Axar.az
یوخاری
18 آپرئل 2019


بس سن هارداسان، آ ظالم قیزی؟ - شعیر

آنا صحیفه ادبیات
12 Punto 14 Punto 16 Punto 18 Punto

Kult.az موسی یعقوبون "نه دئییم..." آدلی شعیرینی تقدیم ائدیر:

دئیه‌سه‌ن، روحوم‌دا بدن ده قالمیر،

روحوم، تلس گؤروم، اورییم، تلس!

ائوده تک آدامیم گؤزلییر منی...

بیر ده آلوولان‌دیر چیراقلاریمی،

ایلاهی، سن منی اؤزومه قایتار،

اؤزومونکو ائله آیاقلاریمی.

آیاغیم، دایاغیم یوبانما، گؤروم؛

دوروب آرتیرمادا بوینو بوکولو،

اوجاغیم سؤنسه ده، یاندیریر کولو.

کولو یاندیریرسا، اؤزو هاردادیر؟

اگر سؤز وئریبسه، اؤزو هاردادیر؟..

علی ساهماندادی، گؤزو کئشیکده.

گؤزونون خوماری گؤزلییر منی،

الینین توماری گؤزلییر منی.

من ایسه همیشه پینتینین بیری،

یقین، پالتاریمی سالیر ساهمانا،

کئچیم یان اوتاغا، گؤروم اوردادیر؟..

یوخ‌دور... یوخ‌دور... بوردا دا یوخ‌دور...

منی گئجیکمییم قویوبدور ناچار-

دایان... دایان...

قاپی‌سی آچیقدیر، اوستونده آچار-

قوی گیریم ایچری...

بس سن هارداسان، آ ظالم قیزی؟..

- بای... سن گلمیسه‌ن؟

دئیه‌سه‌ن، سنین ده گؤزلرین قیزیب،

منی گؤرمورسنمی آرخین سویون‌دا؟

- هه دوغرودان... سن الله، باغیشلا منی.

- توت منی، توت منی آخیب گئدیرم،

بیر آنلیق دونیایا باخیب گئدیرم.

قالدیر کؤرپویه، یاپیش علیم‌دن،

خوش سؤزلر ائشیدیم سنین دیلیندن.

بس هانی اللرین؟.. برک یاپیش گؤروم!

بو سنین اللرین تانیش دئییلدیر.

بو چینار یارپاغی، بو جؤکه یارپاغی،

بو توت یارپاغیدیر، توت دئییرم، توت!

- او اللر، او گؤزلر هاردادیر الله؟..

هر یئری آختاردیم تاپا بیلمدیم،

بلکه ده، داریخیب قونشویا کئچیب.

- هئچ واختی وارمی کی، قونشویا کئچ‌سین.

... اسمر خالا، آی اسمر خالا،

- ندی؟ آی بالا!

- سن الله، اونو گؤرمه‌می‌سنمی؟..

- بو گون کیم ایسه دی‌دی گؤزومه.

دئیه‌سه‌ن، او ایدی نه دئییم واللاه...

بیر ضرر آسیلمیشدی اینجه تئلیندن،

ساچی خومار ایدی، سبا یئلین‌دن.

اما کدرلیدی یامان دریندن -

آلمیشدی اوزونو قارا بولودلار،

دریانین سولاری گؤزونده ایدی.

دونیانین کدری اوزونده ایدی... -

دئدی: من گئدیرم گئدر-گلمزه.

اوندان موغایات اول، قوربانین اولوم.

بئله بیتیر عؤمور یولوم..

نئجه؟ نئجه، یعنی کی، بیر ده دؤنمره‌م؟..

- اسمر خالا! سمتینی ده، من گئدیرم.

- ای... آی بالا هئچ او یولون سمتی یوخدور.

اولی یوخ، آخیری یوخ...

میلیون-میلیون جیغیری وار.

بلکه، مین-مین یوللاری وار.

بو یوللاردان قوللاری وار.

سن بو یولون اولینه دؤنسه‌ن اگر،

اوردا تکسه‌ن اوجاقلارین سؤنوب گئتمیش،

آداملارین دؤنوب گئتمیش.

من ده سؤز یوکومون آلتیندا قالدیم،

تاپمادیم شعیرین مهوربندینی.

منیم اوزیمه، منیم شعیریمه،

مونیری مهوربند یازیب یئریمه.

"گلن بیردیر، گئدن بیر بیردیر، قالان بیر.

گئدن گلمز، گلن قالماز، عجب سیرر.

بیر اول وار، بیر آخیر وار دئییبلر.

یالان سؤزدو، نه اول وار، نه آخیر".

تاریخ
2019.04.09 / 22:19
مولف
آینورا مممدووا
شرح لر
دیگر خبرلر

باکی‌دا دوغولوب تبریزه کؤچه‌ن وطنپرور شاعر

یالان- یانلیش یازسین قیسیر تقویم لر- شئیر

منجه یاغیش بولودلاردان یوخ، اولدوزلاردان یاغیر- حیکایه

...تبریزیم سن منیم اللریم یئتیشمیه جه یی قدر اوجاسان

من او قیزین داریخماسی یام - شعیر

تک بیزه عشقیمیز یاندی - شعیر

کیمسه سالامیما "علیکیم" دئمیر- شعیر

بلکه دونیا اوچون، بو – هئچ نه دئییل - شعیر

بیر دویو دنه‌سی اوچون بو قدر یورولماغا دیر؟ - حکایه

دیکسیندیرسه قوزغون سسی، های هالایی... - شعر

خبر خطّی
 
Axar.az'da reklam Bağla
Reklam
Bize yazin Bağla