Axar.az
یوخاری


باغیردیم سسیم گلدیکجه - شعیر- ویدئو

آنا صحیفه ادبیات
12 Punto 14 Punto 16 Punto 18 Punto

Kult.az رسول رضانین "دنیز حاقین‌دا نغمه‌لر" آدلی شعیرینی تقدیم ائدیر

دنیز دئدی کی،
ساحللر سیخیر منی،
داریخیرام قایالارین
ابدی چمبرین‌ده.
دالغالارین رق‌سینه باخما.
اوستومه پول-پول تؤکوله‌ن شفقلره،
سینه‌م‌ده ایتیب گئدن اوفوقلره
باخما!
دردیم چوخدور درین‌ده.
داریخیرام ساحلین چمبرین‌ده،
من داوام ائتدیم یولوما؛
دوشونجه‌لره بورونوب.
دنیزه باخمادیم،
گئتدیم فیت چالا-چالا،
لپیری‌می قوملارا سالا-سالا.
گئتدیم سرعتله، قصداً؛
بلکه اوزاقلاشام
من‌دن جاواب ایسته‌یه‌ن
بو سس‌دن.
من گئتدیم، دنیز گل‌دی آرخامجا.
گل‌دی سس‌لی-کوی‌لو
دئدی: - بلکه من‌دن بیر اوووج
آپاراسان!
بلکه بیر داملا دردی‌می
سینه‌م‌دن قوپاراسان.
کولکلر شیلللییر منی، - دئدی، -
گونش قورودور منی، - دئدی، -

قایالار پارچالاییر دالغالاری‌می.
ائشیدیرسن‌می، ائی!!!
… آیاق ساخلادیم بیر آن.
باغیردیم سسیم گلدیکجه:
نه قاراقیشقیریق سال‌می‌سان!
علی قوینون‌دا دورموش بالیق‌چیلاردان
خبرین وارمی؟
سن‌دن کیچیک دئییل
اورکلرینین توتومو.
نئچه دونیا یئرلشیر اوردا:
نسی‌می قلبی کیمی.
اونلارین دا قلبی
چمبرین‌ده‌دیر.
خزری سوسدورور اونلاری،
سنی نریل‌ده‌دیر.

مرهوم سنتکار فواد پولادووون ایفاسین‌دا بو شئیری دینله‌یه بیلرسیز:

تاریخ
2019.05.04 / 21:41
مولف
آینورا مممدووا
شرح لر
دیگر خبرلر

اولدوزلار قیقاجی پاریلتیلارینی... - شعر

بو اوندان دا بَرک قاچاردی!

سسیم سکوتا بوروندو،غزل‌لریم اوشودو - نادر الهی

«توران»-دئییب بوز قورد کیمی دورانا.- شعیر

سنين گؤزلريندن باشلاندي زامان... - سعید موغانلی

ائله اینسانلار تانیدیم کی، تبریز دئینده گؤزلری دولوردو...-حکایه‌

معشوقون آیاغی هارایا دَئیسه، اوراسی عاشیقه وطن کیمی دیر...

آچ وئر یئله هؤروکلرینین زنجیرین گولوم - شعیر

ساچلاری، اوره‌ک اوسته سردیم- شعیر

سنسیزلیگه دؤزمک نه سایاق ممکن اولارمیش - شئیر

خبر خطّی
 
Axar.az'da reklam Bağla
Reklam
Bize yazin Bağla