Axar.az
یوخاری


تورکون دیلی تک سئوگیلی ایسته کلی دیل اولماز - شئیر

آنا صحیفه ادبیات
12 Punto 14 Punto 16 Punto 18 Punto

Kult.az محمد حسین شهریارین "تورکون دیلی" آدلی شعیرینی تقدیم ائدیر:

تورکون دیلی تک سئوگیلی ایسته کلی دیل اولماز

اؤزگه دیله قاتسان بو اصیل دیل اصیل اولماز

اؤز شعرینی فارسا – عربه قاتماسا شاعیر

شعری اوخویانلار ، ائشیدنلر کسیل اولماز

فارس شاعری چوخ سؤزلرینی بیزدن آپارمیش

« صابیر » کیمی بیر سفره لی شاعیر پخیل اولماز

تورکون مثلی ، فولکلوری دونیادا تک دیر

خان یورقانی ، کند ایچره مثل دیر ، میتیل اولماز

آذر قوشونو ، قیصر رومی اسیر ائتمیش

کسری سؤزودور بیر بئله تاریخ ناغیل اولماز

پیشمیش کیمی شعرین ده گرک داد دوزو اولسون

کند اهلی بیلرلر کی دوشابسیز خشیل اولماز

سؤزلرده جواهیر کیمی دیر ، اصلی بدلدن

تشخیص وئره ن اولسا بو قدیر زیر – زیبیل اولماز

شاعیر اولابیلمزسن ، آنان دوغماسا شاعیر

مس سن ، آبالام ، هر ساری کؤینک قیزیل اولماز

چوخ قیسسا بوی اولسان اولیسان جن کیمی شئیطان

چوق دا اوزون اولما ، کی اوزوندا عاغیل اولماز

مندن ده نه ظالیم چیخار ، اوغلوم ، نه قیصاص چی

بیر دفعه بونی قان کی ایپکدن قزیل اولماز

آزاد قوی اوغول عشقی طبیعتده بولونسون

داغ – داشدا دوغولموش ده لی جیران حمیل اولماز

انسان اودی دوتسون بو ذلیل خلقین الیندن

الله هی سئوه رسن ، بئله انسان ذلیل اولماز

چوق دا کی سرابین سویی وار یاغ – بالی واردیر

باش عرشه ده چاتدیرسا ، سراب اردبیل اولماز

ملت غمی اولسا ، بو جوجوقلار چؤپه دؤنمه ز

اربابلاریمیزدان دا قارینلار طبیل اولماز

دوز واختا دولار تاختا – طاباق ادویه ایله

اونداکی ننه م سانجیلانار زنجفیل اولماز

بو « شهریار » ین طبعی کیمی چیممه لی چشمه

کوثر اولا بیلسه دئمیرم ، سلسبیل اولماز

تاریخ
2019.03.15 / 21:41
مولف
آینوره مممدووا
شرح لر
دیگر خبرلر

معشوقون آیاغی هارایا دَئیسه، اوراسی عاشیقه وطن کیمی دیر...

آچ وئر یئله هؤروکلرینین زنجیرین گولوم - شعیر

ساچلاری، اوره‌ک اوسته سردیم- شعیر

سنسیزلیگه دؤزمک نه سایاق ممکن اولارمیش - شئیر

قورتولوشا محتاج گلدیم قاپینا - شعیر

قوزئی‌ده «تبریز!» دئیه اینله‌یه‌ن شاعرلرین کیتابلارینی گیزلیجه....-حکایه‌

یاتمیش هامی، بیر الله اویاق‌دیر، داها بیر من - شعیر

ساراجلیلاری سوجیلی، ماهروزلو، جفرآباد جامااتی ایله بیرلیک‌ده - حکایه‌

عشقدن جانیمدا بیر پنهان مرض وار ای حکیم... - محمد فضولی

اللریم قفسده گؤيو داريخان قوش... - شعر

خبر خطّی
 
Axar.az'da reklam Bağla
Reklam
Bize yazin Bağla