدا اؤزونو چوخ گوجلو حساب ائدیر. هر شئیی اونودور. ائله ظن ائدیر کی، بو حال بئله ده داوام ائد‌جک. اونودوروق بدنیمیزین توکدن آسیلی اولدوغونو...

یاخشی دوشونمکله علاقه‌سی یوخ‌دور بو اونوتقانلیغین. خسته‌لییه دوچار اولانلاری، یا دا هر هانسی بدبختلیین پنجه‌سین‌ده اولان اینسانلاری گؤردوکده لاقید بیر حال ساریر بیزی. یعنی بیر آنلیق دوشونسک ده، قید ائتدییم کیمی، بو حال اوزون چکمیر. حتی خسته اینسانلار گؤرنده بعضیلریمیز اونون انرژیسینین بیزه یولوخاجاغیندان قورخوب عادیجه بیر گولومسه‌منی اسیرگه‌ییب آرادان چیخیریق. یاردیم سئورلیگی بئله منفعتیمیزه اویغون گلدیکده یادا سالیریق...

بایاقدان هیکل کیمی دونوب قالمیشام. بیر زامانلار رکلاملاردا گؤردویوم او سونلوق قوللارینی آچیب منه طرف آددیملاییر ایندی. من بیلمیرم نه ائتمه‌لییم. ییخیلیب آیاقلارینا یاردیممی دیله‌مه‌لییه‌م، تسلیممی اولمالییام، یاخود میدانمی اوخومالییام؟

اوزومدن آسیلی قالان ایفادنی تانیمیرام. قلبیمده‌کی سحرلر قارانلیقلاشدی بیردن-بیره. من بئینیمده مینلرله خیال، اوتوروب بوردا دوشونوره‌م. اوووجلاریم‌دا اومید قیرینتیلاری آراییرام. اوکسیژن آزالیر بئله زامانلاردا، نفس آلا بیلمیرم.

گؤز یاشلاریم آخمیر، بوخارلانیر ائله بیل...

قوللاریم بوشالیب، دیزلریم تیترییر. من نه ائد‌جه‌یم؟

منه نه اولاجاق؟ - سوالی بئینیم‌ده رادیو جیزیرتی‌سی یارادیر. دوشونجه‌لریمین چیغیرتی‌سی باشیما دوشور. اورییم بولانیر. بوتون دویغولاریمی قوسوب قورتولماق ایستییرم...

اؤزومو باغریما سیخیب آغلاماق کئچیر کؤنلومن...

کیمی‌سه سؤیمک، گوناهلاندیرماق کئچیر ایچیمدن...

چیخیلمازلاردا ایتیره‌م. منطیقیم سون نفسینی وئریر...

دئیه‌سن هاوادا اوکسیژن آزالیر، نفس آلا بیلمیرم

تکجه خسته‌لیکلره دئییل، عمومیتله، اینسان اولماغین اهمیتینه لاقیدیک. عائله‌یه، سئوگییه، اینانجلاریمیزا، پرینسیپلریمیزه، قیساجا اؤزوموزه لاقیدیک. مثلاً، اطرافا باخدیقدا گؤروروک کی، فرقلی تخیله صاحب، اؤزونه مخصوص دوشونجه‌یه صاحب، اصل اینسانلیغا صاحب آداملار آزدیر. او قدر آزدیر کی، بیز اونلاردان بیری ایله قارشیلاشاندا توتقو ایله باغلانیریق اونا. اما سونرا اونون اینسانلیغی بیزیم اینسان"سیز"لیغیمیزا اوستون گلیر. اینسانلیق ایستسک ده، اونو قبول ائده، درک ائده و ان اساسی سئوه بیلمیریک.

ایستییریک اؤز جیزماقارالاریمیزلا او اینسانلیغین اوستوندن خط چکک. چونکی اونون اینسانلیغینا بولاشماق بیزه خییر ائتمیر. ضعیف ایراده‌میز، کیرلی نفسیمیز قالیب گلمک ایستییر. ساریلماق یئرینه، بیزه لازیم اولمایان کؤلگه‌لرله سئویشیریک سادیستجه. داها نلر ائدیریک، نلر...

اینسان اولماغین فلسفه‌سینی درک ائتمه‌یه چالیشدیقجا بوغولورام چوخ واخت. آنیدن مناسیزلاشیر یاشاماق و یاشاتماق...

