Axar.az
یوخاری
23 فئورال 2019


کیم نه بیلیر؟ - گونئی‌لی شاعر

آنا صحیفه ادبیات
12 Punto 14 Punto 16 Punto 18 Punto

Kult.az گونئی آذربایجان‌لی شاعر ائلتاش صالحینین "کیم نه بیلیر؟" آدلی شعرینی تقدیم ائدیر:

آچیرام قوللاریمی

آغ گؤیرچین‌لر اوچور سینه‌مدن،

یارالی بیر سئرچه‌نین حوزونو

گلیب اوتورور یئرینه

یارالی بیر سئرچه‌نین حوزونون کیم آنلایا بیلیر کی؟

کیم نه بیلیر

یالنیز بیر گؤیرچینین داریخماسینی غریب بیر آخشامدا؟

آچیرام قوللاریمی

اورگیمین گیزلی یئرینده

بیر اوشاق اوچان گؤیرچین‌لرین لَلَک‌لرین ییغیب

شعر کیتابینین آراسیندا ساخلار؛

گئجه‌نی بیر دوشونون جانیم

گئجه اولونجا

آغ گؤیرچین‌لر یولوندان آزیرمیش،

آزغین گؤیرچین‌لرین قورخوسونو کیم نه بیلیر؟

کیم یاتاقداکی آزغین قوخولاردان یالنیز اینسانلار قدر آنلار؟

قوللاریمی‌آچدیغیمدا

ایچیمده کی بوتون اؤکسوز اوشاقلار سنین آدینی چیغیریر

آدین گئجه‌دن قالان دوشمز بیر قالا؛

سویوق بیر گئجه‌ده

بوراخیلمیش بیر کندین یولوندا تک بیر آغاجی دوشون

باهار گلدیگینده بزنه‌جک کیمسه‌سی اولمایان بیر آغاج

بوتون جیسارتینی توپلاییب دؤن دئسه

دؤن سؤزجوگونه سیغینارمی‌اینسانلار؟

بوراخیلمیش بیر کندین یولوندا تک بیر آغاجی دوشون

من

او آغاجین داریخماسیندایام.

آغاجلارین اورگی کؤتوک‌لرینده‌ایمیش

باخ اورک‌لرینی توپراغا گؤمموش‌لر

دوغوش موسومونو ان یاخجی بیلن

بیر آغاجدیر شاعیر

بلکی ده

بوداغیندان کؤچن قوشلارین قاییتماسینا
چیچکله‌نن بیر آغاجدیر شاعیر
آچیرام قوللاریمی
یارالی بیر سئرچه‌نین حوزونو گلیب اوتورور سینه‌مه.

تاریخ
2019.02.14 / 11:52
مولف
آیتاج آراز
شرح لر
دیگر خبرلر

یا من، یا سن، یا دا بیز ...- شعیر

....حکایه‌ - ایتین گؤزل‌لییندن، اینجه سسینین قولاق اینجیتمه‌مزلییندن

كاش اولايدی سیّدا پنهان سؤزوم افغان آرا - قزل

هر کسین جیبریلی کندی قلبی‌دیر، ویجدانی‌دیر - شعیر

شعیر - آرزولار يول-يولا، بايرام گونو صوپ ۹ دا

...شعر - شهریار داردا قالیب، داغدا داشا دالدالانیب

گوندوزلرین آلاتورانلیغی ایله، گئجه‌لرین قارانقولوغو...

حمید هریس‌چی‌دن: "شمس تبریزینین شعیری"

آختاریش - حکایه

دوداغیندان آخان نغمه‌لرله بزندیم... - گونئی‌لی شاعر

خبر خطّی
 
Axar.az'da reklam Bağla
Reklam
Bize yazin Bağla