Axar.az
یوخاری
20 اییون 2019


آنا دلیمیزده سیرا سایلاری

آنا صحیفه آنا دیلی
12 Punto 14 Punto 16 Punto 18 Punto

آذربایجان دیلینین قراماتیکاسی

سیرا سایلاری

سیرا سایلاری اشیالارین سیراسینی بیلدیریر. بو سایلار مقدار سایلارینا دؤرد جور "ینجی٤"/ینجی- ̂ینجی- ۆنجو- ونجو/شکیلچیلرینی آرتیرماقلا دوزه لیر. بو سایلار "نئچنجی؟" سوالینا جواب وئریر. مثلا: اوچ- اوچونجو، اون-اوندؤردونجو..

"ایکی- آلتی- یئددی" سایلاری سسلی ایله بیتدییی اوچون، سیرا سایلاری شکیلچیلری علاوه اولونارکن"ی" سسلیسیندن بیری دوشور. مثال: آلتینجی، ایکینجی..

مقدار سایلاری اشیالارین مقدارینی بیلدیردیکلری حالدا، سیرا سایلاری اشیالارین سیراسینی بیلدیریر. سیرا سایلارینین ایکینجی خصوصیتی اونلارین صفتلره یاخین اولماسیدیر. صفتلر کیمی بو سایلار دا، عین زاماندا "هانسی؟" سوالینا جواب وئریر.

سیرا سایلاری مستقل ایشلندیکده، مقدار سایلارینا نسبتا، اسملره داها یاخین اولور. بو حالدا سیرا سایلاری تمامیله مستقل اشیانی نظرده جانلاندیریر و اسملر کیمی حاللانیر و جمعلنیر.. مثال: سکیزینجیلری چاغیردیلار. ایکینجییه سؤزوم وار..

سیرا سایلاری اسم مقامیندا ایشلنرسه، اسملر کیمی "کیم" سوالینا دا جواب وئره بیلر.مثال: اوچونجولر گلدیلر.-کیملر گلدی؟- اوچونجولر.

کسر سایلاری

بو سایلار مقدار سایلاریندان دوزه لیر. بو سایلار بوتوو بیر عددین معین مقدارینی بیلدیریر و مقدار سایلاری سوالینا جواب وئریر. بو سایلار ایستر کسر اعشار "٣/۷"، ایستر ایسه "کسر متعارفی" ده آشاغیداکی شکیلده تلفظ اولونور:

واحدین بؤلوندویو عدد اول دئییلیر و اوندان سونرا "دان-دن" ویا "دا- ده" شکیلچیلری گلیر و اوندان سونرا کیچیک عدد دئییلیر. مثلا: یوخاریداکی کسر اعشار بئله تلفظ اولونور. یئددی تام اوندا اوچ...

تاریخ
2018.12.10 / 12:49
مولف
آینورا مممدووا
شرح لر
دیگر خبرلر

آذربایجان و زبان فارسی

آنا دیلین‌ده ظرف - ویدئو

آنا دیلین‌ده فعلی باغلاما شکیل‌چیلری-داوامی- ویدئو

آنا دیلین‌ده فعلی باغلاما شکیل‌چیلری-ویدئو

آنا دیلین‌ده فعلی باغلاما و اونون شکیلچیلری-ویدئو

آنا دیلین‌ده اورفوگرافییا نورمالاری - تام سیاهی - آلتینجی حیصه

آنا دیلینین اورفوگرافییا نورمالاری - تام سیاهی-بئشینجی حیصه

آنا دیلیمیزین اورفوگرافییا نورمالاری - تام سیاهی- دؤردونجو حیصه

آنا دیلیمیزده اورفوگرافییا نورمالاری - تام سیاهی-اوچونجو حیصه

آنا دیلیمیزین اورفوگرافییا نورمالاری - تام سیاهی-ایکینجی حیصه

خبر خطّی
 
Axar.az'da reklam Bağla
Reklam
Bize yazin Bağla