Axar.az
یوخاری


من ندن یاپیشیم، گؤزلرین واریثی گؤز یاشلاریدیر... - ممد آراز

آنا صحیفه ادبیات
12 Punto 14 Punto 16 Punto 18 Punto

Kult.az آذربایجانین تانینمیش شاعری ممد آرازین شعرینی تقدیم ائدیر:

یئنه گؤزون دولو ، اوره یین دوُلو
تسللی سننیندیر، گیلی لر منیم
واللاه،اؤز ایچیمده اؤز دردیم دوُلو
واللاه، بو گیلی لر کوُل ائیلر منی..

گؤزوندن اوُوجونا آرخ آچدین،یئتر
أل آتسان، چیچکلر، سولار ،قورویار
اؤزؤنؤن یانقیسی اوجاقدان بئتر
بولودلار قورویار،سولار قورویار..

من ندن یاپیشیم، ندن بارینیم
گؤزلرین واریسی گؤز یاشلاریدیر
قادین زینتینین ، قادین وارینین
اوجوز میرواریسی گؤز یاشلاریدیر..

هله دوسلاریم وار -الی قولومدا
بیر درده ایتییم، بیر درده توشام
گئجدن گؤندوزه گئدن یولومدا
بو گؤز یاشلارینا چوخ اوُدوزموشام..

گؤردوم گوُلوشوندن گولاب یاغانی
بیر گؤزو قئزلدی بیر گؤزو گوموش
دویدوم بیر مقامدا او آغلاغانی
گؤزو آغلایاندا قلبی گولورموش.!

دردیله،غمیله قوشا یاتدیغیم
او نئجه نفسدی، او نئجه سسدی..
بؤدوریب آشاندا أل اوزادیغیم
دیکه لیب قالخاندا ألیمی کسدی..

یئخیلدیم، یئخانا قاهمَر دوردولار
او گؤز یاشلارینا ایناندیقلاریم..
گؤزومده هوُرومچک تورو قوردولار
او گؤز یاشلارینا ایناندیقلاریم..

قووی بئله نه اوُدوم،نه کوُزوم اولسون
آییل بو طعنه لی سؤز داشلارینا..
گؤتور گؤزلریمی،دؤرد گؤزون اولسون
آغلاما،قورخورام گؤز یاشلاریندان..

هله دوسلاریم وار -الی قولومدا
بیر درده ایتییم، بیر درده توشام
گئجه دن گونوزه گئدن یوُلومدا
بو گؤز یاشلارینا چوخ اودوزموشام...

تاریخ
2019.04.24 / 19:09
مولف
آیتاج آراز
شرح لر
دیگر خبرلر

کؤچن دورنالارلا ایسلانیر گؤزوم... - شعر

قۏی بو أل‌لر سنده قالسېن - شعیر

ایسمائیل ، آل-قیرمیزی رنگلی بوتانی باباسی شیخ جونیدین ....-حکایه‌

اورکدن عشقینی اویوب گئدیرم- شئیر

فریدون ابراهیمی‌نین حیاتی ایله باغلی رومان

قارانلیق محبس دَه یاتان بیر اَری...

شیمدی گرچی نسیمییه‌م، حاق ایله یکسان اولموشام..- غزل

ای ســاربان آهــسـتـه گـئـت ، آرام جـانـیم دیر گـئـدن...- غزل

آی گئدن ساروان گئتمه بیر دایان - شعر

گؤزوم چوخ حسرت‌دیر خومار گؤزونه...- غزل

خبر خطّی
 
Axar.az'da reklam Bağla
Reklam
Bize yazin Bağla