Axar.az
یوخاری
24 اییون 2019


خوشبختلیین سیرری... - مشهور یازیچینین حکایه‌سی

آنا صحیفه ادبیات
12 Punto 14 Punto 16 Punto 18 Punto

Kult.az تانینمیش یازیچی پوولا کوئلهونون "ایکی دامجی یاغ" آدلی قیسا حکایه‌سینی تقدیم ائدیر:

بیر تاجیر خوشبختلیین سیررینی اؤیره‌نمک اوچون اوغلونو مودریکلرین مودریکینین یانینا یوللادی. گنج اوغلان دوز قیرخ گون صحرادا گزیب-دولاشاندان سونرا بیر سارایا گلیب چاتدی. سارایین قارشیسیندا چوخلو آداملار توپلاشمیشدی. همین سارای‌دا گنج اوغلانین آختاردیغی مودریک یاشاییردی.
نئجه دئیرلر، گنج اوغلان آختاردیغی مودریک آدامی گؤرمک اومیدیله اوتاغا گیردی. اوتاغا تاجیرین بیری گیریب بیری چیخیردی. بیر طرف‌ده آداملار صحبتلشیر، بیر طرف‌ده اورکئستر حزین موسیقی چالیردی. اوتاقدا بیر ایستول واردی کی، اونون دا اوستونده دونیانین ان لذیذ یئمکلری دوزولموشدو.
مودریک آدام هر بیر تاجیرله بیرببیر صحبت ائدیردی، بونا گؤره ده ایکی ساعت گؤزله‌ین دن سونرا اونون دا نؤوبه‌سی چاتدی.
جوان اوغلان گلیشینین سببینی دئدی، مودریک آدام دا صبرله اونا قولاق آساندان سونرا دئدی کی، ایندی اونون خوشبختلیین سیررینی ایضاح ائتمک اوچون واختی یوخ‌دور. بئله‌لیکله ده مودریک آدام گنج اوغلانا تکلیف ائتدی کی، ایکی ساعت‌دان سونرا گلسین، بو واخت عرضینده سارایی گزیب دولاشسین.
- سندن بیر خواهیشیم وار. سارای‌دا گزرکن بو چای قاشیغینی دا اؤزونله گؤتور، قویما یاغ تؤکولسون. - بونو دئییب مدریک آدام گنج اوغلانا بیر چای قاشیغی وئردی و قاشیغا ایکی دامجی یاغ تؤکدو.
گنج اوغلان اوتاق‌دان چیخیب پیللکه‌نلرله سارایین او باش-بو باشینا گئتدی. اما گؤزونو قاشیقدان چکمیردی. ایکی ساعت کئچندین سونرا او مدریک آدامین یانینا قاییتدی.
- دئمه‌لی بئله، جوان اوغلان، سارایین یئمک اوتاغین‌داکی فارس قوبئلئنلرینی گؤردونمو؟ دونیانین ان باجاریقلی باغبانینین ۱۰ ایل واخت صرف ائدیب یاراتدیغی باغیمی گؤردونمو؟ کیتابخانامداکی پئرقامئنت اوزلو کیتابلاری گؤردونمو؟
هیجان‌دان اوتانان اوغلان اعتراف ائدیر کی، او بونلارین هئچ بیرینی گؤرمه‌ییب. او دئییر کی، اونون بوتون فیکری قاشیقداکی یاغدا اولوب کی، اونا اعتبار ائدیلمیش یاغی داغیلماغا قویماسین.
- ائله ایسه گئری قاییت، گئت منیم معجزه دونیامی تزه‌دن گز. کیمینسه ائوینی گؤرمه‌دن اونا اعتبار ائدیب اینانماق اولماز- مودریک آدام دئییر.

جاوان اوغلان راحت نفس آلیب، قاشیغی دا گؤتوروب اوتاقدان چیخیر، سارایی گزیب دولاشیر. بو دفعه او گؤردویو هر شئیه - تاوان‌دا، دیوارلارداکی شکیللره دقت وئریر. او معجزه‌لی باغی گؤرور، سارایین اطرافینداکی داغلارا باخیر، رنگارنگ گوللره تاماشا ائدیر. مودریک آدامین یانینا قاییداندا جاوان اوغلان گؤردوکلری حاقدا بیر –بیر معلومات وئریر.

- بس منیم سنه اعتبار ائتدیین او ایکی دامجی یاغ هانی؟- مودریک آدام جاوان اوغلاندان سوروشور.
للینده‌کی قاشیغا باخان اوغلان گؤرور کی، قاشیقداکی یاغ داغیلیب.

- من سنه یالنیز بیر مصلحت وئره بیلرم. خوشبختلیین سیرری دونیانین گؤزللیکلرینه تاماشا ائدرکن الینده توتدوغون قاشیقداکی ایکی دامجی یاغی اونوتماماقدادیر. - مودریکلرین مودریکی دئییر.

تاریخ
2019.04.14 / 14:36
مولف
Axar.az
شرح لر
دیگر خبرلر

من سنه نه یازیم ،صمد؟ - سهند

هر هارا باخیرام سنی گؤرورم - شعیر

من یاتاغین ایکینجی مرتبه‌سینده یاتانمارام. یئریمی ده‌ییشین

سؤندورولموش اوجاغین دا یادداشی وار- شئیر

گاندی هندوستانین اؤزگۆرلۆک باشچیسی نئجه‌ده گؤزل یازمیش حیات یولداشینا

سالمادی سئوگی منه سایه بو عالمده - شئیر

گؤزلریندن داملایان یازیلمامیش شعرلریمدی- شئیر

دادستان‌ین مجوز ایله، سیزین ائوی آختارمالییق..-حکایه‌

یا رب! مدد ائت کی بو امانت - مناجات

زيرو‏سينده دومانلار سوز‏ن سهند- شئیر

خبر خطّی
 
Axar.az'da reklam Bağla
Reklam
Bize yazin Bağla