Axar.az
یوخاری
23 آپرئل 2019


اصل قورخونو کشف ائتمک... - مشهور یازیچینین حکایه‌سی

آنا صحیفه ادبیات
12 Punto 14 Punto 16 Punto 18 Punto

پاولو کوئلهو ایگیرمی ایلده‌ن آرتیق‌دیر کی، دونیا ادبیاتینین ان مشهور سیمالارین‌دان ساییلیر: کیتابلاری میلیون نوسخه‌لرله ساتیلیر، اثرلری اونلارجا دیله چئوریلیب.

Kult.az تانینمیش یازیچینین "اصل قورخونو کشف ائتمک" آدلی حکایه‌سینی تقدیم ائدیر:

بیر سلطان سارای اهلیله بیرگه دنیز سیاهتینه چیخماغی قرارا آلیر. بئله‌لیکله، اونلار گمییه مینیب آچیق دنیزه چیخدیلار.

گمی ساحل‌دن آرالانان کیمی هئچ واخت دنیز سیاحتین‌ده اولمایان، حیاتینین چوخ حیصه‌سینی داغلاردا کئچیرمیش سارای آداملارین‌دان بیری قورخوسونو گیزله‌ده بیلمه‌ییب، هامینی ناراحات ائتدی.

همین کیشی گمینین آنبارین‌دا اوتوروب ائله هئی قیشقیریر، یئییب-ایچمک‌دن ایمتینا ائدیر، یاتمیردی. هر کس اونو ساکیتلشدیرمه‌یه جهد ائدیر، اونا باشا سالماغا چالیشیردیلار کی، هر شئی اونون دوشوندویو کیمی تهلوکه‌لی دئییل. او ایسه اونلارین سؤزونو ائشیتسه ده وضعیتین‌ده هئچ بیر دییشیکلیک اولموردو. سلطان نه ائدجیینی بیلمیردی، ماوی سما آلتین‌داکی ساکیت دنیزده‌کی سیاحت اونلار اوچون عذابا چئوریلدی.

ایکی گون کئچدی، اما گمی‌ده اولانلارین هئچ بیری کیشینین باغیرتیسیندان بیر دفعه ده اولسون راحت یاتا بیلمدی. آرتیق سلطان ساحله قاییتماق حاقین‌دا امر وئرمیشدی. بو واخت سارایدا اؤز مودریکلیگی ایله تانینان بیر کیشی سلطانین یانینا گلیب دئییر:

- اعلاحضرت، اگر ایجازه وئرسیدینیز، من او کیشینی ساکیتلشدیرردیم.

آزاجیق ترددوددن سونرا سلطان مودریک کیشییه دئییر کی، نینکی اونا ایجازه وئریر، اگر کیشینی ساکیتلشدیره بیلسه لاپ اونو موکافاتلاندیرار دا.

مودریک کیشی امر ائدیر کی، قیشقیر-باغیر سالان کیشینی دنیزه توللاسینلار. بیر نئچه نفر گمینین آنبارین‌دا اوتوروب قیشقیران کیشینی قامارلایلیب دنیزه توللادی.

کیشی بیر آز سودا چابالادی، چوخ‌لو دوزلو دنیز سویو اوددو، سویون اوزونه چیخیب اوولکین‌دن ده محکم باغیردی، یئنی‌دن بات‌دی. سونرا وار قوه‌سینی توپلاییب بیر داها سویون اوزونه چیخدی. یالنیز بوندان سونرا مودریک کیشی اونو سودان چیخارماغی امر ائتدی.
او واخت‌دان اعتباراً هئچ کیم کیشینین سسینی ائشیتمه‌دی، آزاجیق دا اولسا گیلئیله‌نمه‌دی. سیاحتین قالان گونلرینی ساکیتجه باشا ووردو، حتی یانینداکیلاردان بیرینه سمانین و دنیزین نئجه گؤزل اولدوغونو دا دئمیشدی.

گمی‌ده اولان هر کسه عذاب اولان سیاحت گؤزل استراحتله عوض اولوندو.

گئرییه قاییتمازدان بیر نئچه گون اول سلطان همین مودریکین یانینا گئدیر، اوندان سوروشور:

-هاردان آغلینا گل‌دی کی، یازیق کیشینی دنیزه آتماقلا او ساکیتلشه‌جک؟

مودریک جواب وئریر:

-من بونو اؤزومون ائولیلیک حیاتیم‌دان بیلیرم. من همیشه آروادیمی ایتیرمکدن قورخوردوم، او قدر قیسقانج ایدیم کی، من ده بو کیشی کیمی بوتون گونو قیسقانجلیقدان قیشقیریب- باغیریردیم. بیر گون آروادیم داها دؤزمه‌دی، منی ترک ائدیب گئتدی. من اونسوز یاشاماغین عذابینی داددیم. آروادیم بیر شرطله گئری قاییتدی کی، من بیر داها قیسقانجلیغیملا اونون حیاتینی زهر ائتمییم. بو کیشی ده هئچ واخت دوزلو دنیز سویو داددمامیشدی، هئچ واخت سودا بوغولانین نلر چکدیینی حس ائتممیشدی. او بونلاری حس ائد‌ن‌دن سونرا گمینین ایچینده اولماغین نئجه راحت اولدوغنو باشا دوشدو.

تاریخ
2019.04.12 / 18:12
مولف
آیتاج آراز
شرح لر
دیگر خبرلر

گئجه‌لری چوخ گؤزه‌ل اولور یالنیزلیغین - شعیر

اللهی راضی سالماغین یولو... - مشهور یازیچینین حکایه‌سی

اؤلموشم مزاریم، سویوق بیر فصیل... - آرش احمدی

یویوناراق غوربتینی روژ لکه‌لی شافاقلارا...

عاشیق اوخو... - غلامرضا مجدفر

اؤلومله سونا چاتان حیات یاخشی یاشانمامیش حیات‌دیر... -حکایه

باکیره اوتاقلارین اوز توتدوغو آداملاردیسا تنهالیق- شعیر

گل قاداسی! سنین غزل پایین قالیر - شعیر

نیه اینانیرسانسا او دا آلیناجاق - حکایه

ويجدانينی پولا ساتان، نادانلار.. - شعیر

خبر خطّی
 
Axar.az'da reklam Bağla
Reklam
Bize yazin Bağla