Axar.az
یوخاری
27 اییون 2019


آچ وئر یئله هؤروکلرینین زنجیرین گولوم - شعیر

آنا صحیفه ادبیات
12 Punto 14 Punto 16 Punto 18 Punto

Kult.az آیدین باخیشین "هؤروکلو قیز" آدلی شعیرینی تقدیم ائدیر:

سن آغلاما یانیقلی- حزین گول هؤروکلو قیز
تر- تر آیاقلانیر ائله‌بیل گول هؤروکلو قیز

هر یول گؤرنده بؤیله سنی کؤنلوم اودلانیر
سانکی سوخور فلک گؤزومه میل هؤروکلو قیز

هئی دیسگینیر مزاردا آنان قبر اوچوقلاییر
دای آغلاما اوون گؤزونو سیل هؤروکلو قیز

قایتار گئری شیکایتینی تانری اینجی‌یر
سپ بؤیله دونیانین باشینا کول هؤروکلو قیز

سن آغلایاندا ترله‌دی قرآن سطیر- سطیر
تورات اوتاندی دینمه‌دی انجیل هؤروکلو قیر

لای- لای دئینلرین دیلینه اویما اونلارین
یوخدور الینده بیر تیکه نیسگیل هؤروکلو قیز

ایندی بولاقلاریندا اوزو آغ دئییل یازیق
باشدان نسه سو واردی گلیر لیل هؤروکلو قیز

سیندیر عدالت آدلی جامین دیکتاتورلارین
یاغدیرماسینلا خالقا یالان دیل هؤروکلو قیز

صولح آدلا سالدیلار قاپینیزدا ساواش سیزین
صولحو ذلیل نجور بیلیسن بیل هؤروکلو قیز

حتی ائشیتمیشم کی دئییبدیر یازیق نوبئل
منله توتون برابر اونا ایل هؤروکلو قیز

آزادلیغین سیجیللی‌سی ایسلاق اوخونماییر
فرعون چاغی گؤتوردو اونو نیل هؤروکلو قیز

آچ وئر یئله هؤروکلرینین زنجیرین گولوم
زنجیرله‌نن زمان داریخیر تئل هؤروکلو قیز

آنجاق اینانما هئچ کیمه حتی اوچان یئله
چون بیجلرینده اولگوسودور یئل هؤروکلو قیز

بئل باغلاساندا باغلا بیر آیدین باخیش ائله
یانسا یانار سنین حالینا ائل هؤروکلو قیز

تاریخ
2019.05.18 / 21:22
مولف
آینورا مممدووا
شرح لر
دیگر خبرلر

سینیرلاراوزه رینه چکیلمیش تیکانلی مفتیل - شعیر

بیزی اوراقلاییب ایکی بؤلدولر آرادا گوناهی آراز آپاردی - شعیر

یا گره‌ک بیز جوانلاشاق، یاداکی...-حکایه‌

بو دولانباج کوچه‌لردن باخاسان، بايدا جوجرمير نييه بس؟ - شعر

مین سطیر باخیش یازیلیر گؤزلریمه - شعیر

سیخیلما، قونماغینا بیر اوره‌ک وطن گؤرونور- شعیر

من سنه نه یازیم ،صمد؟ - سهند

هر هارا باخیرام سنی گؤرورم - شعیر

من یاتاغین ایکینجی مرتبه‌سینده یاتانمارام. یئریمی ده‌ییشین

سؤندورولموش اوجاغین دا یادداشی وار- شئیر

خبر خطّی
 
Axar.az'da reklam Bağla
Reklam
Bize yazin Bağla