Axar.az
یوخاری
18 اوکتیابر 2018


همیشه اولمایان شئیی ایستییرسن... - "گرک بئله اولمایایدی

آنا صحیفه ادبیات
12 Punto 14 Punto 16 Punto 18 Punto

کولت. آذ پوبلیسیست سوینج فداینین "گرک بئله اولمایایدی..." یازیسینی تقدیم ائدیر:

بیز رنگبرنگ دووشانلار تاپاریق، جورج.

- البته، قیرمیزی، یاشیل، ماوی.

(جون ایستینبک، «سیچانلار و آداملار»)

کیتابلا تانیشلیغیم‌دان بری ایلک دفعه بیر یازی‌چی بو قدر سوسدورموشدو منی. سانکی یازیچی اؤزو ده سوسوردو بو اثرینده، اما بیز نئجه‌سه اونونلا دیل تاپیب دئمک ایستدیکلرینی دویوردوق. سوسماق دا بیر دیلدیر، یقین کی. هردن هئچ کیمین بیلمدیی، آیاق باسمادیغی یئرلره گئتمک ایستییرسن ها، او یئرلرین دیلی...

هر سوسماغین دا اؤز هاواسی، اؤز آهنگی، اؤز موسیقی‌سی، اؤز سسی، اؤز نوتو، اؤز قامماسی وار. مثلاً مینور سسینده سوسماق. منیمکی ائلیدی. مینور هوزنلو سس بویالاری ایله سجییه‌لنیر و آککورد عمله گتیره‌ن موسیقی لادی‌دیر. بو یازدیقلاریم دا بیر آکورددو بلکه. دینلیین، خواهیش ائدیره‌م، دینلیین...

گؤرون اثرده‌کی بو ایکی دوستون نئجه گؤزل آرزولاری وار، گؤرون اونلار بیر-بیرینی نئجه سئویرلر. بیری هوشو کسرک، بیری هوشو کسمه‌یرک... یازیق جورج، یازیق لئننی.

***

«سیچانلار و آداملار» پووئستین‌ده‌کی اوبرازلار – بیر پارچا تورپاق هسرتی ایله یاشایان، بو هسرتله ده عؤمرونو باشا ووران کسلر، یازیچینین چوخ یاخین‌دان تانیدیغی، دردلرینه شریک اولدوغو اینسانلاردیر. سونرادان دونیادا بؤیوک شؤهرت قازانماسینا باخمایاراق، ائله بیل جون ایستینبک بو پووستده هئچ واخت اوندان آیری دوشمه‌ین اؤز دویغولارینی، اونون حیاتینین اونودولماز بیر پارچاسی سایدیغی همین گونلری یازیردی.

اثر کالیفورنییادا بؤیوک دپرسسییا واختی فحله کیمی ایشله‌یه‌ن ایکی اینسانین – جورج میلتون و لننی سمولون فاجیوی حیاتین‌دان، آرزو، گوناه، مرحمت آنلاییشلاریندان بحث ائدیر. او، بیر مدت کند تصروفاتی ایله مشغول اولان جون ایستیئنبئکین شخصی تجروبه‌سینه اساساً یازیلیب. پووستین آدی ایسه روبئرت بؤرنسون شعیریندن گؤتورولوب: "کوتانیمدان یوواسی خارابا قالمیش سیچانا..."

مؤلف اثرده اینسانین اؤز آرزوسونو حیاتا کئچیرمک چیرپینیشلارینی گؤستریر. جورجلا لئننینین آرزولارینین پوچ اولماسی ایسه مینلرله ساده اینسان قلبینه تأثیر گؤستریر. سیزجه، نیه؟ چونکی او مینلرله اینسانین دا آرزولاری پوچ اولموشدو. اما جورجلا لئننینین کی آرزولاری او قدر الچاتماز دئییلدی. اونلار نه ایستییردی کی؟

مثلاً، لننی دئییردی کی، من پاخلانی سووسنان خوشلاییرام، جورج.

جورج حسله‌نیردی، دئیینیردی:

– سووسوموز یوخدور دا. همیشه اولمایان شئیی ایستییرسن.

دئییردی، تک اولسام نه وار ای، باشیمی آشاغی سالیب ایشلیر، پولومو قازانار، کئفی‌می چکردیم. اما ایندی منیم نییم وار؟ تکجه سن‌سن! سندن ده نه فایدا، سنه گؤره سفیل-سرگردانام. هر دفعه سنه گؤره ایشیم-گوجوم الیم‌دن چیخیر.

هر دفعه، هر دفعه بئله اولوردو. اما او، بو روحی خسته دوستونو بوراخمیردی. جورج اونا گونونو قارا ائلدیینی دئینده لئننی هردن کوسوردو ده. دئییردی، ایستییرسن چیخیم گئدیم. داغلارا گئدیم. اؤزومه بیر ماغارا تاپیب تک-تنها یاشاییم. سووسلو یئمک ده نییمه لازیم؟ اما دوستو یئنه ده اونو چوخ ایستدیینی، اونونلا قالماق ایستدیینی دئییردی. یئنه بئله‌جه یاشاییردیلار. جورج اؤز آرزولارینین دالینجا قاچاندا لنینی آپاریردی، لئننی ده اونو...

