Axar.az
یوخاری
19 اییون 2019


آنا دیلینی اؤیرنک - دوزلتمه ایسیملر

آنا صحیفه آنا دیلی
12 Punto 14 Punto 16 Punto 18 Punto

دیلیمیزده فعل کؤکلریندن اسم دوزلدن آذربایجان منشألی شکیلچیلر بونلاردیر:

۱. یق٤ \یق- یک- اوق- ۆک \"معاصر آذربایجان ادبی دیلیمیزین ان فعال شکیلچیلریندن بیریدیر و دوزلتدیی اسملر یئر، بؤلگو، باجاریق و بیلیک بیلدیریر. مثاللر: قاتیق، بیلیک، هؤروک. فعلین کؤکو صائتله بیترسه ایکی سسلیدن بیری دوشر.
۲. یش٤ \یش ی̂ش- وش- ۆش \: بو گون ادبی و دانیشیق دیلیمیزین ان فعال شکیلچیلریندن بیریدیر. بو دوزلتمه اسملر حال- وضعیت، حرکت بیلدیریر. فعل کؤکو سسلی ایله بیترسه آخیرینجی"ی" ده شکیلچی یه علاوه ائدیلیر. مثاللار: قاچیش، گلیش، اوچوش،بیلدیریش، یاشاییش، آنلاییش، دؤیوش، گولوش.
۳.ما- مه: بو شکیلچیلرله دوزه لن اسملر حال- وضعیت، آلتلرین آدی و کئفیت بیلدیریر. مثاللار: قیزدیرما، ووروشما، قازما، دوندورما، چالیشما، آتیشما، گولوشمه، اوزلاشما..
۴. \آق- اک- ق- ک\: بو شکیلچیلرله بیر سیرا اسملر دوزه لیر. مثاللار: یاتاق، الک، بویاق. فعلین کؤکو سسلی ایله بیترسه شکیلچینین سسلیسی دوشور.
۵.\جاق- جک\:غیری فعال شکیلچیلردن اولوب اسم عمله گتیریر.مثلا: سانجاق، یئللنجک..
۶. یم٤ \یم- ی̂م- وم- ۆم \: بو دوزهلن اسملر حادثه، اؤلچو،باجاریق بیلدیریر. مثال: ییغیم، ایچیم، اؤلوم، اودوم، گئییم..
۷. \قا- گه\:شکیلچیسی ایله دوزه لن اسملر. مثال: سوپورگه، دؤنگه
۸.\ آر- ار\ : شکیلچیسی ایله دوزه لن اسملر. مثال:آچار، گۆلر.. سون مثالدان گؤزوندویو کیمی فعلین کؤکو سسلی ایله قورتاران زامان، شکیلچیلرین صائتی دوشور.
۹. تی ٤\ تئ- تي- تو- تۆ \: بو شکیلچیلرله طبیعت سسلریندن و یا رنگلردن خصوصی اسملر عمله گتیریر. مثال: باغیرتی، قارالتی، آقارتی، گؤیرتی، گورولتو..
۱۰ . قین٤\ قين- کين- قون- گۆن \: بو شکیلچیلرله حادثه و وضعیت بیلدیرن فعللر یارانیر.مثلا: باسقین، داشقین، کسکین، کوسگون،سوزگون..
۱۱. قی٤\ قئ- کي- قو- گۆ \، غی-غۇ: بو شکیلچیلرله آلت، وضعیت و مجرد مفهوملار بیلدیرن اسملر یارانیر. سؤزون کؤکو جینگیلتیلی صامتله بیترسه " ق" حرفی "غ" حرفینه چئوریلیر. مثاللار: سئچکی- بؤلگو- سپکی- ایتگی- پوسقو- سورغو- سئوگی
۱۲. ین- ̂ین: ایشین آدینی بیلدیرن اسملر دوزلیر.غیر فعال شکیلچیلر حساب ائدیلیر. مثاللار: بیچین- اکین- سپین
١٣. اید٤: غئیری فعال اولان بو شکیلچی فعللردن اسم یارادیر. مثال: کچید، اؤیود..
۱۴. ی٤\ ئ- ي- و- ۆ \:بو شکیلچیلرله دوزه لن اسملر اؤلچو، خاصیت، ایشین نتیجه سینین آدینی بیلدیرن اسملر دوزه لیر. بو شکیلچیلر بیر او قدر فعال دئیلدیر. مثلا: یازی، قورخو، اؤلچو، سورو...
۱۵. یجی٤\یجی- یجی- ۇجو- وﹾجو\: بو شکیلچیلر ایش گؤرنی بیلدیریر.مثاللار: ساتیجی- سوروجو، اؤلدوروجو. فعلین کؤکو سسلی ایله بیترسه، ایکی سسلیدن بیری دوشور.مثلا: اوخوجو
۱۶. اینج- اینج- ۆنج : چوخ نادیر مصدرلردن اسملر دوزلدیر. مثاللار: سئوینج، قاخینج
۱۷. آجاق- اجک: یاناجاق- تبه جیک- قاناجاق- گله جک..
۱۸. جه: بو شکیلچی بیر نئچه فعلدن اسم دوزلدیر. مثاللار: دوشونجه..
۱۹. گج: بو شکیلچی غیر فعالدیر. مثال: سوزگج....
۲۰. اینتی- ̂ینتی - ا ۇنتو- ا ۆنتو\: معین بیر ایشین آزلیقینی بیلدیرن اسملر دوزه لیر. مثاللار:
قازینتی- چورونتو- چیخینتی- چیرپینتی- چؤکونتو- گزینتی...

تاریخ
2017.03.04 / 15:20
مولف
آینوره حسن اوا
شرح لر
دیگر خبرلر

آذربایجان و زبان فارسی

آنا دیلین‌ده ظرف - ویدئو

آنا دیلین‌ده فعلی باغلاما شکیل‌چیلری-داوامی- ویدئو

آنا دیلین‌ده فعلی باغلاما شکیل‌چیلری-ویدئو

آنا دیلین‌ده فعلی باغلاما و اونون شکیلچیلری-ویدئو

آنا دیلین‌ده اورفوگرافییا نورمالاری - تام سیاهی - آلتینجی حیصه

آنا دیلینین اورفوگرافییا نورمالاری - تام سیاهی-بئشینجی حیصه

آنا دیلیمیزین اورفوگرافییا نورمالاری - تام سیاهی- دؤردونجو حیصه

آنا دیلیمیزده اورفوگرافییا نورمالاری - تام سیاهی-اوچونجو حیصه

آنا دیلیمیزین اورفوگرافییا نورمالاری - تام سیاهی-ایکینجی حیصه

خبر خطّی
 
Axar.az'da reklam Bağla
Reklam
Bize yazin Bağla