Axar.az
یوخاری


دورماسین هئچ قاطارلار، آرزولایان بیر اوغلان دیر...-شعر

آنا صحیفه ادبیات
12 Punto 14 Punto 16 Punto 18 Punto

Kult.az گونئی‌لی شاعر آرش احمدینین شعرینی تقدیم ائدیر:

عشق
خیاوانلارین اورتاسیندا، ائوینین آدرئسینی ایتیرن بیر قادین دیر!
قهوه خانالارین سرینلیینده اوزاقلارا دالیب یوخویا گئتمیش بیر کیشی دیر!
اوتوبوسون سون صندلینده اوتوروب هاردا دوشدویونو اونوتان بیر قیز دیر..
قاطارین پنجره سیندن یوللارا باخیب
سونسوز اولسون بو یوللار
دورماسین هئچ قاطارلار،
آرزولایان بیر اوغلان دیر...

عشق!

آخشام اوستو ایچینده آغلایان بیر قیز دیر!
اللرینی جیب لرینه بوراخیب یول اوسته یاپراقلارین خیشیلتیسینی دینله ین بیر اوغلان دیر...
عشق
همن ساعات آلتی همن پارک
یالقیز قوجا کیشی دیر!

یالنیزلیغینی کاغاذلاردا دانیشان شاعیردیر
عشق...
پاسپورتونو گؤتوروب اؤزوندن قاچان بیریسی دیر!
موحاربه نین لاپ چتین واختی
عاییله سینی دوشونن عسگردیر!
عشق
گئجه یازیلان مکتوب لاردیر
دووارا یازیلان بیر ایسمین ایلک حرفی دیر
یاغیش آلتیندا گیزلین گؤز یاشلاری دیر...

بلکه
بیر سس دیر
سوکوت بویدا بیر سس!
عشق،
پاییز دیر
آغاج لارین داریخماسی
دورنارلارین کؤچمه سی!

هر سحر یئنی دن آییلماق
یئنی دن یاشاماق
یئنی دن باشلانماق دیر عشق...

تاریخ
2019.05.02 / 17:34
مولف
آیتاج آراز
شرح لر
دیگر خبرلر

بو اوندان دا بَرک قاچاردی!

سسیم سکوتا بوروندو،غزل‌لریم اوشودو - نادر الهی

«توران»-دئییب بوز قورد کیمی دورانا.- شعیر

سنين گؤزلريندن باشلاندي زامان... - سعید موغانلی

ائله اینسانلار تانیدیم کی، تبریز دئینده گؤزلری دولوردو...-حکایه‌

معشوقون آیاغی هارایا دَئیسه، اوراسی عاشیقه وطن کیمی دیر...

آچ وئر یئله هؤروکلرینین زنجیرین گولوم - شعیر

ساچلاری، اوره‌ک اوسته سردیم- شعیر

سنسیزلیگه دؤزمک نه سایاق ممکن اولارمیش - شئیر

قورتولوشا محتاج گلدیم قاپینا - شعیر

خبر خطّی
 
Axar.az'da reklam Bağla
Reklam
Bize yazin Bağla