– بیزیم بالاجا کولک دییرمانیمیز اولاجاق، همچینین، مئیوه باغیمیز، اوزوموموز، آلمامیز، آرمودوموز اولاجاق.

– بیزیم اؤزوموز اوچون ائویمیز اولاجاق. گونده اون بیر ساعت ایشلمیجییک، بئش-آلتی ساعت ایشلیریک، والسلام.

– بیزیم بالاجا یئریمیز اولاجاق، ائویمیز، باغیمیز، دووشانلاریمیز اوچون اوتاغیمیز اولاجاق، من ده همیشه اوتلاقدان دووشانلار اوچون اوت گتیره‌جه‌یه‌م.

– من خوشوما گلن شئیلری تومارلاماق ایستییرم. بیر دفعه اوزون توکو اولان دووشانلاری گؤرموشم، اونلار چوخ گؤزل ایدیلر. من تومارلاماغا بیر شئی تاپا بیلمه‌ینده سیچانلاری بئله تومارلاییرام.

اؤزلرینه ائو آلماق، آز ایشله‌مک، اؤزلری اؤزلرینین آغاسی اولماسی، تویوق-جوجه‌لری، دووشانلاری اولماسی اوچون گئجه-گوندوز ایشلدیکلری فرمادا اونلارین آرزولارینا، اونلارین – «بالاجا دیریباش و یئکپر مایماغین» بیر یئرده گزمه‌سینه گولوردولر. دئییردیلر کی، بوردا بو بوی‌دا آدام وار، اما اونلار تک گزیرلر، بورانی ترک ائد‌نده ده تک گئدیرلر. باشا دوشموردولر کی، اونلاری بیر-بیرینه باغلایان ندیر.

***

– بیز اؤزگه جورییک. ایندی اؤزوموزدن دانیش، جورج.

– هه، بیز تامام باشقاییق.

– چونکی...

– چونکی... منیمچون سن وارسان.

– سن ده منیمچون. همیشه بیر یئردییک. بیر-بیریمیزین قایغی‌سینا قالیریق.

ایکی دوستون سون صحبتی ایدی بو. سون دفعه آرزولارین‌دان دانیشمیش‌دیلار اوندا دا. بالاجا رانچولارینین، ائولرینین، اینکلرینین، دووشانلارینین اولاجاغیندان... جورج وورموش‌دو لئننینی. چونکی لنینین تومارلاماق عشقی باشینا بلا اولموش، فرما صاحبینین اوغلونون آروادینین ساچینی اوخشایاراق اؤلدورموشدو. جورج دا بدبخت دوستونو ایشگنجیله اؤلدورمه‌سینلر دئیه اؤزو وورموشدو اونو. لئننی اوندا دا هر شئی‌دن خبرسیز ایدی، سئوینج ایچینده گولوردو...

حتی لننی اؤلندن سونرا دا فیکیرلشیردیلر کی، گؤره‌سن، بو ایکی‌سینی بیر-بیرینه چکن ندیر. هئچ نه باشا دوشموردولر...

منسه اوندا ایچیمده دئییردیم: «آخماق لننی، محو ائلدین هر شئیی. نیه سیچانلاری، نیه یومشاق شیلری اوخشاماغی او قدر چوخ سئویردین آخی؟ گئدیب داشی، تورپاغی اوخشایایدین، اؤلمه‌ین شئیلری... بو سئوگین اؤلدوردو سنی. آخ، لئننی، آخماق لئننی...»

اما لئننی‌ده ده گوناه یوخ ایدی، او چالیشمیشدی، چوخ چالیشمیشدی. همیشه. ساده‌جه بئله اولمالییدی. مینلرله اینسانین آرزولاری پوچ اولدوغو کیمی...

آرزولارین پوچ اولماسی منی هئچ واخت اینجیتمه‌ییب. اما جورجلا لئننینین تالئیی گرک بئله اولمایای‌دی. سیچانلار ائلدی، سیچانلار...

سئوینج فدای

تاریخ
2018.06.13 / 16:18
مولف
آیتاج آراز
شرح لر
دیگر خبرلر

اونودوب تورانی ایگید اَرَنلر، آلیشیب ایرانا "فاذری" دوْغور! - ساسانیان

بئله بیر دیلین اولماسینی اوغرولارا بورجلویوق - ایبراهیم رشیدی

«روس حکیملری» مسلمان حکیملر‌دن آرتیق تحصیل گؤرموشدولر- حکایه

گولوش‌لری حسرت قویورام دوداق‌لاریما - عبادی

ایشله‌ینلرین چوْخو قادیْن ایدی - فرخ جرایدی

پارچالارینی بیر-بیرینه تاخاندا، اونون اوره یی توتولاردی - پورناصح

داریخدیم، گؤزلرینی یوموب گولومسه‌مه‌سینه - شعر

ایللر دیر یاشام ایشیغینی گوزله‌ییریک...

یاغیشی باغرینا باسان گونلرین - یوسف جوادی

قارا کؤلگه‌لر - رحیم خیاوی

خبر خطّی
 
Axar.az'da reklam Bağla
Reklam
Bize yazin Bağla