Axar.az
یوخاری
22 یانوار 2019


دان مورفی-حکایه

آنا صحیفه ادبیات
12 Punto 14 Punto 16 Punto 18 Punto

کولت آذ مارک توئین-ین یازیسینی رضا حسینی مرند-ین چئویرمه‌سیله تقدیم ائدیر:

«بو ایللر سوره‌سینده، منی ایلگیلندیرن اَن اوزونتولو احوالاتلاردان بیری ساواش دؤنمینده "کورنینق" شهرین‌ده باش وئرمیشیدی» - بونو دئیه‌ن بانک یازمانی سؤزه باشلادی.

دان مورفی آدلی بیر گنج، کؤنوللو اولاراق اوردو سیرالارینا یازیلیب، بؤیوک ایگیدلیکله ووروشموشدو. بوتون یولداشلاری اونو چوخ سئویردی. ائله بونا گؤره ده، آلدیغی یارا اونو اَلد‌ن سالاندا، توفنگ‌ده اونون اوچون آغیر بیر یوک اولاندا، سیلاحداشلاری سؤزو بیر یئره قویاراق، اونا اوردودا ساتیجی کیمی ایشله‌مه‌یی اؤنری وئردیلر. پول قازانماغا باشلایان دان، پوللاری توپلاییب حایات یولداشینا گؤنده‌رردی. حایات یولداشی بو ایللر سوره‌سینده پالتار یویوب-اوتوله‌مکله باشینی دولاندیریردی. قازاندیغی آغیر دنک(تجربه) اونا پولو نئجه ساخلاماغی چوخ یاخچی اؤیرتمیشدی. تومنین‌ده بئله قدرینی بیلیردی. آنجاق هر جور چتین‌لیک گؤرموش بو قادین، بانک حسابی آرتدیقجا داها دا قیتمیرلاشیردی. یازیق قادین زنگین حایاتا هئچ تهر اؤیره‌نه بیلمیردی. بو دونیادا، آجلیغین، سویوغون، یاردیمسیزلیغین، پول‌سوزلوغون نه اولدوغونو چوخ یاخچی بیلدیییندن، یئنیدن او گونلرین گئری دؤنجه‌یی قورخوسو اونا دینجلیک وئرمیردی.

آنجاق سونوندا "دان" اؤلدو. سیلاحداشلاری اونون کیمی بیر یازیغین قایدا اوزره بیر چوخورا آتیلاجاغینی، سونرا ایسه هئچ نه اولمامیش کیمی چئوره‌ده‌کیلر اونون باشینا گلنله‌رین ناغیل ائدیله‌جه‌یینی بیلدیکلریندن، اونا درین سایغیلارینی گؤسترمک اوچون، اونون حایات یولداشی خانیم مورفییه تلگراف ووراراق، یولداشینین مومیالانیب ائوه گؤندریلمه‌سینه ایذین ایسته‌دیلر. خانیم مورفی جسدین مومییالانماسینا اوست-اوسته ایکی-اوچ دولار اؤده‌مه‌سینی دوشونوب، اونایلادی. مومییالانما فیشی‌ایسه دول‌قادینا یالنیز "اویاق قالما" تؤره‌نینده گلیب چاتدی. ائله هر شئی‌ده بوندان سونرا باشلادی. فیشی گؤره‌ن قادین هر کسین اوره‌یینی پارچالایان، آجی، کدرلی بیر آغی دئیه‌رک اینله‌مه‌یه باشلادی: «"دانی"نی باسدیرماق اوچون یئتمیش بئش دولار! من ده ائله بیلیردیم موزئیه قویاجاقلار، یوخسا هئچ واخت بئله بیر ایشه باش قوشوب، بو قدر خرج چکمزدیم!»

بو گؤرونوشه تانیقلیق ائدن بانک یازمانی، بو سؤزلردن سونرا ائوده هامی گؤز یاشی تؤکودویونو سؤیله‌ییردی.

تاریخ
2019.01.13 / 14:13
مولف
آیتاج آراز
شرح لر
دیگر خبرلر

آذربایجاندا "نسیمی ایلی" ایله علاقه‌دار گنج شاعیرین تکلیفی

بوینو قانداللی، ایاغ کونده لی، دیل باغلی قیفیل

سنین اوچون کوچه-کوچه داریخان قادین ایدیم - شعیر

سسیندن بیر قوجاق پای گؤندر گولوم ...

محو ائدیلمیش اویون‌جاقلار... - موسا قولوزاده - حکایه

منه بیر «جمدک» اؤرتویو یئتر…

فارسلارا، روس لارا، ارمنی دیغالارینا...-شعیر

آغلادیق یامان - شعیر

قوُرلانیب وارلیقیم،اودلانیب ایچیم

غادة السمان بیوقرافی سی

خبر خطّی
 
Axar.az'da reklam Bağla
Reklam
Bize yazin Bağla