Axar.az
یوخاری
19 دکابر 2018


میللی حکومت میللی حرکت و میللی غفلت

آنا صحیفه یازارلار
12 Punto 14 Punto 16 Punto 18 Punto

ایرانین، دۆنیادا اؤزۆنه گۏرا اؤزللیکلری وار. ۹۳ ایل اؤنجه قجرلرین قۏرونموش اؤلکه لری ( ممالک محروسه قاجاریه ) تانیلان، دیرک ایران آدلانان بو اؤلکه نین ماراقلی طالعی اۏلموش.

بورادا یاشایان تۆرک سۏیلو میللت لرین دورومو ایسه تام آجی و گرگین اۏلاراق ایندی ده وار داوام توتور.

پهلوی لر چاغیندان یهودلارین آنتی تۆرک دۆشۆنجه لرینه دایاناراق پان ایرانیست لرین بۆتۆنلۆکده دیشاری قایناقلی گئچمیش اویدورما و یالان - پالان ناغیللاریندان گؤز یوماریقسا، اَن آزی گئرچک ۱۰۰ ایل بۏیوندا آیدین یانیلمالار گۆنئی آزربایجانلیلارین فارس دیلی ـ کۆلتۆرۆ قازانجی اوغروندا آسیمیلیا اۏلماقلاری آجی و گئرچک دانیلمازلاردان دیر.

بو آرا اولو اؤندر سید جعفر پیشه وری باشدا اۏلاراق ۲۱ آذر ۱۳۲۴ دن ۲۱ آذر۱۳۲۵ گۆنش ایلی بیرینجی میللی منلیگیمیزه دؤنمه فئدرال آزربایجان حؤکومتی چۏخ - چۏخ قاپالی قالمیش و اۆرت باسدیر ائدیلمیش.

بیز بو قیسا یازی دا میللی حؤکومتین اوغورلارین دان و یا میللی فداییلریمیزین مظلومجاسینا آجی و آغیر سۏنوجلارینی آچیقلاماق پئشینده دگیلیک.

آزربایجانلی تۆرک غزللرینین شاه بالیغی رحمتلیک (علی آقا واحد) دئمیشکن" طالع منه یار اۏلماسا، من نئیله یه بیللم؟" .

یازیقلار اۏلسون آتا پیشه وری نین قورتاریجی بؤیۆک دئوریمیندن سۏنرا، بؤلگه ده و دۆنیادا گئدیشات بیزیم اودوزماغیمیزا و اونودولماغیمیزا سرت اۆزۆنۆ گؤستردی.

میللی حؤکومت باسیلدیقدا تۆم تریبونلار قارشی طرفده اۏلدوقدان، پهلوی رئژیمی وار گۆجۆ ایله ان دئمکراتیک و گلیشمیش بیر حؤکومتی تاپداییب و اوغورلارینی داناراق، یاراماز و یانلیش تؤهمتلریله ایراندا و آزربایجاندا بئیینلری تام ترسه و منفی بیلگیلریله دۏلدورتدوردولار.

اۏ چاغین کؤرپه - یئنی یئتمه و گنج لری ایندی بۆتۆنلۆکده یا اؤلمۆشلر و یا یئتمیش دن یوخاری قۏجا یاشلیلاردیلار. ۳۲ ایل بۏیوندا میللی حؤکومتیمیزین قانلی پیچاق دوشمانی سانیلان پهلوی لرین، اۏ اۏلایی اؤرت باسدیر ائتمه سی نۏرمال اۏلسادا، ۱۳۵۷ اسلامی دئوریم دن بری یئنی حاکمیت اۆزده عدالت و اسلام آدینی داشییرسادا، آرخادا آنتی تۆرک سیاستینی یۆرۆده رک، پیشه وری نهضتی نی دۏلاییدان یۏخ، بیر باشا قیناییب و بو ایشی ایرانین تۏپراق بۆتؤولۆیۆنۆ قۏروماقدا پهلوی لر سایاق سانسۏر ائتمکله اؤنملی سانیر. معاصر درسلیک تاریخی کتابلاردا ۱۳۲۴- دن ۱۳۲۵ اۏلایلارینا چاتدیقدا ساده جه بیر سؤزله ( غائله آذربایجان ) یازماقلا بیر ایلین تاریخینی مسکوت قۏیموشلار.

اؤیرتمن لر و اؤیرنجی لر ایسه اؤزلریندن سۏرماییرلار: آزربایجان غائله سینده نه لر باش وئرمیش؟ بو نئجه بیر ایشدیر هئج بیر آرتیق بیلگی و آچیقلامالاردان واز گئچیلیر؟!

بو آرا گۏنئی آزربایجانین میللی اۏیانیش حرکاتی دا، بو ایشین گیزلین قالماسیندا درین غفلته اوغراییب. بو بیر آجی گئرچک دیر؛ میللی فعاللاردان باشقا، کۆتله آرا قۏجا قادین _ کیشی - اوشاق بؤیۆک، ساوادلی - ساوادسیز و... یۆزده ۹۹ پیشه وری نی تانیمیرلار و یا تک - تۏک تانیارسالاردا ۷۳ ایل منفی تبلیغ لر اوجوباتیندان، اۏندان بیر کامونیستی و خایین شخصیت اۏلاراق دۆشۆنجه لرینی سرگی یه قۏیورلار.

حتتا مرحوم پیشه وری نین کند تصررۆفاتی اصلاحاتینی ۱۶ ایل سۏنرا محمد ایرضا پهلوی اوتانمامازلیقلا ( انقلاب سفید » اصلاحات ارضی ) اۏلاراق اؤز آدینا چیخمیش.

میللی اۏیانیش حرکاتی آکتیویستلریمیز بو دورومو دگیشیب و میللتیمیزه آچیقلاماقدا میللی بۏرجلارینی یئته رینجه اؤده یه بیلمه ییبلر. گلین ائله بو گۏن دن، بو ساحه ده میللی بۏرجۏمۏزون بیر بؤلۆمۆنۆ اؤده مک ده وار گۆجۆمۆزله یارارلی اولاق.

تاریخ
2018.12.05 / 17:53
مولف
حبیب ساسانیان
شرح لر
دیگر خبرلر

او زامان آذربایجاندا...علیرضا صرافی یازیر

۲۶ آذر ۱۳۲۵_۱۹۴۶ هله ده آذربایجان دا حاکمیتینی...

تبریک لغو مراسم سخنرانی «مانقورد» و «بوزقورد» در دانشگاه های آزربایجان

چیلله گئجه سی آذربایجان و چیلله قارپیزی

بیز ده دیکتاتوروق؛ سس‌لریمیز بیربیرینه بنزه‌ییر

گزارشی از مانور سیاسی حرکت ملی در استادیوم سهند تبریز

"توپلوم" آدینی وئردیییمیز سوسیال ایلیشکی‌لر سیستمی...

افکار عمومی و مصادیق وطن‌فروشی

پاسخی صریح به معادله ی مجهول مرحوم سید جعفری پیشه وری و میرزا

محمّد قزويني - زبان ترکی و آذربایجان

خبر خطّی
 
Axar.az'da reklam Bağla
Reklam
Bize yazin Bağla