Axar.az
یوخاری


ويجدانينی پولا ساتان، نادانلار.. - شعیر

آنا صحیفه ادبیات
12 Punto 14 Punto 16 Punto 18 Punto

Kult.az نوسرت کسمنلینین "اوغرو اولماق ایستییرم" آدلی شئیرینی تقدیم ائدیر:

قوی پلیس لر ائشيتمه سين،
قورخولو بير سيرر دئييرم:
چوخداندير کی، بير آرزوم وار،
اوغرو اولماق ايسته ييرم!

اينسانلارين آراسيندان
عقیده-سیز آداملاری
ويجدانينی پولا ساتان، نادانلار
اوغورلاماق ايسته ييرم

بو تورپاغين گوندن-گونه
نييه آرتير دردی-سری
دؤولتلرين آراسيندان سرحدلری
اوغورلاماق ايسته ييرم

آخی، نه ايش گؤرموشم کی،
اوغورلوق دا ايشدی باری.
من آنامين صيفتينه،
واختسيز دوشموش قيريشلاری
اوغورلاماق ايسته ييرم !

بيريسينی ييخماق اوچون
ايکيسی نين اولفتينی،
اينسانلارين اوره-یيندن
هر کينينی، نيفرتينی،
يالانينی بوندان اونا،
اوندان بونا ساتانلاری،
ايکی سئوه-ن آراسيندان
او اوچونجو آداملاری
اوغورلاماق ايسته ييرم !

آراز آخير …
او تايدان دا اينسان باخير،
بو تايدان دا اينسان باخير،
نئچه ميليون گؤزوياشلی عزيزيمی،
او حسرتلی تبريزيمی
اوغورلاماق ايسته ييرم !

ايندی نئچه دؤولتلردن
مظلوملارين آه-زارينی،
ياد تورپاقدا ياتيب قالان،
عصرلرين آرخاسيندان
قوللارينی چاتيب قالان
کربلادان فوضولی نين،
حلب دنسه نسيمی نين مزارينی
اوغورلاماق ايسته ييرم !

نه گيزله-دک، بيلير هامی
تونقال قاتيب يانديريرلار
بو جهانی .
قلبيم دئيير :
"بير آذری مثلينی يادينا سال،

"اوغرودان-اوغرويا حالال …"
پرومئتئی اوغورلاييب
اينسانلارا وئره-ن اودو
اوغورلاماق ايسته ييرم !
لاپ غضبی توتسا بئله
يئرين منه، گؤيون منه
نه دئييرسيز، دئيين منه
اوغرو اولماق ايسته ييرم !!
اوغرو اولماق ايسته ييرم !!

تاریخ
2019.04.19 / 14:42
مولف
آینورا مممدووا
شرح لر
دیگر خبرلر

ای ســاربان آهــسـتـه گـئـت ، آرام جـانـیم دیر گـئـدن...- غزل

آی گئدن ساروان گئتمه بیر دایان - شعر

گؤزوم چوخ حسرت‌دیر خومار گؤزونه...- غزل

اولدوزلار قیقاجی پاریلتیلارینی... - شعر

بو اوندان دا بَرک قاچاردی!

سسیم سکوتا بوروندو،غزل‌لریم اوشودو - نادر الهی

«توران»-دئییب بوز قورد کیمی دورانا.- شعیر

سنين گؤزلريندن باشلاندي زامان... - سعید موغانلی

ائله اینسانلار تانیدیم کی، تبریز دئینده گؤزلری دولوردو...-حکایه‌

معشوقون آیاغی هارایا دَئیسه، اوراسی عاشیقه وطن کیمی دیر...

خبر خطّی
 
Axar.az'da reklam Bağla
Reklam
Bize yazin Bağla