Axar.az
یوخاری


دیسکیندی مئشه بالتالارین دامغا سسیندن

آنا صحیفه ادبیات
12 Punto 14 Punto 16 Punto 18 Punto

کولت.آذ یعقوب نیکزاد-ین شعرینی تقدیم ائدیر:

دیسکیندی مئشه بالتالارین دامغا سسیندن
چیرپیندی اوچا باشقالارین آرخا سسیندن

قان قوسدو قیلینج امجه یی، قالخان دؤشو، قامچی
ات دوغدو، بو واوئیلالارین چیلخا سسیندن

سؤیکندی پیچاق- دهره آغاج قوینونا گیزلین
دوغراندی اومود، قوشمالارین فورما سسیندن

چووغون بورویوب گیردی تاپیلمازلیغا وارلیق
دوشدوک تورا آغ دورنالارین قووخا سسیندن

سس سیز سورونوب اویدو قارانلیقلارا کؤلگه
پیرتلاشدی باخیش آینالارین ساختا سسیندن

بیر سیخما اورک، کئفلی لره پای- بؤلوش اولدو
بوشلوقدا دولان بایدالارین داملا سسیندن

اوخلاندی سسیم، گؤزلریمه قوندو قارانلیق
جومدوم یوخویا لایلالارین چولپا سسیندن

یایدان چیخان اوخلار کیمی اود کؤکسونه آخدیم
قالدیم قانا قوندارمالارین فیشقا سسیندن

آرمود ساپاغیندان آسیلی قالدی اورک لر
دارتیندی حیات لامپالارین قیسسا سسیندن

چیرپیلدی قاپی، پئنجره لر یئل دونو گئیدی
خینجیلدی کوچه جیندالارین دوغما سسیندن

میخلاندی دیلک، ایسته ییمیز قالدی ییخینتی
گلدیک جانا باشخانتالارین دانقا سسیندن

یاندیقجا سویوقلیق سوبادا، سولدو یاشیللیق
گئتدیک گودازا داخمالارین شاختا سسیندن

عشقین اوزونه داش یامانیر ترسه هوس دن
داغلاردا قوپان قازمالارین سئودا سسیندن

قالمیشدی سئوینجیم نئچه ایل دیلسیز آغیزسیز
آچدیم، توخودوم سیرغالارین سیسقا سسیندن

بیر دسته ایپک دردیم آزادلیق بوداغیندان
دویدوم سو سسین خالچالارین دالغا سسیندن

بیردن کی شوون قوپدو، قارا گئیدی یاشاملار
گؤز سینسیدی بو یازمالارین پوزما سسیندن
معلم‌شدن قبل از شاگردی‌کردن | ایواز طاها

تاریخ
2019.01.11 / 16:37
مولف
آیتاج آراز
شرح لر
دیگر خبرلر

شعیر-گؤیدن محبت یاغار، بایرام آخشاملارین‌دا…- ویدئو

گونئی ادبی دوشونجه یولونون یولچوسو کویولو سعید نجار

یاریمچیق قالدی ایچیمیز - شعیر

غزل - سنی زمانه یئتیرمز دوباره، بیر دنه‌سه‌ن- ویدئو

دیدیلیب، ییرتیلیب باخیشلاریمیز، نه بو سن او سنسن، نه بو من او من...

آلا قارغا ایله قارا قارغا دوست اولا بیلرمی؟ - حکایه

بیر بالتا سسی وار شعریمده منیم... - شعر

ایلاهی رحمت، توکول و صبر ... - حکایه

یاد ائل‌لی‌لر جان آتدیلار وارلیغیمی‌دانماغا... - مرادعلی قریشی

تبریزین نه یینه بایرام یاراشیر

خبر خطّی
 
Axar.az'da reklam Bağla
Reklam
Bize yazin Bağla