Axar.az
یوخاری
20 اییون 2019


فقط، اوشاقلارین گؤیه بوراخدیغی چرپلنگ...- شعیر

آنا صحیفه ادبیات
12 Punto 14 Punto 16 Punto 18 Punto

Kult.az حمید هریسچینین «شمس تبریزینین شعیری» آدلی شعیرینی تقدیم ائدیر.

آغلاماغا گلینجه…

بیرینجی همیشه اینسان آغلاییر،

سونرا یاغیشلار، بولاقلار…

آغلاماغا گلینجه،

بیرینجی همیشه اینسان آغلاییر،

سونرا بوتون یئرده قالانلار…..

سونرا، آنجاق سونرا

بوتون یاغیشلار

ایلدیریم خط کئشیله

گؤیلرین اؤلچوسونو حسابلایار…

یئدییمیز چؤرکلر نئجه ده دادسیزدی…

اونلارین دادینی آنجاق

زین‌دانا گؤندریله‌ن چؤرکلرین ایچین‌ده‌کی

گیزلی مکتوبلار آرتیرار….

اوردا شیکسته ختتیله

منیم حیکمتلریم یازیلار…

گؤی اوزو ده یئر اوزودو،

آنجاق اوردا تورپاق یوخ‌دو،

بو جاهان‌دا نه وارسا

او هم وار، هم ده یوخ‌دو…

بوتون سئوگیلر بیتیر،

آنجاق سئوگیلرین سونون‌دا

نقطه یوخ‌دو،

اوشاقلار آغلارسا، آغلاسین

اونلارین گؤزون‌ده سو وار،

گؤز یاشی هله کی یوخ‌دو….

اؤلوم، بیزیم سؤزلری تلفظ ائتسه،

اونلارین ترکیبین‌دن

بیر سایت، سامیت سس دوشه‌جک،

اینسان دا باخ بئله اؤل‌جک،

فقط، اوشاقلارین گؤیه بوراخدیغی چرپلنگ

اؤز ایپینی قیرماسا،

گئرچک چرپلنگ اولا بیلمه‌یه‌جک…

جلال الدین، بو ایشی گؤره‌ن کولک

غم ترزیسینین چکی داشلارینی دا

یئریندن ترپه‌ده‌جک.

هر نه وار ایدی،

او سنه یار ایدی،

قاپی دا دیوار ایدی،

خانه یی – حیکمته

شمسین نورو گلمیینجه….

جلالددین، من سئوگیلی‌می یوخ،

سئوگینی سئویرم،

سیز گئدیرسیز، من یول گئدیرم،

پنجره‌لری ائینک تک تاخمیش ائولرده

جهانین کور اولدوغونو سئزیرم….

من،

من،

من…

تاریخ
2019.04.10 / 19:09
مولف
آینورا مممدووا
شرح لر
دیگر خبرلر

ماوی‌لیینی اؤده‌یه بیلمم آی باشیندا سئوگیلیم! - شعیر

....قوش‌لارلا برابر، گؤيده دالغالانيب گؤنئي‌يه ساري

سئوگیلی توستولر اوُپوشور- شعیر

دئديم:_قاچما گؤزل قوزوم... - اوشاق ادبیاتی

قیزیل ساچلار اوزونه ده ییب اونو قیدیقلاییردی - حیکایه

قاتیرام عومرومون من آیین- ایلین... - شعر

قبریمین اوستونه دوزمه یین اوچون، بیر نئچه نیسگیل‌لی قره‌نفیل کیمی...

ائله جه ائييتيم دوزه نى ايله ياناشى يارديم بيتيك لر قوللانماغينى ياساقلادى

غوربت اوره ک سیخیار جان اوزر اینان - شعیر

چالارلارین دؤیوشون‌دن کوسوب خیال ساراییم-شئیر

خبر خطّی
 
Axar.az'da reklam Bağla
Reklam
Bize yazin Bağla