Axar.az
یوخاری
18 آپرئل 2019


سویداشلاریمیزین دیل گلنیی- اردبیل لهجه‌سی

آنا صحیفه آنا دیلی
12 Punto 14 Punto 16 Punto 18 Punto

اولو بابالاریمیزدان یادیگار قالان آنا دیلیمیز مدنیت عابیدسی اولماقلا یاناشی، دؤولتچیلییمیزین ده میثیل‌سیز زنگینلیینی داشیماق‌دادیر. او تایلی بو تایلی سویداشلاریمیزین دیلی بیر اولسا دا تا قدیم‌دن موختلیف لهجه‌لر مؤوجود اولوب.

Axar.az گونئی آذربایجان‌دا مؤوجود اولان لهجه‌لر سیل‌سیله‌سین‌دن اردبیل لهجه‌سی حاقین‌دا یازی تقدیم ائدیر:۶ – اردبیل لهجه‌سی

اردبیل، خالخال، نمین، آستارا، انزلی‌دن اوزاناراق شیرین سو منطقه‌سین‌دن منجیل تورکلرینین، اورادان دا قیزیل اوزئن چایینین منجیل ایستیقامتینه دؤنه‌ن، ینی، خالخال بی‌لیگی ایله تاریم بی‌لیگی آراسین‌داکی قیسمتینین شیمالینی احاته ائد‌ن و بو آرادا حسرت داغلارینداکی ۷ مئشه کندیندن باشقا بوتون او بؤلگه‌ده آز چوخ فرقله دانیشیلان لهجه‌دیر.

شیمالی آذربایجانین جنوب بی‌لیکلرین‌ده خصوصیله یاردیملییا چوخ یاخین بیر لهجه‌دیر. شیمالی آذربایجانین باکی لهجه‌سین‌ده اردبیل لهجه‌سینین ایزلرینی گؤرمک اولار. بو یاخین‌لیغی چوخ طبیعی گؤرمک لازیمدیر چونکی، شاه ایسماییل خطاینین اردبیل-ائلسئوه‌ن لرله قوزئیه دوغرو یوروشلرین‌ده یئرلی تورکجه ایله قاریشان بو لهجه سون ایکی یوز ایلده باکینین بیر نفت شهری کیمی اینکیشافین‌دان سونرا شیمالا، خصوصیله باکییا اوز چئویره‌ن جنوب ایشچیلری ده بؤلگه‌ده اؤز تأثیرینی موختلیف ساحه‌لرده گؤستردیی کیمی دیل ساحه‌سین‌ده ده گؤسترمیش‌دیر. بو مدت‌ده باکییا گلن جنوب‌لولارین بؤیوک اکثریتی اردبیل بؤلگه‌سین‌دن‌دیر. شیمالی آذربایجانین بیر چوخ بؤلگه‌سین‌ده و باکی‌دا گؤروش سوروشدورولماسی آپاریلارسا اونلارین ۵۰%-اینده‌ن یوخاریسینین بیرینجی و یا ایکینجی و یا دؤردونجو باباسینین جنوب‌دان و اونون‌دا چوخونون اردبیل-ساراب بؤلگه‌سین‌دن اولدوغو آشیکار اولاجاقدیر. لنکران تورکلرینین بؤیوک بؤلومو اؤزل‌لیکله گئچمیش خان عائله‌لری اؤز منسوبیتلرینی ختایی ایله باغلاماقلاری دقت چکیجی‌دیر. اردبیل لهجه‌سین‌ده‌کی خصوصیتلری آشاغی‌داکی شکیل‌ده گؤسترمک مومکون‌دور.

بو لهجه‌نین ان بؤیوک خصوصیتی ایستانبول تورکجه‌سین‌ده اولان «یو» اورتالیغینا بنزه‌یه‌ن جهتین وار اولوشودور. گلیرم یئرینه ایستانبول‌دا «گلیوروم» دئدیکلری کیمی اردبیل لهجه‌سین‌ده گلئییرم شکی‌لی ایشلنیر. چوخ حاللاردا «ر» سسی آتیلسا دا خصوصیله کند آغزین‌دا سؤیلنیش قید ائتدییم فورمادادیر. بو لهجه‌نین بیر باشقا اؤزللیگی، داها دوغروسو تبریز لهجه‌سی ایله فرقی، بیرینجی شخص جمع منسوبیت فعلین دوزلتمه شکیل‌چیلرینده، سون سسین اینجه و قالینلیغیندان آسیلی اولمایاراق تبریزلی-یوخ لا دوزلدیی حال‌دا اردبیل لهجه‌سینده سس اویوشومو قایداسینا تابیی اولاراق یوک و یا ییکله دوزلیر.

تاریخ
2019.04.02 / 11:33
مولف
آینورا مممدووا
شرح لر
دیگر خبرلر

آنا دیلین‌ده فعلی صیفتلر-ویدئو

سویداشلاریمیزین دیل گلنیی- خلج لهجه‌سی

آنا دیلین‌ده فعیلین شرط شکلی- ویدئو

سویداشلاریمیزین دیل گلنیی- همدان لهجه‌سی

سویداشلاریمیزین دیل گلنیی- زنجان لهجه‌سی

سویداشلاریمیزین دیل گلنیی- ماراغا لهجه‌سی

سویداشلاریمیزین دیل گلنیی- اورمو لهجه‌سی

سویداشلاریمیزین دیل گلنیی – یامچی لهجه‌سی

سویداشلاریمیزین دیل گلنیی-قاراداغ لهجه‌سی

سویداشلاریمیزین دیل گلنیی -گونئی دیل لهجه‌لری

خبر خطّی
 
Axar.az'da reklam Bağla
Reklam
Bize yazin Bağla