Axar.az
یوخاری
26 اییون 2019


هله‌ وارام، دالیمجا سوروندوکجه بو کؤلگم- شعیر

آنا صحیفه ادبیات
12 Punto 14 Punto 16 Punto 18 Punto

kult.az هاشیم ترلانین "من و آنا دیلیم" آدلی شعیرینی تقدیم ائدیر:

گئجه‌لریم گوندوزه جالاندیقجا تالاندیم ،

سکسن ایللیک بیرعؤمرون اوجاغیندا قالاندیم.

ساحیلده‌یم ، یول اوسته لپه‌لریم هجومدا.

دایانمیشام داغ کیمی ، حیران قالیب هجومدا.

تکلنمیشم سئیره‌لیب هم یاشلاریم اجلدن ،

کؤورلمیشم ، باخ بودور افکاریمی گیجلدن.

یاشیم اوسته یاش ‌گلیب قالاسادا غمیم کم ،

هله‌ وارام، دالیمجا سوروندوکجه بو کؤلگم.

بو گلیملی – گئدیملی ، دونیامیزدا نه وار کی .

نسیل‌لر گلیب ، گئدیر ، نه آخری ، نه ایلکی .

سن عؤمرونو یاشینلا اؤلچوب بیچمه آماندیر ،

گنج یاشیمدا قوجالدیم - سئویله‌مه‌یین گوماندیر.

سارما‌شیقلار دایاقسیز ، بوی آتسادا اوجالماز ،

گنجلییی قوجالیقدا آختارانلار قوجالماز.

فلکدنمی گؤروم من طالعیمین رنگینی ،

ندیر حؤکمو دانماغین بیر دیلین آهنگینی ؟

یوخ ! فلکدن دئییل بو ، فیرلانسادا ترسینه

دامغا‌لاندیق توش اولدوق دار گؤزلرین ایرثینه.

منیم دیلیم ، شوخ دیلیم ، شعری دوزلو ، سؤزو تر ،

فضو‌لی‌نین حیکمتی شاهنامه‌نی تیتره‌در.

اؤز دیلیمدیر عرش‌ده اولدوز‌لاری دیندیرن ،

دار گؤزلری حسادت یهریندن ائندیرن .

دیلیمیزین طالعین اویونجاقمی سانیرسان ؟

اؤزونون ناحقلی‌یین منه حقمی سانیرسان ؟

ای منه منلی‌ییمدن یاخین اولان حال دیلیم ،

بیر گون گلر آخارسان دوداقلاردان بال دیلیم .

تاریخ
2019.02.12 / 18:12
مولف
آینورا مممدووا
شرح لر
دیگر خبرلر

یا گره‌ک بیز جوانلاشاق، یاداکی...-حکایه‌

بو دولانباج کوچه‌لردن باخاسان، بايدا جوجرمير نييه بس؟ - شعر

مین سطیر باخیش یازیلیر گؤزلریمه - شعیر

سیخیلما، قونماغینا بیر اوره‌ک وطن گؤرونور- شعیر

من سنه نه یازیم ،صمد؟ - سهند

هر هارا باخیرام سنی گؤرورم - شعیر

من یاتاغین ایکینجی مرتبه‌سینده یاتانمارام. یئریمی ده‌ییشین

سؤندورولموش اوجاغین دا یادداشی وار- شئیر

گاندی هندوستانین اؤزگۆرلۆک باشچیسی نئجه‌ده گؤزل یازمیش حیات یولداشینا

سالمادی سئوگی منه سایه بو عالمده - شئیر

خبر خطّی
 
Axar.az'da reklam Bağla
Reklam
Bize yazin Bağla