یاشاماقمی اؤنملی‌دیر، یاشاتماقمی؟ بیلمیرم...

بیلمک ایسته میرم…

بعضا، ساده‌جه، یاشاماق اؤنملی گلیر منه، هر شئیه رغما یاشاماق. وحشیجه، نفسیمین طلب ائتدیی کیمی یاشاماق. سهولریمی قوجاقلاییب. اونلارلا فخر ائدیب یاشاماق. دوغرو کیمی بیزه گؤستریلن هر شئیه گولوب کئچمک، اؤز دوغرولاریمی تاپیب وحشیجه یاشاماق…

اما بو بیر مدت داوام ائدیر. من دئیه‌سن چوخ حساس اینسانام. اکثریت کیمی یاشایا بیلمیرم. اینانجلاریم، دوغرولاریم، پرینسیپلریم وار. من بونلاردان ال چکیب وحشیلییه آلوده اولدوغومدا بئله چوخ داوام ائده بیلمیرم. نه ائدیریکسه-ائدک، اگر داخیلیمیزده مرحمت حسی وارسا، سهوی دوزدن آییرماغی باجاریریقسا، بوندان ال چکیب یاشایا بیلمریک.

بعضا ایسه تانری ایله گؤروشمک و «نیه من؟» سوالینی وئرمک کئچیر کؤنلومدن…

تانریم نیه منی سئچدین آخی؟..

یعنی بیلمیرم من سنین سئودیین، یوخسا نیفرت ائتدیین بندنم؟ منی جزالاندیردینمی؟ یوخسا گؤزل موکافات اوچون سیناغامی چکیرسن؟ بیلمیرم…

هر بدبختلییه دوچار اولان اینسان کیمی بونا لاییق اولمادیغیمی دوشونور و عصیان ائدیره‌م.

بو جور دوشونجه یاغموروندا بوغولورام. دیزلریمین اوستونه چؤکور روحوم. سارسیلیرام. یاشاماق ایستییردیم. ساده آرزولاریم واردی، ساده سئوینجلریم… مورککب حیات تاریخچم…

بو معناسیز خسته لیین منی آددیمباآددیم ایزلدیینی بیلسیدیم، داها سرعتله یاشایاردیم… هه، واللاه یاشایاردیم…

ندنسه اینسان اوغلو اونا وئریلن زامانین هامیسینی یاشایاجاغینی خیال ائدیر. اؤلوم کیمی بؤیوک گئرچکلیگی هامیمیز آز دوشونوروک. هر گون صاباحا گؤزلریمیزی آچدیقدا نلر ائدجییمیزی پلانلاییریق. بعضا ایسه کیمه‌سه پیسلیک ائتمیی پلانلاییریق. اؤلجک کیمی یاشاماغین لازیملی اولدوغونو اونودوروق. من ایستییرم کی، حیاتیمی لاپ باشدان سیزه دانیشیم. بیلمیرم بو حیات حکایه‌سی سیزده نئجه تصورات یاراداجاق. آنجاق من بونلاری آرتیق ایچیمده ساخلاماق ایسته میرم. گؤرون نئچه میلیونسونوز. هره‌نیز بیر نئچه دقیقه منی دینله‌یه بیلرسینیز، منجه. یا دا دینله‌مه‌یه…

تاریخ
2017.07.08 / 09:58
مولف
Axar.az
شرح لر
دیگر خبرلر

هئچ اینانا بیلمیردیم کی، او دا اؤلجک

«عیسی نین سون شامی» – ایبراهیم رشیدی

تورکلرین منلیک حیسینی یوخ ائد‌ن سیاست

دونیا بئله ایداره اولونور – قیزیل پلان

«پالتار»، «پالاز»، «پالان» سؤزلری نئجه یاراندی

محمد فضولییه قیسقاندیغیم قادین...

حبسخانادان بیر بؤلوم - ساسانیان

ساری گلین: بیر ماهنینین سیرری… - آراشدیرما

بیزیم عائله‌نی او روس یازیچیسی محو ائتدی

ارینی گیزلیجه معالیجه ائد‌ن قادینلار

خبر خطّی
 
  
  
  
  
Axar.az'da reklam Bağla
Reklam
Bize yazin Bağla