Axar.az
یوخاری
22 آپرئل 2019


نصرت کسمنلینین شعری - بهانه‌سیز گئت

آنا صحیفه ادبیات
12 Punto 14 Punto 16 Punto 18 Punto

کولت. آذ نصرت کسمنلینین «گئتمک ایستییرسن» شعرینی تقدیم ائدیر:

گئتمک ایستییرسن، بهانه‌سیز گئت،
اویاتما مورگولو خاطره‌لری.
سسین همین سس‌دیر، باخیشین اؤگئی،
گئدیرسن سسین ده یاد اولسون، باری.

سن دنیز قوینونا توللانمیش چیچک،
اوستونه دالغالار آتیلاجاقدیر.
ساختا محببتین ساختا سند تک
نه واخت‌سا اوستون‌ده توتولاجاقدیر.

دئمیرم، سن اوجا بیر داغسان، اییل
دئمیرم، قالیبدیر علاجیم سنه.
نه سنده محببت قارا پول دئییل،
نه من دیلنچییم، ال آچیم سنه.

دؤشنیب یوللار تک آیاقلارینا،
سنه یالواریممی؟ بو ممکون دئییل.
قویمارام قلبیمتک ووقاریم سینا،
آلچالیب یاشاماق عؤمور-گون دئییل.

گئتمک ایستییرسن، او یول، او دا سن،
بیر جوت گؤز باخاجاق آرخانجا سنین.
گئتدینمی، گئرییه دؤنمک ایستسن،
تیکانلی یاستیغا دؤنجک یئرین.

گئتمک ایستییرسن نه دانیش، نه دین
یوخ اول اوزاقلارتک دوماندا چنده
نییمی سئومیشدین دئیه بیلمدین
ایندیسه یوز عیب گؤرورسن منده

گئتمک ایستییرسن، بهانسیز گئت،
اویاتما مورگولو خاطره‌لری.
سسین همین سسدیر، باخیشین اؤگئی،
گئدیرسن سسین ده یاد اولسون، باری.

تاریخ
2017.07.02 / 16:59
مولف
Axar.az
شرح لر
دیگر خبرلر

گئجه‌لری چوخ گؤزه‌ل اولور یالنیزلیغین - شعیر

اللهی راضی سالماغین یولو... - مشهور یازیچینین حکایه‌سی

اؤلموشم مزاریم، سویوق بیر فصیل... - آرش احمدی

یویوناراق غوربتینی روژ لکه‌لی شافاقلارا...

عاشیق اوخو... - غلامرضا مجدفر

اؤلومله سونا چاتان حیات یاخشی یاشانمامیش حیات‌دیر... -حکایه

باکیره اوتاقلارین اوز توتدوغو آداملاردیسا تنهالیق- شعیر

گل قاداسی! سنین غزل پایین قالیر - شعیر

نیه اینانیرسانسا او دا آلیناجاق - حکایه

ويجدانينی پولا ساتان، نادانلار.. - شعیر

خبر خطّی
 
Axar.az'da reklam Bağla
Reklam
Bize yazin Bağla