Axar.az
یوخاری
18 فئورال 2019


سون مکتوب – سون اومیددی، روحوم منیم- شعیر

آنا صحیفه ادبیات
12 Punto 14 Punto 16 Punto 18 Punto

Kult.az روستم بهرودینین حبسخانالاردا یاتان گوناهسیز قهرمانلارا حصر ائتدیی "قارا کؤلگه" آدلی شعیرینی تقدیم ائدیر:

بیر قارا کؤلگه گزیر

– اورییم‌ده عکس-صدا وئریر آددیملارینین سسی.

بیر قارا کؤلگه گزیر -بارماقلیغین کؤلگه‌سی…

بو قارا کؤلگه هوپور آرزولاریمیزا،

چیخیب کامرالاردان دوشور اومیدلریمیزین اوستونه.

بیر زهرلی ایلان کیمی سورونه-سورونه حبسخانا دیوارلارینی آشیب گزیر.

ایچیمیزده گؤمولموش

سؤزلرین اوستوندن کئچیب

شهر-شهر، کوچه-کوچه، ائو-ائو دولاشیب گزیر…

سئوگیلر، اومیدلر-آیریلیق، حسرت،

آغاجلار، یارپاقلار، چیچکلر، اوتلار،

کؤله‌لیک قوخویان سؤزلر، نغمه‌لر،

اوچولان اوجاقلار، کول آلت‌دا اودلار،

ایلاهی، هر بیر شئی بو کؤلگه آلتدا…

شهرلر، کوچه‌لر، ائولر کؤلگه‌ده،

یوز ایلدیر ظولمت‌ده یئییب صبرینی

گؤزله‌یه‌ن عزابکئش دئولر کؤلگه‌ده.

بو کؤلگه آلتین‌دا گؤرونمور هئچ نه

گؤرونمور قورولان دار آغاجلاری،

گؤرونمور بو میللت، یارالی اؤلکه

تیلسیم‌ده نه جوره جان وئریر سوسوز.

گؤرونمور خیانت، یالان گؤرونمور،

گؤرونمور نه جوره اؤلور، روحوموز.

بیر قارا کؤلگه گزیر؛

بو قارا کؤلگه – اؤلن اومید، دوغمایاجاق گونش، سؤکولمه‌یه‌جک دان.

بو قارا کؤلگه دوشور شهیدلریمیزین اوستونه،

قارا بایراغا چئوریلیب آسیلیر قاپیدان، دیواردان، آسیلیر روحوموزدان.

بو قارا کؤلگه‌دن دوغولان قارا بایراقلارین آلتیندا قارا گونلر یاشاییریق، دوستلار!

گونلر یاشاییریق- قاپقارا.

بو قیش نه اوزون چکدی،

نه اوزون چکدی بو قیش؟

باهارا چوخمو قالیر،چوخمو قالیر باهارا؟!

روحوم منیم،

بو مکتوب سونونجودو، سونونجودو بلکه…

سون مکتوب – سون اومیددی، روحوم منیم!

سون اومید – سونرا کؤلگه…

سون دؤیوشدن اؤزگه هئچ نیه یوخدور آندیم.

بو کؤلگه‌دن اول

صاباحلارین آیدینلیغینا،

گئجه‌لرین ظولمتینه،

دردلریمیزین بؤیوکلویونه

روحوموزون اؤلمزلیینه،

بیر ده سنه ایناندیم.

اینانیب دا چاغیردیم:

– سون دؤیوش، هارداسان؟! واختدی، واختدی، گل… گل… گه…

بیزی کور ائیلدی بو قارا کؤلگه.

تاریخ
2019.02.11 / 21:03
مولف
آینورا مممدووا
شرح لر
دیگر خبرلر

بیز سانیردیق آپ آل عوصیان چیخاجاق قارشیمیزا... - گونئی‌لی شاعر

"ان قیمت‌لی شئی"

قارانليق چکيلير، ياخشيني پيسدن... - گونئی‌لی شاعر

ائشیدیرسن عصیان بوغازیمی... - رقیه کبیری

حکایه‌ - یئددی یاشیمدا، عشقین معناسین مشق دفتریمه یازدیم…

چالخالانیر چیرکین لیکده آرزولاریم ..- شعیر

سس آتين! بلكه بو سس بيرليگی گلسین بو کارا

بیلینج آلتیم‌لا شعوروم لال اولموشدولار - حکایه‌

پاییز اوره‌ییندن شراب چک یوخلوغومو ایچمه‌یه... - شئیر

اللریمده میشیل – میشیل یانیر وینیستونوم... - گونئی‌لی شاعر

خبر خطّی
 
Axar.az'da reklam Bağla
Reklam
Bize yazin Bağla