Axar.az
یوخاری
18 آپرئل 2019


آنادیلیمیزین قارشیسیندا اولان آجی گرچک

آنا صحیفه آنا دیلی
12 Punto 14 Punto 16 Punto 18 Punto

کولت.آذ گونئی‌لی یازار داوود عبدینین یازیسینی تقدیم ائدیر:

آنا‌ دیلیمیز ایرقچیلیق سییاستلری سونوجوندا ایللر بویودور رسمی اولمادان، اؤز وارلیغینی قوروماغا جان آتیب، یاشاییر.

سانال دۆنیاسی‌نین گۆجلنمه‌سی‌ایله، چئشیدلی آخاقلارلا، قوروپلار آچیلاراق تۆرکجه‌میزی اؤنمسه‌مه‌‌ییب، دَیَر وئرمه‌ین، آنا دیلی دغدغه‌سی اولان فیکیرداشلار یازماغا باشلادیلار.

نه دن اؤنم و دَیَر وئرمه‌ین آدلاندیریریق؟

بو تیپ اینسانلار دانیشیق‌لاریندا کیلاسیک شاعیرلریمیزی فارسجا و باشقا دیللرده شئعر یازماقلاری اۆچون قیناییب، بعضا توهین‌ ده ائدیرلر، حالبوکی اؤزلری اؤز یازدیقلاری یازی‌لاری فارسجا یازاراق، "اؤز گؤزونده چؤپو گؤرمه‌دن میللتین گؤزونده قیل آختاریرلار"، سؤزونو دۆزگونجه‌سینه یئرینه یئتیریرلر.

بونلارین چوخوسو؛ میللتیمیز فارسجانی راحات اوخویوب باشا دۆشور دئیه فارسجا یازیریق دئییب، بو ایشه فخر ده ائدیرلر.
آنجاق بو سؤزلری آلدادیجی بیر توجیح‌دیر

بو ایشلری‌نین اصلی نه‌دنی:

اؤز تنبل‌لیک‌لری، یا دا آنا دیلیمیزده یازا بیلمه‌مکلری‌دیر.

بو میللتین دیلی اوخوللاردا یاساقدیر، رسمی اورقانلار ایچره یئر وئریلمه‌ییر آنجاق سانالدا و اؤز یازارلاریمیز ایچره ده اؤنم وئریلمه‌ییب یازیلماییرسا، به بو دیل هاردا یازیلاجاق و همن بحث ائتدیگیمیز میللت هاردان اوخویوب گؤزلری آنا دیللی یازی‌لارا آلیشاجاق.

من‌جه تکجه بیر دلیلی وار،

تۆرکجه یازماق جسارت ایسته‌ییر و یازیچی‌لاریمیزین چوخو آنا‌دیلیمیزه خیدمت یوخ، اؤز یازی‌لارینین بیه‌نیلمه‌سی اۆچون فارسجا یازیرلار.

دؤولت نه‌قدر چالیشیرسا بیزیم گؤزل دبلریمیز و یۆکسک کۆلتوروموزو کندلر و شهرین قیراق محلله‌لرینه آیید گؤسته‌رسین بو بیلگین!!! یازیچی‌لار دا، بیله‌رک یوخسا بیلمه‌یرک تۆرکجه‌میزی ناغیل و شئعر اۆچون اویغون بیر دیل تانیتدیرماغا چالیشیرلار.

بو سؤزلری یازا‌ـ‌ یازا اؤزومو بو یازیدا یازیلان هر بیر سس قدر، توهین ـ توجیح و شانتاژا حاضیرلایاراق "حاق سؤز آجی اولار " دئیه، سون قویورام.

تاریخ
2019.01.30 / 09:58
مولف
آیتاج آراز
شرح لر
دیگر خبرلر

آنا دیلین‌ده فعلی صیفتلر-ویدئو

سویداشلاریمیزین دیل گلنیی- خلج لهجه‌سی

آنا دیلین‌ده فعیلین شرط شکلی- ویدئو

سویداشلاریمیزین دیل گلنیی- همدان لهجه‌سی

سویداشلاریمیزین دیل گلنیی- زنجان لهجه‌سی

سویداشلاریمیزین دیل گلنیی- اردبیل لهجه‌سی

سویداشلاریمیزین دیل گلنیی- ماراغا لهجه‌سی

سویداشلاریمیزین دیل گلنیی- اورمو لهجه‌سی

سویداشلاریمیزین دیل گلنیی – یامچی لهجه‌سی

سویداشلاریمیزین دیل گلنیی-قاراداغ لهجه‌سی

خبر خطّی
 
Axar.az'da reklam Bağla
Reklam
Bize yazin Bağla