Axar.az
یوخاری
23 آپرئل 2019


آنا دیلین‌ده فعلین خبر شک‌لی - ویدئو

آنا صحیفه آنا دیلی
12 Punto 14 Punto 16 Punto 18 Punto

او فعللره کی ، ایشین کئچمیشده باش وئرمه سی، ایندی جریان ائتمه سی و یا گلجکده باش وئره جییندن خبر وئره، خبر شکیلچیلری دئییلیر. خبر شکلینین خصوص علامتی اولماز اما شخص و زامان شکیلچیلری اولار. خبر شکیللرینین زامان علامتلری بونلاردیر:

الف- شهودی کئچمیش علامتلری/ کئچن درسلرده گؤرموشوک/

ب- نقلی کئچمیش علامتلری/ کئچن درسلرده گؤرموشوک/

ج- دواملی کئچمیش علامتلری/ کئچن درسلرده گؤرموشوک/

د- ایندیکی زامان علامتلری/ کئچن درسلرده گؤرموشوک/

ه- قطعی گلجک زامان شکیلچیلری / کئچن درسلرده گؤرموشوک/

و- غیر قطعی گلجک زامان شکیلچیلری / کئچن درسلرده گؤرموشوک/

خبر شکیلچیلرینین شخص علامتلری آشاغیداکیلاردان عبارتدیر کی، بوتون شکیلچیلردن آخیردا یازیلیر:

الف- شهودی کئچمیش/ فعللرده بیتیشن شخص عوضلیکلری بؤلومونه باخین/: زامان شکیلچیلریله بیرلیکده شهودی کئچمیش زامانین تصدیقینین کامل تصریفینی آشاغیداکی جدولده گؤرمک اولار.

شخصلر قالین اینجه

سس سیزله بیتن سسلیله بیتن سس سیزله بیتن سسلیله بیتن

تک ۱-جی یاز+دی+م قالا+دی+م وئر+دی+م دیله+دی+م

تک ۲-جی یازدین قالادین وئردین دیله دین

تک ۳-جو یازدی قالادی وئردی دیله دی

جمع ۱-جی یازدیق قالادیق وئردیک دیله دیک

جمع ۲-جی یازدینیز قالادینیز وئردینیز دیله دینیز

جمع ۳-جو یازدیلار قالادیلار وئردیلر دیله دیلر

انکاریندا کؤکدن سونرا "ما- مه" آرتیریلیر: یازمادیم- وئرمه دیم- قالامادیم..

ب- نقلی کئچمیش/ فعللرده بیتیشن شخص عوضلیکلری بؤلومونه باخین/: زامان و شخص شکیلچیلریله بیرلیکده نقلی کئچمیش زامانین کامل تصریفی آشاغیداکی جدولده وئریلیر.

شخصلر سس سیزله بیتن سسلیله بیتن

تک ۱-جی آل+میش+آم تالا+میش+آم

تک ۲-جی آلمیسان تالامیسان

تک ۳-جو آلمیشدیر تالامیشدیر

جمع ۱-جی آلمیشیق تالامیشیق

جمع ۲-جی آلمیسینیز تالامیسینیز

جمع ۳-جو آلمیشلار تالامیشلار

انکاریندا کؤکدن سونرا "ما- مه" آرتیریلیر: آلمامیشام، یئمه میشم..

ج- دواملی کئچمیش: شخص علامتلرینی فعللرده بیتیشن عوضلیکلری" بولومونده وئرمیشیک. زامان و شخص شکیلچیلریله بیرلیکده داواملی کئچمیش زامانین کامل تصریفی بئله دیر:

شخصلر قالین اینجه

سس سیزله بیتن سسلیله بیتن سس سیزله بیتن سسلیله بیتن

تک ۱-جی یاز+یردی+م قالا+ی+یردی+م بیل+یردی+م اله+ی+یردی+م

تک ۲-جی یازیردین قالاییردین بیلیردین اله ییر دین

تک ۳-جو یازیردی قالاییرادی بیلیردی اله ییر دی

جمع ۱-جی یازیردیق قالاییردیق بیلیردیک اله ییر دیک

جمع ۲-جی یازیردینیز قالاییردینیز بیلیردینیز اله ییر دینیز

جمع ۳-جو یازیردیلار قالاییردیلار بیلیردیلر اله ییر دیلر

انکاریندا یا فقط بیر "م" کؤکو آرتیریلیر. مثلا: یازمیردیم- بیلمیردیم و یا فقط "ما-مه" علاوه اولار و ایکی سسلی یان-یانا گلدییی اوچون "ی" سس سیزی آرالارینا گلر. مثلا: یازماییردیم، بیلمه ییردیم..

داواملی کئچمیشین ایکینجی نوعو: شخص عوضلیکلری" آردی- ه ردی" دیر/" فعللرده بیتیشن شخص عوضلیکلری" بؤلومونه باخین/. زامان و شخص شکیلچیلریله بیرلیکده ایکینجی نوع داواملی کئچمیشین کامل تصریفی بئله دیر:

شخصلر قالین اینجه

سس سیزله بیتن سسلیله بیتن سس سیزله بیتن سسلیله بیتن

تک ۱-جی وور+آردی+م قالا+یاردی+م بیل+ه ردی+م سورو+ی+ه ردی+م

تک ۲-جی ووراردین قالایاردین بیلردین سورویر دین

تک ۳-جو ووراردی قالایاردی بیلردی سورویر دی

جمع ۱-جی ووراردیق قالایاردیق بیلردیک سورویر دیک

جمع ۲-جی ووراردینیز قالایاردینیز بیلردینیز سورویر دینیز

جمع ۳-جو ووراردیلار قالایاردیلار بیلردیلر سورویر دیلر

انکاریندا "آر-ه ر" شکیلچیسینین یئرینه "ماز- مه ز" شیلچیلری آرتیریلیر: وورمازدیم، بیلمزدیم...

بیر داها قید ائتمک لازیمدیر کی، داواملی کئچمیشین ایکینجی نوعونون علامتلری گئنیش زامان علامتلری ایله عینی اولدوغوندان، بو داواملی کئچمیشین داواملیلیق مضمونو، اوزون سوره لییی داها آرتیقدیر. داواملی کئچمیش زامانلرین هر ایکیسینین غیر شهودی نوعو ده واردیر.

تاریخ
2019.03.07 / 09:52
مولف
آینورا مممدووا
شرح لر
دیگر خبرلر

آنا دیلیمیزین اورفوقرافییا نورمالاری - تام سیاهی

آنا دیلین‌ده فعلی صیفتلر-ویدئو

سویداشلاریمیزین دیل گلنیی- خلج لهجه‌سی

آنا دیلین‌ده فعیلین شرط شکلی- ویدئو

سویداشلاریمیزین دیل گلنیی- همدان لهجه‌سی

سویداشلاریمیزین دیل گلنیی- زنجان لهجه‌سی

سویداشلاریمیزین دیل گلنیی- اردبیل لهجه‌سی

سویداشلاریمیزین دیل گلنیی- ماراغا لهجه‌سی

سویداشلاریمیزین دیل گلنیی- اورمو لهجه‌سی

سویداشلاریمیزین دیل گلنیی – یامچی لهجه‌سی

خبر خطّی
 
Axar.az'da reklam Bağla
Reklam
Bize yazin Bağla