Axar.az
یوخاری


محبت مکتوبلارینا کیمی... - حکایه

آنا صحیفه ادبیات
12 Punto 14 Punto 16 Punto 18 Punto

Kult.az گونئی‌لی یازی‌چی ارسطو مجرداین "مکتوب" حکایه‌سینی تقدیم ائدیر:

اوزون ایل‌لرایدی پُستخانایا یولوم دوشمه‌میشدی. یئنی‌یئتمه و گنج چاغلاریم دولودور مکتوب خاطیره‌سی‌له."شوروی"دن گلن مکتوبلاردان توت، جیبهه و سونرالار ...محبت مکتوبلارینا کیمی...

او اینتیظارلار، او پستچی‌نین قاپی قارشی‌سینا گلمه یی، مکتوبون پاکئتی، اوستونده تمبری، دالغا شکلینده مؤهرو و گؤندره‌نین آدی، نه قده ر قلبیمیزی قوپاراردی. سونرا تله سیک، مربع یاخود بعضن مستطیل فورمادا اولان پاکئتین بیر گوشه‌سینی جیرماق، و هیجانلا قاتلانمیش کاغاذی ایچیندن چیخاریب، چئویریب اویان بویانینا دیققتله باخاندان سونرا سطیرلری تامسینا تامسینا اوخوماق. و غریبه بیر هیجانلا دقیقه‌لرله جومله‌لره دالماق...

مکتوبلار! حیاتیمیزین ان شیرین بؤلومو ایدی. هرچند بعضن آجیناجاقلی بیر تراژدییه ده چئوریلیردی.

عجیب ایدی!

گلن مکتوبلارلا دالدادا ایچین ایچین نفس آلماق و اونلاری گونلرجه عزیزله مک و دفعه لرله اؤپوب اوره یی نین باشینا قویماق...
هله مکتوب یازماق! مکتوب یازماق اؤزو بیر حئکایه ایدی. دفعه‌لرجه سطیرلری یازیب پوزماق، قارالاماق، بوکده‌له‌ییب آتماق. بعضن اوره‌یینده کی‌لری هئچ جوره کلمه‌لره چئویره بیلمه‌مک...

اوزون ایل‌لر ایدی پستخانایا یولوم دوشمه‌میشدی. بیر آدرئسه کیتاب گؤندریردیم. کیتابی پاکئته قویوب عوض‌سیز بیر ماراقلا اوستونو یازدیم...

سوندا دؤنوب پستخانانین پیلله‌لرینی ائنرکن نوستالژیک حیسس‌لر منی اوزاق کئچمیشه قایتاردی، او گونلره کی شاملو دئمیشکن:"هر روز مث جغد روبروی اداره پست می نشستم تا..."

تاریخ
2019.05.08 / 18:12
مولف
آیتاج آراز
شرح لر
دیگر خبرلر

سنين گؤزلريندن باشلاندي زامان... - سعید موغانلی

ائله اینسانلار تانیدیم کی، تبریز دئینده گؤزلری دولوردو...-حکایه‌

معشوقون آیاغی هارایا دَئیسه، اوراسی عاشیقه وطن کیمی دیر...

آچ وئر یئله هؤروکلرینین زنجیرین گولوم - شعیر

ساچلاری، اوره‌ک اوسته سردیم- شعیر

سنسیزلیگه دؤزمک نه سایاق ممکن اولارمیش - شئیر

قورتولوشا محتاج گلدیم قاپینا - شعیر

قوزئی‌ده «تبریز!» دئیه اینله‌یه‌ن شاعرلرین کیتابلارینی گیزلیجه....-حکایه‌

یاتمیش هامی، بیر الله اویاق‌دیر، داها بیر من - شعیر

ساراجلیلاری سوجیلی، ماهروزلو، جفرآباد جامااتی ایله بیرلیک‌ده - حکایه‌

خبر خطّی
 
Axar.az'da reklam Bağla
Reklam
Bize yazin Bağla